المستقبل (1) .....

المستقبل الواعد · #1 (**permalink**) 20-09-2010, 12:30 PM

بسم الله الرحمن الرحيم

أشهد أن لا إله إلا الله وأشهد أن محمد رسول الله

السلام عليكم ورحمة الله وبركاته .

اولا وقبل أن اتطرق لموضوعي هذه أول مرة أكتب فيها بالمنتديات ولكن هذا المنتدى سرني بما فيه من مواضيع هادفه وكتابات الأعضاء الجميلة والتي تدل على الأخوة والترابط وأنه ليشرفني أن أشارككم همومكم وأفكاركم ومستقبلكم لأننا أخوة في الدين وأخوة في الأرض والوطن وأخوة بالأنسانية ولأن هدفنا واحد من هذه الحياة وهو رضا الله والفوز بجناته الله لايحرمنا وياكم منها ..... آمين.
الحقيقة الفكرة تدور في راسي من كم شهر وحاولت أعرضها على أحد المهمين في البلد بس تراجعت خفت ترفض الفكرة أو تنسب لشخص لايقدر قيمتها والهدف من عرضها عليه كان لغرض تسهيل إجراءاتها مع انها سهلة لكن للإحتياط المهم ..
كلنا ودنا بالخير للجميع بس أن الخير هذا على قد الحال لكن النفعه الكبيرة صعبه علينا بحكم الظروف اللي نعيشها لأننا في زمن ألان كلن يقول نفسي نفسي وأحنا في داخلنا خير كثير وطيبة ورحمة وأشياء كثيرة ما قدرنا نطلعها ...
عموماً كلنا عندنا وطنية ونتمنا أن وطنيتنا هذي تكون مثمرة ولها بصمة يشوفونها كل الأجيال اللتي بعدنا ونكون قدوه لهم في المحبة والتضامن ...
لأنه وللأسف رأيت شباب كثير وصلوا مرحلة الإحباط لا والبعض منهم تبرأ من وطنيته والثاني يريد أن يهاجر للخارج وسب وشتم في النظام والحكومة وحالتهم حالة الله العالم ...
حتى أصبحت نظرة المجتمعات التي حولنا نظرة سيئة للشباب السعودي اصبحنا نحن الشباب السيئ نحن المضطهدين نحن المتخلفين نحن من نثير المشاكل نحن الذين لم يقدروا دينهم نحن الذين نعيش بلد الحرمين ولا نمتثل لمعايير الدين الحقيقية نحن ونحن ونحن .....( هذه الصورة ليست للجميع فأنا واحد منكم وفيكم سعودي وأفتخر بكل سعودي ولكن توجد فئة لاتسيئ لنفسها بل تسيئ لنا أيضاً وتبنى عننا صورة غير حقيقية ) ...
ومن منظور الأحداث الأخيرة والوضع الراهن الذي نتعايشه غصباً عنا علماً أن الدولة قائمة على الإصلاح ولكن بشكل بطيئ وهنا يجب أن يكون لنا دور مهم وفعال .
الفكرة فيها خير للجميع ومفتوحه للعموم لكل سعودي وهي بتكون على مراحل طويلة شوي بس فيها خير بالمستقبل وبرأس مال بسيط جداً وهي بتكون بأنشاء مساهمه للشباب قانونية ونظامية وحقانية بما يرضي الله ليبنون منها مستقبلهم بأفكارهم ومواهبهم وعلمهم بدون أي مساعده هم بإجتهادهم سيعملون . ( الفكرة محتاجه كل مجال يخطر على بالكم ).
وانا ما راح أتكلم فيها لين أشوف ردودكم وأتمنى إن الله يوفقني فيها لأنني بصراحة ودي أحس أني سويت شيء فيه خير بحياتي شيء مهو خسارة في أخواني وخواتي . ويعلم الله والله على ما اكتب وأقول شهيد اني ما أوريده لنفسي هو ما أوريده لكم .

وألان أتمنى أني أشوف ردودكم حتى نكمل الموضوع بشكل جدي وصريح و واضح بدون أي غموض . في المستقبل 2

طبعاً أتـمنى تكملة الموضوع تحت إشراف إدارة المنتدى لنضمن المصداقية .

هذا وصلى الله وسلم على سيدنا ونبينا محمد وعلى آله وصحبه أجمعين ...........
[/align]

الهلآلي · #2 (**permalink**) 20-09-2010, 01:51 PM

وعليكم السلآم ورحمة الله وبركاته
تــصـــــدق حسستني انك امير من عيال آل سعود وبعدين وش فيك منبرش ع الشباب بالله عليك واحد يقوم من النوم مايدري وين يروح واذا شغل جواله لقي اقل شيء 30 اتصال من الديانه وهذا غير الرسايل اللي يقول والله لأطلعها من عينك واللي يقول رد اذا فيك خير والي والي ... وغير الهنود حقين البقاله اللي يطردون وراي بالسواطير ( هذي من كيسي الخاص ) هههههههههه يعني بالعربي حتى الحديده بحح والا لو فيه كان باعها امانه واحد هذي حياته وش تنتظر منه والا وش تبغاه يسوي
وتقول وطنيه وبلد ومدري وش ياعمي احمد ربك ع النعمه اللي انت فيها بس الحمد لله يمكن احنا احسن من غيرنا بكثير عندنا نت ببلاش غيرنا مو لاقيه
اما من ناحية الفكره مشكور عندنا ( او بالاصح عندي ) دولاب كله افكار بس حسافه الخزنه اللي في الدولاب فاضيه مافيها ولا قرش والا كان تلاقيني فوق هآم السحب
اللهم صلي وسلم على سيدنا وحبيبنا محمد عليه اشرف الصلاة والتسليم

المستقبل الواعد · #3 (**permalink**) 20-09-2010, 02:28 PM

لا امير ولاحاجة انسان عادي بس أملي بالله كبير بعدين آل سعود تراهم مش ملائكة تراهم زينا
بعدين ليش متشائم ترا الحال من بعضه ديون وايجار ولا وظيفة
بس فيه عزيمه فيه أمل خصوصاً وان الشغلة مش محتاجة شيء الدعوة مشروع كبير برأس مال بسيط جدً يتم استثماره بمواهبنا وأفكارنا وخبراتنا وتعم فائدة على الجميع بعدين مافيه أي مجهود يعني كبر المخده اذا بغيت .
تحياتي لك .

rjhh · #4 (**permalink**) 20-09-2010, 03:45 PM

عليكم السسلام ورحمة الله وبركآتـه ,,

آخوي المستقبل الواعد , تدري وش سبب تخلفنـآ ,,؟
انا اقول لك وبكل بسآطة سبب تخاذلنا وتخلفنـآ وتهاونا هو التحطييم ,, إذا عرضت اي فكرة على اي شخص سعودي ما تاخذ منه الا " انت وش تبي فيهـآ " ياخي يعقدونك ويجيبون لك المرض " ,, طيب انا ابي اعرف كبار التجار في المملكة واصحاب الدخول الممتازه في البلد ليه ما استسلموا للتحطييم ,, ليه ما تاخذلوا وجلسوا في بيوتهم وقالوا الرزق على الله ,, كلنا نعرف ان الرزق على الله ولكن رب العالميين يبي منك تعمل ما تجلس بالبيت وتقول يا رب ارزقني وياحكومة وظفيني ,, فيه الف شغله وشغله في السعودية كلها في يديين الاجانب اقسم بالله لو اقول لك ان فيه افغان انا اعرفهم شخصيآ يطلعون شهريـآ ما يقل عن 70 الف ريال ما تصدق وكلها للآسسف واقولها للآسف من ظهر السعودي الغبي المتخلف ,,

انا ما اعمم بس ياخي مووب لازم يكون كل شيء على الدولة لازم نتحرك نسوي جمعيات ونتكآتف ويكون لنا مجهود ايجابي يخدم الدين والوطن ولا يضر آحد ,, دام النت مفتوح لنا نستفيد منه لتكوين حملات ايجابيه , إذا شفنا اجانب مكوشين على شيء نشتكيهم ونجيب لهم الجنـآن ,, لان خيرات دولتنا لنا مووب لغيرنـآ ,,

آخوي المستقبل انت تؤكل على الله , وصدقني راح تحصل اصداء ايجابية إذا كانت الفكرة تخدم الشباب السعودي وتنقذه من مستنقع البطالة ,,

تقبل مروري ومشاركتي آخووي ,,

آخووك : رجـة

المستقبل الواعد · #5 (**permalink**) 20-09-2010, 04:01 PM

يامرحبا فيك اخوي رجه مشكور على مرورك ومشاركتك الجميلة والتي تثلج على الصدر

لك مني كل الشكر والتقدير وانشاء الله تكون معنا من المشاركين في انجاحه

الهلآلي · #6 (**permalink**) 20-09-2010, 04:04 PM

طيب اخوي المستقبل يالله على يدك وش هو المشرووووع بس لاتقلي يبغاله راس مال وقدره لأني ما اقدر اوفر اكثر من 300 ويمكن ماتجي هذي بعد لكن ابي اعصر جيوبي وجيوب >>> اللي قريب من جيبي عصر واللي تامر
فيه انا حآضر استنا رسالتك ع الخاص اوكي
اما بالنسبه لك انت يارجه ترى 70 الف قليله عارف ليش لأن الاجنبي كل السعوديين ( الخرفان الا من رحم ربي ) يساعدونه ويقولون ضعيف يستاهل ومايدرون ان هالضعيف يقدر يشتريهم ويبيعهم بخساره لو عاوز وما اقول غير الله يرزقنا واياكم
موفقين بإذن الله ... لكم مني أجمل تحية .

المستقبل الواعد · #7 (**permalink**) 20-09-2010, 04:37 PM

مشكور يا الهلالي ...
وانشاء الله قريب رايح اوضح الفكرة كاملة بس في البداية محتاج اجمع بعض العناصر المهمه من ضمنها اقبال الشباب على الفكرة ونسبة تأييدها بشكل عام وثانياً رايح نحتاج للشباب اهل الخبرة واللي معاصرين السوق والاهم هو المصداقية وكل هذا رايح نتطرق له على مراحل انشاء الله .

Glory · #8 (**permalink**) 20-09-2010, 04:41 PM

اقتباس:

مشروع كبير برأس مال بسيط جدً

ان فيكم شده اتجمعو حول 15 نفر و فيه مشروعين
الاول: اغنام بيع وشرا بس يبغالها واحد فاهم وراعي شغل ويقوم الصباح بدري البدري

كل واحد فيكم يحط الف اشترو 15 خروف بكل واحد اقل شي تطلع 300- 400
<- كاني شفت موضوع هنا ان الخرفان بالشمال رخيصه روحو جيبوها من هناك
واستمرو ع هالوضع لما تنفرج من رب العباد ..

2- مغسلة سيارات ... المشروع ناجح بكل المقاايس بس يبغاله فلووووووس
حد 150 الف .. تزيد او تنقص والكل عارف ان فيها مكسب
لو فرضنا ان كل يوم جاتك خل نقول بالميت 20 سياره صغيرة * 15 ريال = 300 ريال
والسيارات الكبيرة بـ 20 ريال قول 10 = 200 ريال .. المجموع الكامل = 500
مع تكييس الارضيه < ما تكلف شي
الشهر = 15000 .. هذا طبعا بالقلييل لو ما جاتك اكثر + اربعاء وخميس + الاجازت يزيد الشغل
ولو تفتح معها كوفي صغير ونت للانتظار ولا احلى .. وراح تجذب ناس
بس يبغالها قرننننقش

لو عندك مشينا انت بالمال واحنا بالجهد