الاسـتـخـبـآرآت آلعـآمـه وجمـيع آلمعلومـآت عنه..

الدنيا تساهيل · #**2211** (**permalink**) 12-05-2011, 07:28 AM

اقتباس:

المشاركة الأصلية كتبت بواسطة وشلووون مغليك

ياشبااااااااااب اناااااااااه عاطل 7 سنوات وكل مااقدم اي وظيفه مايقبلوني بس هالمره عندي احساس انهم يبون يقبلوني دعواتكم وان شاء الله ربي يوفق المتقدمين كلهم

المتقدمين كلهم صعبه

الله يوفقك ويوفقنا وياك ويسهل امورك

ميدوو كوول · #**2212** (**permalink**) 12-05-2011, 07:41 AM

اقتباس:

المشاركة الأصلية كتبت بواسطة وشلووون مغليك

ياشبااااااااااب اناااااااااه عاطل 7 سنوات وكل مااقدم اي وظيفه مايقبلوني بس هالمره عندي احساس انهم يبون يقبلوني دعواتكم وان شاء الله ربي يوفق المتقدمين كلهم

الله يوفقك ويوفقنا يااااااااااااااااارب العالمين

ونفتك من شي اسمة عااااااااااطل

بإسم رب الكون · #**2213** (**permalink**) 12-05-2011, 12:08 PM

السلام عليكم صباح الخير ياشباب
ابغى منكم خدمة تكفوووووووووووون انا اخوي عاطل من 27
ويوم قدمة له توي حطيت بالبداية رقم الجوال ضايع له يومين نسيت
والحين كل ماحطيت رقم ثاني يقولي رقم الهوية موجود
وتورطت ماني قادر اشوف الرقم السري علشان ادخل واقدم له ماباقي غير بكره تكفووووووون ساعدوني
واللي يعرف ربي يسعده ويرزقه باللي تمناه انتضضضضضضضضضضضضضضضركم

صمت الجروح · #**2214** (**permalink**) 12-05-2011, 01:00 PM

بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

كيف حالك إن شاء الله دائما بخير ؟ لو سمتموا الي يعرف متى ينزل الارقام الطلب يخبرني
شـكرا لك وبارك الله فيك ... لك مني أجمل تحية .

صمت الجروح · #**2215** (**permalink**) 12-05-2011, 01:02 PM

وارجو الرد
يعطيكم الف عافيه

صمت الجروح · #**2216** (**permalink**) 12-05-2011, 01:05 PM

قصيده في ملك الانسانيه بالسلامه

سيد الجود
يوم القصايد بين حاوي ومردود
جتني تدافع والخطاوي سريعة
نظمت منها عقود وعقود وعقود
واودعتها اللي ما يضيع وديعة
ويا خادم البيتين يا سيد الجود
يا حاكم الدولة بحكم الشريعة
انت الفخر والمجد بيديك معقود
ولامرك جموع الناس جاتك مطيعة
ويا وافي المدة ذرى كل مضهود
يا شامخٍ فيك التواضع طبيعة
شمخت بأفعالك وخلق الله شهود
وحصنت دارك بالحضون المنيعة
وسيفك لنشر الحق والعدل مجرود
يبتر يدين أهل المكر والخديعة
وبذلت في لمّ الشمل كل مجهود
ومبادراتك دايم ن فالطليعة
ويا سيدي ولك الغلا ما له حدود
وحبك على روس المنابر نذيعه
وهذي قلوب الشعب تاقف لك حشود
وتبايعك بيعة مهي بأي بيعة
بيعة وفا ما بين سيد ومسيود
تجهر بها أصحاب النفوس الرفيعة
ودامك يا بومتعب على الأرض موجود
شعبك بخير وشوفتك هي ربيعة
ووقفتك سالم تروي كبود وكبود

صمت الجروح · #**2217** (**permalink**) 12-05-2011, 01:08 PM

قصيدة عاطل عن العمل ( فكاهيه )

الا يالله عفـوك لا معي بيـجــر ولا جــــوال *** ولا عنـدي وضيـفه والتجـــاره فاشـلٍ فيـها

ولاعندي شهـاداتٍ ولاحــرفه تسـد الحــال *** ولا حــظٍ كبير لا اخـطـت الجــــره يقديها

مخابي الثوب تومي مادخلها من زمان ريال *** بها فاتورة الكهــرب ولا يمـديني اقضيـها

علىذيك العراوي تتعب الحادي مع الجمّال *** ثلاث اشهـور فالورشـه وشهـرينٍ مغطيـها

ابيها لو تجـمّـل يـوم واجلـبـها على الدلاّل *** يجيـها واحـدٍ حـظه مثل حـظي ويشــريها

نصيت العسـكـريّه يوم قالوا للنظـام رجــال *** وقـدّمـت المـلـف وصـورةٍ متشــخـصٍ فيـها

خـذا الاوراق مني واحـدٍ مـا عند ابـوه دلال *** سلوم الناس واهل المعرفه والطيب مخطيها

قراهـا في دقيـقه والتفـت عـجـلٍ علي وقـال *** شهادتك العظيمه يا ولد وين انت مخفـيها

هزّيت الراس ماعندي تقول اني من البنقال *** وقمـت احـب خشـمه واطلبـه بالله تمشّـيها

حـذفها من يده شين الطبيـعه والنبا والفـال *** وقـال ازين تعـوّد صـوب نوقاتـك تعشّـيها

تناوشته من الكرسي وعفت الحل والترحال *** وضربته بالبياله عقب ما بيّحت شـاهـيها

خذوني للسجـن لا نيب لا ظـالم ولا محـتال *** مجـرّد واحـدٍ جـا يكـحل عيونه فيعمـيها

ويوم اني خرجت اقفيت لارض الله وسيع الجال *** عـلى بـرٍ هـواه يـداوي العـلّـه ويـبـريـهـا

ادوّر قصعة الجـربوع والظـب الفتي يخـتال *** والارنب يا شفاة الروح ما احلاها وطاريها

بـلا كهــرب ولا بيجــر ولا غـازٍ ولا نقّــال *** قوانين الحضــاره لا تبي شـوفي ولا ابيـها

صمت الجروح · #**2218** (**permalink**) 12-05-2011, 01:17 PM

التوقيع شايل همي يابنت عمي

الهمّ ضيّق خاطري ولا جداي الا الغنا
حتى الغنا لك الله انه يزيد ضيقي والحزن

واللي تعنا واجتهد يبغا الجنا وين الجنا
خمسة غروس اسقيتها بيدي ولكن ما أثمرن

ما أغير اناظرها عسى تثمر وتجلب لي الهنا
تعبت عيوني وابطت غروسي وانا بشكي لمن ؟

ياموطني يالموطن اللي ماعرف مجدك فنا
خيرك وصل اقصى البلاد العالميه والمدن

ياموطني انا هنا انا هنا انا هنا
لدك لما بعد الحظن ينسيك من وسط الحظن ؟

ياموطني ظلم علي الوقت .. وأتحرّا السنا
ويزيد في عمري زمن ويروح من عمري زمن

ابغى ارضي الشيبان وارضي خاطري بشوف الظنا
لكن مابه حيلةٍ في اليد ... ياشين الغبن

طقيت باب الرزق لكن مافتح والله لنا
كنه يقول : السير يافهمان لازم يندهن

طقيت باب الرزق لكن مافتح والله لنا
كنه يقول : افلح وجب لك واسطه ولا استكن

قلت اشهد ان لي واسطه والواسطه يابو جنا
حب الوطن والروح في حب الوطن تدفع ثمن

افديه وآقف درع قدام الهنادي والقنا
ولو تركني فالمحن ؟ فلا تركته فالمحن

فقير ماشفت الغنا ولاني من عيال الغنا
لكن اذا صاح الوطن ؟ اتسلف ريال الكفن

أثور من دونه وانا سعودي وانا طيّب جنا
مايشكك في ولائي فالسريره والعلن

ياموطني .. هذا عتاب أحباب .. جعل اللي شنا ؟
يلقى البليه والمصيبه والمهونه والوهن

خمس اسنواتٍ عشتها عاطل ولا هو بس أنا
كم فيه من عاطل بوسط الوقت همّش واندفن

نلت الشهاده والفرح برقه سبق رعد العنا
هذي الشهاده ياوطن وين الوظيفه يا وطن ؟؟