11-09-2007, 03:07 AM
|
 |
|
|
تاريخ التسجيل: Nov 2006
الدولة: ::: اللهـ يصبرنا على فراقكـ يالمدينهـ :::
المشاركات: 6,817
معدل تقييم المستوى: 236357
|
|
|
قصيدة مبكية .. الجزء الثاني
هذه هي القصيدة الأخرى
التي ماكانت إلا تكملة للقصيدة الأولى بنفس الوزن والقافية .. وماهي إلا خطوة أخرى
في تسلسل الأحداث..
يرجى ممن لم يقرأ الجزء الأول زيارة هذا الرابط قبل قراءة القصيدة الثانية
وهذه القصيدة صاغها الشاعر نصار الظفيري على لسان الابن وكأنها أتت بعد فترة من
قصيدة الأم
لن أطيل .. وسأترككم مع القصيدة
يايمـه .. منتهـي جيتـك وطالـب مـنـك الغـفـران
أقـبـل قـاعـة أقـدامـك واغسـلـهـا بدمـعـاتـي
يايمـه .. كــل مافيـنـي يناديـلـك أنــا نـدمـان
طلبتك ؟ .. قولـي سامحتـك وردي لوجهـي بسماتـي
أنـا أدري قلبـك الطيـب كسرتـه بصدمـة النكـران
غلطـت .. وغلطتـي هـذي تعيّّـر كــل غلطـاتـي
تشوفـي الشيـب يايمـه تـرى ماجـا وأنـا فـرحـان
وربـي إلـي رفـع ذاتـك ونـزل لـلـردى ذاتــي
فقدت الراحه مـن بعـدك .. فقـدت الطيبـه والتحنـان
بدونـك .. راحتـي غايـة بدينـك هــذي راحـاتـي
أنـا بعـدك ولا حاجـه أنـا بعـدك تــرى عمـيـان
أشـوف .. ولا أشـوف إلـي يوريـنـي مسـاواتـي
أنا وسيـد الشقـى والهـم مـن بعـدك غدينـا أخـوان
يجيـب هـمـوم هالعـالـم .. ويرميـهـا بمتاهـاتـي
صدقتي .. يوم قلتـي لـي تديـن اليـوم بـس تنـدان
رميتـك فـي بداياتـي .. ورمونـي فــي نهايـاتـي
أنـا مـن شالـك بيـده ورمـاك بأسـفـل البـركـان
نخيتينـي .. وطلبتينـي .. ولا حصلـتـي نخـواتـي
مثـل ماهنتـي بعيونـي .. عليهـم يمـه قلبـي هـان
رموني وطعتهـم فزعـه .. وأنـا الدمعـات فزعاتـي
يايمـه لاتظـنـيني أنــا مــن فعلـهـم زعــلان ؟
سـوات فيـك سويـتـه وســوو فيـنـي سـواتـي
يايمـه .. يالله ضمينـي ودفيـنـي بـهـا لأحـضـان
أنـا أدري فيـك مشتاقـه .. وهمـك بـس ملاقـاتـي
يايمـه ( حييييـل ) ضمينـي أبـي أرتـاح أنـا تعبـان
تعبـت أهـرب مـن ذنوبـي أبيـك آخـر مسافـاتـي
أبسمع منـك اي كلمـه .. لصوتـك مسمعـي ولهـان
أبسمـع ( يمـه ) بصوتـك أبذكـر فيـهـا نشـواتـي
أشوفك ساكته يمـه ؟ !! .. غفيتـي ولا أنـا غلطـان ؟
غفيتـي يابعـد عمـري ؟.. تعبتـي مـن مواساتـي ؟
يايمه طالبـك قومـي .. إذا لـي فـي عيونـك شـان
أشـوف المـوت بعيونـك عساهـا تخيـب هقـواتـي
تعالـو يابشـر شوفـوا أنـا محـتـار أنــا تلـفـان
أنا أمـي مـدري وش فيهـا أنـا مـدري أنـا أحاتـي
شنو ؟؟ أمي أنا ماتـت ّ!!! لا لا .. لاااا تـرى غلطـان
أنـا أمـي ماتخليـنـي عـلـى حـزنـي وونـاتـي
أنـا أمـي قلبهـا طيـب ولا يمكـن تبـكـي إنـسـان
أنـا أمـي مــا تبكيـنـي .. ولا تتمـنـى آهـاتـي
يايمه صح مامتي ؟ .. وصـح المـوت تـو ماحـان ؟
إذا متـي أنـا بـعـدك أبقـضـي ويــن ساعـاتـي
يايمـه قومـي .. وقـولـي ان الـمـوت لا مـاكـان
أنـا جيتـك وأنـا نــاوي أبـبـدي فـيـك جنـاتـي
تركتينـي ومتـى ليـه تركتيـنـي وأنــا غـرقـان ؟
ولا مسمـوح ياولـيـدي !! .. ولاتلعـنـك لعنـاتـي
أنا الجاني .. وأنا المجني .. وأنا المخطي .. وأنا الندمان
وأنـا بإيـدي رميتـك إيـه .. وبعثـرت أهـم ملفاتـي
وجيت من الهنا مفلس .. وقلبي مـن الضنـا خسـران
تركتينـي عـلـى نــاري أعــدد فـيـك زلاتــي
ولانـي مرضـي ربـي .. ولانـي تابـع الشيـطـان
أنـا بـعـدك تــرى مابـيـن نهايـاتـي وبدايـاتـي
يايمـه منتهـي جيتـك وكـلـي مرتـجـي غـفـران
وشفت الناس تلعنـي .. وتحذرنـي مـن الاتـي .. !!
أتمنى أن يكون اختيار موفق نال إعجابكم..
دمتمـ بود ,,,
|
العرض الشجري
