حل الفقر في يدينا

كم مره نعيش · #1 (**permalink**) 21-09-2010, 09:22 PM

بسم الله الرحمن الرحيم

اخواني اخواتي في هذا الصرح الرائع , طبعا هذا قسم الفقر والهموم والهموم انا مآليش دعوه بيها ابد ابد ,, انا معي مشكله مع الفقر ..

الحمدلله انا الله ميسر اموري وقادر اشيل نفسي ومآني محتاج احد الى في دعاء بالسر ,, وجعل يآرب هذا وضع كل مسلم وانشاء الله احسن ومآفي احسن من انك تتمنى الخير لآخوك المسلم

ومن هذا الباب ومشكلتي مع الفقر , آنا من النوع الى قلبه حجر في اكثر المواقف لكن في مواقف تخلي صدري يعتصر ومن اكثر المواقف وش يسوي الفقر في اهله من امور مخزيه ومرعبه ومجرمه

وللاسف كثره الجمعيات الخيريه وصناديق التبرعات والخ .. بعضها بآسم الانسانيه وبعضها بآسم الدين وبالعربي واقولها بفم مفتوح انا لا اصدق منهم احد ولا اعطي آموالي لاحد منهم وللآسف اعرف نآس في هذي الجمعيات وتوصلني آخبار انهم مآيعرفون انهم يصرفونها او انهم يتصرفون فيها لمصلحتهم الخاصه

عن كثر الحكي والهرج الفاضي انا لقيت حل لمشكله الفقر يآخوان وانا مآقصد الاخوان الفقراء انا اقصد الى الله منعم عليه وبعطيكم الحل كآخ و كناصح لا عن طريق استعطاف او عن طريق مداخل اخرى من الى ذكرتها

الطريقه تنعمل في كل حي مآنفرد او في قريه وتخيلو لو سوها كل واحد في حيهم ..

1- تحديد من المحتاج في الحي الى انت موجود فيه ( لازم يكون في واحد محتاج )
2- بعد الصلاه تجمع شيبان الحاره عندكم فالبيت على فنجان قهوه في العصير وتشرح لهم وضعه
3- تحديد رجل آمين من آهل الحاره يتم اعطاءه المبلغ المالي
4- يتك الاتفاق مع اهل الحاره ان كل نهايه شهر يتم دفع 10 ريال عن الشخص الواحد وتخفف عن الى عنده عيال واجد يعني الى بيتهم اكثر من عشره انفار يخففون عنه , لان المقصود من الموضوع التخفيف على شخص دون التثقيل على اخر
5- الاموال المجموعه لا يتم اعطاءها الى الفقير فاليد لا هذا الخطاء في هذا الوقت , انما يتم صرف له مبلغ بسيط منها ( يمشي اموره ) الى اذا كان يتم او بنات وبعدها بفتره يتم تآمين له سياره صغيره تكون رخيصه لكي يستطيع التنقل
6- تآمين له وظيفه لو راتبها قليل ليدفع عن نفسه شر الاخذ من الناس ومن هذا الوضع الجديد اصبح عضو فعال في الحاره وليس عضو نقص
7- اذا لم يكمل مرحلته التعليمه مساعده في اكمالها اذا كان صغير اما اذا كان كبير فالله معه

وهكذا ,, وتخيلو ان هذا الموضوع في كل حاره يسير ..

كم فقير بيكون في حارتك ؟؟ والحواري المجاوره ؟؟
كم من الاجر بتكسب وكم من بلا بتدفع عنك بهذي الصدقه ؟؟
مو فكره عشان تعرف وين الصدقه تروح ومآينلعب عليك ..؟
مو هو اولى من غيره ؟؟ اذا مآكان في احد من اقاربك يستآهل ؟

كم اتمنى ان ارى الموضوع فالحقيقه وعلى ارض الواقع يسير ويتم انشاء موقع اجتماعي يحث الناس على هذا العمل وتفعيل كل حاره بهذه الصدقات ويتم دعمها لو معنوين واشوفها تكثر

ملاحظه : حاولت اطبقها بس مآضي اقوى من حاضري

راجو القحطاني · #2 (**permalink**) 22-09-2010, 09:59 AM

الله يوفقك
الجمعيات موجودة و الاماكن
لكن الذمة معدومة لدى البعض
و كل يوم نسمع إستغلال للوظيفة
و منها الجمعيات و مؤخرا هيئة الحج
تلاعب و نهب
و لا ننسى من لا يخرج الزكاة و كيفة صرفها

هموم عذرى · #3 (**permalink**) 22-09-2010, 07:05 PM

اوما هذس فصعبه كلن بيجي ويقول انا ابي هذا اللي وجهه مغسول بمرقهوالنوع الثاني اللي يستحون وربي لو يقطعهم الجوع ماقالو حنا محتاجين ويعفون انفسهم ولو فيهم خصاصه ماقالو نحتاج ويتوكلون على الله= ثالثا الله يخلي الدوله حطت بطانه طالحه لهذا الموضوع الجمعيات النهبيه -- اللي لاتخاف من الله ولا من الجزاء والحساب --وعندنا اكبر دليل ببالمحافظه الليانا فيها وربي يقسمون اللي من الدوله سواء اكل او فلوس بينهم وبين ربعهم وبس 00 واذا راحو الناس يحتجون قالو انت منت محتاج ولا صرفوه تصريفه محترمه--

وكمان اذكر مره وحده تقول قصة قريبتها وهي ان الجمعيه جوها وقالو خلاص نبغاك تشتغلي معانا وتعرفينا على البيوت المحتاجه في حيكم والمسكينه قالت زين وتقريبا ياكثرهم المحتاجين وكانو يقلون انتم مو محتاجين مع انها تقول ضفت بيوت وربي ماتوقعتها بالسعوديه - وكانو مثلا يكتبون ادوات كهربائيه ع اساسانهم سلموها لاهل البيت لكن للاسف يلطشونها لصالحهم ياعساها نار عليهم لاوازيدككم من الشعر بيت هذيك على دوراتها راتبها 300 ريال راتب بنقالي مخلص-- واذا جت تعارضهم كرشوها وبعدين عرفت القصه وقالت للحريم لاتوقعن خير شر ترى الكلاب يخذونها لصالحهم -- وللمعلوميه موظفات الجمعيه حريم الله يحرمهن العافيه فماباللك بالرجال -- يعني ياابن الحلال هي خاربه خاربه

سبحانك اللهم اني كنت من الظالمين

راجو القحطاني · #4 (**permalink**) 23-09-2010, 12:22 PM

هموم عذرى
الفساد في كل مكان و الناس لا تتعض و لا تعتبر
يوجد مكاتب و منازل مستأجرة من قبل الجمعيات لكنها خالية
و أصحابها من الجمعيات و ناس تستأجر و تطلب رفع الرقم في العقد
و مؤخرا مصري محاسب في أحدى المعيات محول 2 مليون و نصف
ناس تنهب و تسرق و لا تصدق تجد مجال و لا يهمها مال عام أو خاص

"هيئة الرقابة والتحقيق" تحقق في فساد مالي وإداري بوزارة الحج

(متابعات) تحقق هيئة الرقابة السعودية في تقرير يتحدث عن صور متعددة للفساد الإداري والمالي في فرع وزارة الحج بالمدينة المنورة تورط فيها قياديون ومسؤولون في الفرع.

وأشار التقرير إلى أن الفساد الإداري والمالي شمل تعيين موظفين غير رسميين على مناصب قيادية عليا وحساسة غير مصنفة لدى وزارة الخدمة المدنية، والجمع بين وظيفتين في الحج وأخرى في قطاعات أهلية، واستخدام السيارات الرسمية في قضاء الأعمال الخاصة بعد إزالة شعار وزارة الحج عنها.

وقال تقرير فرع هيئة الرقابة والتحقيق: إن وجوه الفساد تضمنت تسليم سيارات أخرى لأبناء الموظفين وذويهم، والاعتماد على المؤسسة الأهلية للأدلاء في صرف مكافآت موظفين غير رسميين يعملون طيلة العام بدوام يومي في مقر فرع وزارة الحج، وعدم وجود هيكلة ومعايير لصرف المكافآت للموسميين.

من جهته, قال مدير عام فرع وزارة الحج المكلف في منطقة المدينة المنورة محمد البيجاوي: "هذه قضايا متعددة وليست قضية، فإذا هي قضايا بهذا الحجم أنا اعتبر أنها مخالفات لا يمكن السكوت عنها، ولكي يبت بأمرها لا بد أن نطلع على البينة أولا، ثم يتم البحث".

وأضاف البيجاوي: "إذا كان هناك من يخالف التعليمات لا بد أن يوقف عند حده، ولا بد أن يحاسب، والجميع تحت النظام، ولا يوجد أحد فوق النظام".

و أكد البيجاوي أنه "يحق للجهة الرقابية أن تتحرى صحة الكلام، وترفع بما يثبت لديها، وإدارتنا مفتوحة لها ومستعدون لأي تعاون".

ربي الرزاق · #5 (**permalink**) 23-09-2010, 03:25 PM

اذكر قبل فتره سالفة تعيين عمد ة حاره يعنين لكل حاره عميد ((راع)) وكل راع مسؤول عن رعيته!!!!!!!!!!!!...انا الحين مادري من هو عمدة الحاره حقتنا!!!!!!!!!!! ...............................راع يعني (ابو وام) مسؤول عن كل شي صلاح عيال الحاره صلوا في المسجد ولا ماصلوا كملوا تعليمهم اولا وماهي الاسباب قد تكون مرض اوسهر او صحبه فاسده اوتناول مخدرات يعني لازم يكون عنده ملف باسم اصحاب البيوت وكرت العايله واسماء عيالهم وبناتهم بعد المراه لهاااااااااااادور كبير في نشاة الاجيال..........ولازم يسوي ضيافه يوم الجمعه لكل افراد العائله ويسال عن الكل والام تستقبل جارتها وتسال عن بناتها والعمده طبعا لازم يبحث عن حلول لاصلاح حيه لانه يصرف له مبلغ كبير وبعد فتره تقام توزيع جوائز كبيره لاحسن حي ناجح واقل نسبة بطاله وفساد . وبذلك رايحه تخف المشاكل باذن الله فقر فساد جرائم سرقه وغيرهاااااااااااااامن الي نسمعه اليوم لاحول ولاقوة الابالله...

راجو القحطاني · #6 (**permalink**) 23-09-2010, 07:43 PM

الله يوفقك
فكرة حلوة و مفروض يحدث هذا من زمان
مثله مثل أى متقاعد او متطوع و متفرغ و ما أكثرهم
لا يضر يكون مسؤل عن الحارة و يعرف ضروفهم و حتى يسعى للتوظيفهم
و يبحث عن تأخرهم و تعثرهم
لكن من لا يريد نقابات عمالية او طلابية و جمعيات تدافع عنهم
هو نفسه يرفض حكاية العمدة

ربي الرزاق · #7 (**permalink**) 23-09-2010, 08:02 PM

نطالب وبقوة اقامة اباء ( عمد)حاره وتدريبيهم ولازم عمره فوق الاربعين ومتدين وذو اخلاق عاليه يعرف يربي الاجيال وهذ باذن الله يكون سبب رئيس بعد الله في اصلاح المجتمع .

نعناع وحبق · #8 (**permalink**) 24-09-2010, 12:03 AM

جزاك الله خير اخي عالفكرة وياليت تطبق
لانو ماعاد فيه صدق وذمة

صدق من قال حاميها حراميها

تقنية · #9 (**permalink**) 29-09-2010, 07:31 PM

والله الموضوع ممتاز مررررة
لكن من بيطبق
اتمنى انه يطبق من عامة الناس في كل المناطق
والله انه ممتاز مرررة وخصوصاً لو كل تاجر قام بإخراج الزكاة
الله يوفق الجميع