السلام عليكم ..
طبعا قصتي بدأت من عام 2008 عندما دخلت القطاع الخاص في إحدى الشركات في المنطقة الجنوبية , طبعا المدير منحرف أخلاقيا بمعنى الكلمة ويستغل منصبه في أهداف خاصة المهم في يوم من الأيام طلب مني الذهاب للبنك لإحضار برنت من البنك له شخصيا .. ذهبت للبنك وأعطاني الموظف البرنت الخاص به لمدة 3 أشهر , وقفت عند الإشارة وأنا راجع وبالصدفة شفت الصفحة الأولى من الأورآق حقت البرنت .. والصدمة كانت تحويل مبالغ لوحده إسمها فلانه بنت فلان آل فلان الفلاني , وقفت أتذكر مر علي هالإسم بس وين وين , الله يشهد ماشفت الأوراق ولا أطلعت عليها لأنها تدخل في خصوصيات هالشخص ولكن ربي أرآد أشوفها , من غبائي ماصورت الورقة وأعطيت المدير البرنت , ولما رجعت المكتب جلست أفكر من هي هذي وكيف مر علي إسمهآ , والمصيبة لقيتها إخت موظف عندنا !!!!!

طبعا هالحقير إستغل منصبه وأغلب سكان المنطقة الجنوبية يعانون من تدنئ المعيشه بس أعرف كيف وصل لها وش الغرض من تحويل المبلغ لها , طبعا لما شفت البرنت لقيت أكثر من إسم بنت محول لها من 200 إلى 3000 مبالغ مختلفه , والمشكلة واللي يقهر أكثر ما أحد يصدق فيه لأنه إنسان إجتماعي وكثير معارف في المنطقة والمدير العام مايسمع فيه , طبعا قريت في نظام مكتب العمل أي شخص يستغل منصبه لأغراض شخصيه يفصل من منصبه ؟

هل يطبق هالنظام على هالشخص أم لا ؟

ورب الكعبه ما ظلمته في أي شي أو أني أكرهه لا والله بس من جد شي يقهر .

أما الشي الثاني في هذي الشركة كلها عنصرية المدير ومدراء جميع الأقسآم إلا قسم أو قسمين جميعهآ من نفس قبيلة المدير ولا يحاسبهم النظام أبدا , الواحد منهم يتأخر ساعه ساعتين عاااادي جدا بس لما يتغيب شخص ثاني بأي ظرف كان يطبق عليه النظام , وتنهال عليه الأسئلة وين كنت وأحسن ماداومت ومن هالكلام اللي يقهر , ولما تطلب إجازة أو مستحقات لك وربي كأنك تشحذهم شحاذه واذا كان من نفس القبيلة موضوعه في دقايق يخلص مهما كان , وجميع موظفي هالقبيلة كلهم عندهم سيارات من الشركة واللي من برى هالقبيلة مطلع سيارته بنفسه اللي بإيجآر منتهي بالتمليك واللي أقساط .. إلخ

يعني الشر يعم كل الموظفين والخير يخص أبناء هذه القبيلة ؟

علما بأني من عام 2008 راتبي لم يزيد ريالا والباقين ههههههه سنوياً زيادة .

أنا أخاف أتكلم وأخسر وظيفتي وفي نفس الوقت مقهور من داخل وونفسي أفصل منها اليوم قبل بكره لكن مابي كلام الناس يقولون فلان فصل من وظيفته الله يفضحه ولا ورب الكعبه ماعاد أبيها لو تكون زيادتي يوميا موب سنويا .


لو أحد مكاني وش راح يسوي في هالظلمه ؟؟؟

طيب الله يعطيك العافيه
افرض مثلا ان الموظف طلب من المدير تحويل الراتب على حساب اختة مثل ماتفضلت
؟

يا أخوي لاتظلم نفسك وأحسن الظن قد يكون أخت فلان الفلاني إلى ذكرت عندها عمل خاص بأسمها أو أي شي ثاني أحسن الظن ..
وأعلم سبب كلامي هو مايصير تنقل سوء الظن الي عندك بناء على شي خمنته أنت بمزاجك هذي وحده
أثنين أنت تقول أنا ما أكره مديري لاكن بأخر الموضوع ذكرت أنه فيه عنصريه بالعمل وفيه ظلم ممايدل على عدم راحتك في المكان الذي تعمل فيه .. بمعنى أنت فعلا تبحث عن أي شي يسئ لمديرك وهذا العمل سئ أخي الفاضل

بالنسبه للمحسوبيات الموجوده عندكم بالعمل .. أنا برأي إلى يبغا يشتغل لاينظر للأمور هذي كلها لأنه بكل مكان فيه محسوبيات وواسطات فلاتتعب نفسك بهالأمور لأنه حتى أنت لو عندك واسطه ماراح توفرها صدقني

أهم شي بالعمل أنك تكون مرتاح لطبيعة شغلك أما محيط العمل هذا شي ثانوي .. هذا رأي الشخصي و أتمنى ماتزعل مني
وتمنياتي لك بالتوفيق .. وسلامي للجميع