السلام عليكم ورحمة الله وبركاته

كيف الجميع ان شاء الله بخير؟

حبيت اسألكم يا اخواني واخواتي
ومن سأل ما خاب

انا توي خريجة قسم مكتبات ومعلومات

وخبركم الوظايف كالعادة ما فيش

قلت بدخل حاسب منها اشغل وقتي ومنها عسى ربي يفرجها علي وعلى الجميع يارب

مثل ماهو واضح بالعنوان ابي ادخل دورة تفيدني اذا جيت اقدم على وظيفة باذن الله تعالى
وش افضل :
1-استخدام الحاسب في الاعمال المكتبية (مدتها 3 شهور)
2-ادخال البيانات ومعالجة النصوص (مدتها 6 شهور)

ما يهمني المدة بقدر ما تهمني الافادة
كنت بدخل icdl لكن عرفت من مدة انها ما صارت معتمدة من المؤسسة وفيه بعض الماهد ما زالت تدسها لكن الشهادات ليست معتمدة
فقررت ادخل وحدة من هذي الدورتين وقلت مالي الا اسألكم يا اهل الخبرة وما راح تقصرون

الله يجزاكم خير ويحرمكم ووالديكم عن النار

وعليكم السلام ورحمة الله وبركاته

شوفي عزيزتي



انا لو مكانك بدخل إدخال بيانات ومعالجة نصوص



بتقولين ليش



بقولك لأنك بتدرسين فيها زي ماتدرسين مناهج الرخصة الدولية وأكثر << هذا اللي سمعته

وقبل فترة اي قبل لاتتلغى الرخصة الدولية كنت اسوي سيرش



لقيت ناس تنصح بدخول دورة إدخال بيانات ومعالجة نصوص



وبعد ماتخلصين من الدورة تقدمين على اختبار فقط للرخصة الدولية



وبكذا تضربين عصفورين بحجر وتصير عندك شهادتين



إدخال بيانات + رخصة دولية



طبعاً الحين الرخصة موقفة فتوهقوا اللي يملكون شهاداتها يمكن إن شاءالله ترجع فإذا رجعت على طول قدمي على اختبارها بدون دراستها لانك بتكوني دارستها بإدخال البيانات



والسبب الثاني



أغلب الوظائف الحكومية تشترط شهادات أكثر من 3 شهور في الحاسب وبعضهم على الأقل 6 شهور



فعند التقديم شهادتك أم 6 شهور تكون لك الأفضلية على الناس اللي يملكون شهادات أقل منك بالشهور أو تكوني موافقه لشروطهم



والله أعلم



والله يوفقك



دعواتك لي ربي يوفقني ويرزقني الرزق الحلال الطيب

الله يجزاك خير ويرزقك الرق الحلال
ويرزقك كل خير
الله يفتحها بوجهك يالغلا