بسم الله الرحمن الرحيم

السلام عليكم ورحمة الله وبركاته
انا شفت موضوع العضو اسباني وابي يفهم كلامي زين وللجميع الكلام
في 45 يوم كانوا معي 2من عيال حارتي جلسوا 3ايام وبعدها طلعوا وانا انحست النفسيه انقلبت
اكثر ماتعبني ان عيال حارتي مشوا المهم عديت الاسبوع الاول والثاني جاء موعد الزياره شفت اهلي ارتحت اشوي بعدها كملت الباقي من 45 وطلعت صار الوضع عادي بعدها جانا الجزاااااء اما كل الي قاله العضو اسباني فانا اقول صحيح بس برضه ماجاك نص الي جانا في الدوره هذا وحنا مالنا ارقام المهم شفت انواع التصليب اذا انت ساعه ساعتين انا اكلتها بالست والثمان ساعات
ازفلت الظهر ياما عرف ظهري وصدري المهم اول مره اعصي وبديت معاناتي في الدوره انواع التصليب انواع الزحف انواع التقلب على الخرسانه انواع جزاء الضفادع انواع الزحف على صدرك
وبعدها هددت نقيب وشالوني الشرطه العسكريه لسجن وبديت معي الحجز خميس وجمعه ياني شفت فيها شي نوم مافي ترويش مافي النوم اخر الليل 2ساعه الخميس هروله 32 لفه تصليب من بعد الفطور الى اذان الظهر ومن بعد الغدا الين اذان العصر ومن بعد العصر الى المغرب ومن بعد المغرب الى العشاء ومن بعد مانتعشى الين الساعه 2 ومن هذا الحال طول ماانا في المركز هذا حالي معهم كل يوم بعد الظهر السريه تروح وانا فوق الساريه مصلوب الين العصر وكان فيه ملازم هو الي جالسلي مع النقيب يبوني اطلع المهم قلت في وجههم الاثنين لو طلعت من هنا انا البس عبيت امي ولو خلصت الدوره انتم تلبسونها المهم اتفقنى على كذا صاروا من حقدهم على يخلوني انام بالبدله وما اتروش وخميس وجمعه مااطلع لاهلي المهم اني تعودت على هذا الحال وكنت كل ماقال المدرب وهو مستلمني جزاء اجلس انا اقول في قلبي امي ولا قال انهض اقول ابوي الين صرت اقول جمله كامله في قلبي (امي ابوي انشاء الله ارفع روسهم )والحمد لله اني خلصت الدوره الي كانت مدتها 14شهر من العذاب والنفسيه الي صبرني تصدقون ايش (الدلوخ الاثنين الضباط)اعطوني عزيمه اني مااطلع عشان الوعد الي بينى وبينهم اذا طلعت لبست عباة امي واذا خلصت يلبسونها هم والحمد لله ماانكسرت كلمتي وتخرجت يوم تخرجت رحت لهم بعد مااخذت الشهاده ولقيتهم الاثنين جالسين وقلت لهم هذي شهادتي انا وفيت بوعدي تعرفون وش سواو الاثنين قدام سريتي كلها وفوق الساريه طلعوني وهم معي سلموا على راسي الاثنين والنقيب قالي ليتك ولدي والله انك كفوا
المهم اني على كل الي شفته كنت شايل هم امي في الدوره وش تسوي وين تودي وجهها من الناس هي وابوي لا قالولهم ولدكم بزر شرد ماتحمل خلوه عند خواته احسن لكم هذا بنت
انشاء الله تكون قصتي افادة الجميع واكون مثل لكل العسكر الي توهم داخلين الدوره والا يبون يطلعون منها
والله العظيم اني ماجبت شي من عندي انه هذا كله الي صار معي من يوم45يوم الين يوم سلموا على راسي يوم التخرج
بس ماحبيت اذكر امور كانوا يسونها في للمصلحه العامه انها ماتنقال
شباب هذا كله صار وانا مالي رقم عسكري عندهم هذا لازم الكل يعرفه
وفالكم التوفيق جميعن

عاد لكم أسبـــاني من جديد
اخوي متقاعد عاطل
هذي هي سالفة العضو اسباني الي انا كتبت الموضوع عشانه