انا اليوم سويت مقابلة الشخصية في امن السفارات
اول شئ دخلت الغرفة واعطي اوراقي رئيس رقباء وقعد يسالني اقرا ماتيسير من القران وقريت الفاتحة وقالي وش يحد السعودية من الجنوب قلت اليمن وقالي من هو رئيس مجلس الورزاء قلت الملك عبدالله وعطاني الاوراق قال روح لرئيس لجنة القبول والتسجيل العميد حق امن السفارات ولما رحتله قال وش تبغاني اسالك قلت اللي تبيه قال وش دينية ثقافية رياضية قلت دينية وسالني من ام الرسول قلت عائشة قال خطا قعدت افكر شوي قالي حتى لو بتجاوب ابي اسالك اصعب منها وفي الاخير قال اسمها امنه ومنهي ام امنه قعدت افكر شوي قالي بعدين لما تجينا تكون حافظها قلت زين قال اخذ بطاقتك وروح قلته مقبول قال هو انشاء الله
بصراحة ماارتحت احس انه مسقطني ولا شئ
ياليت تفيدوني هل في المقابلة الشخصية سقوط

مششاء الله لا احس اموورك طيبه ياخويَ
و اهم شي بالمقابله الشخصيه ما تكونَ عندك صعوبه بالنطقَ ..
موفق يااارب

اخوي كراش
التسجيل مستمر ولا
تكفى جاوب

ايه التسجيل مستمر
اليوم اشوف ناس يسجلون
مادام طولك فوق 175

موفق بإذن الله ... لك مني أجمل تحية .

المقابلة اخوي مافيها سقوط تكون نسبه او درجة توضع لك

وهي تقييم للمظهر واللباقة والمعلومات ,,

توكل على الله ولا تشيل هم تمشي سهالات ان شاء الله وبالتوفيق.

الله يبشرك بالخير
ياكراش

طيب انا طولي 178 هذا اول والحين 179

ويش اجيب معي
المطلبات

اللي اعرفه بالمقابله هم مايهم الاجابة صح او خطاء

هم يبغون يشوفون انت جريء تقدر تاخذ وتعطي يعني ترد على الي يكلمك او ساكت
اما من ناحية الاسئله جاوبت صح او غلط ترى مهو مهم اكثر من طريقة ردك وصوتك

هل انت كنت مرتبك وماتعرف تتكلم يعني كلمه تطلعها وعشر تاكلها او انك كنت متجاوب معه تمام

فلاتاخذ هم من ناحية جواب صح وخطاء ترى عااااااادي

عندي ولد عم وجه مغسول بمرق يعني طعس انا معرف شلون انقبل بخصوص الاجابات لانه متنح مايعرف لاوم الرسول ولابنته

حتى سالوه قالو من مؤسس المملكه العربية السعودية قال لهم الملك فهد ومبسوط وواثق من الاجابة
يوم جاء يخبرنا جلسنا نضحك عليه ضحك الله لايوريك
ومع ذالك بعد كم يوم ارسلوا رساله بقبوله نهائي وهو الحين موظف ويسلم فوق سبعة الاف ومبسوط ومتزوج
واموره تيسرت

الله يوفقك ويهنيه والجميع ياااااااارب

انت بس لاتاخذ هم باذن الله مقبول وناااجح وعسى ربي يوفقك ويسهل امورك وصدقني اذا ربي كاتبلك هالوظيفه
بتجيك غصبن عن انف العاصي انت بس خل املك في الله كبير وان شاء الله سهاله

ابي اطير اليوم على الرياض
لكن تكفون احد يجابوني
هل بكرة فيه
ولا يقولو مافي لانه اليوم الوطني
تكفون جواب

متى دقوا عليك علشان المقابلة ؟؟