السلام عليكم ورحمة الله وبركاته

اسعد الله اوقاتكم بالخير والمسرات

اولا لا انسى هذا الصرح الشامخ الذي بتوفيق الله كان سببا رئيسيا في قبولي بالدفاع المدني والان انا على راس العمل بعد تخرجي من الدفعه الاخيره

لاحظت الكثير قبل بالدفاع المدني التقديم الاخير واتمنى لهم كل التوفيق

بعض المعلومات اللي اعرفها من بداية قبولي بالنت حتى تخرجي من الدوره وهي تجربه اتمنى الكل يستفيد منها

اولا بعد تقديمي بالدفاع المدني عن طريق الانترنت .. وجا الموعد الللي يرسلون فيه رسائل على اللي اختاروهم لاختبار القبول وامطابقة الاوراق .. وفعلا جاتني رساله قبول مبدئيا .. طبعا راجعتهم باليوم المحدد ومعنا الشهادات اللي قدمنا فيها طبعا انا كنت مقدم بشهادة غوص (واللي يبيها من المدينه المنوره ممكن افيده بشخص يدربه لمدة يومين ويعطيه الشهاده)

وصور مكشوفة الراس <<الكثير سال عنها هذا المطلوب

طبعا انهينا الاختبارات .. بعدها جا وقت القبول النهائي وزملائي كلهم جاتهم رسائل .. انتظرت وانتظرت وماجاتني رساله .. قلت الحمدلله لي فيها خير .. سالت شخص اعرفه بالدفاع المدني قلي لا تخاف انت اذا عديت كل الاختبارات توقع باي وقت تجيك رساله ويقولون لك تعال دورتك

يعني اذا مانقبلت مع اول دفعه او ثاني دفعه او حتى ثالث دفعه لا تفقد الامل دام ضامن نفسك عديت بالاختبارت تمام بتنقبل لو بعد سنتين

وفعلا هذا اللي صار دخلت بالدوره اللي تليها

والحمدلله صبرنا وظفرنا

الي ابغى افيدكم فيه .. الدفاع المدني فيه ثلاث تخصصات .اولا تخصص دفاع مدني يندرج تحته الاطفاء والانقاذ و الغوص <<عملهم ميداني واستلامات طبعا هالتخصص تدخله اذا كنت مقدم بثانويه وشهادة غوص .. مو شرط تصير غواص بعد التخرج كل شي بتتعلمه من الدوره

وثانيا تخصص اداري وهالتخصص تقدم عليه بشهادة حاسب سواء دوره او دبلوم او اعلى<<عمله دوام يومي مع الاجازات الرسميه وبرضه كل شي بتتعلمه بالدوره

ثالثا تخصص سائق ومعروف وشو السائق هالتخصص تقدم عليه برخصة قياده عموميه و مالهم شغل وكل مايتعلمونه بالدوره هو السواقه ومعدات السيارات فقط

طبعا اسهل دورة العسكريه هي دورة الدفاع المدني .. لدرجة كانو لقطاعات الثانيه يقولون عننا مدلعين ودورتكم دورة بنات ههههههه يعني لاحد يخاف منها

المهم بالنسبه للاختبارات والدرجات بالدوره .. الدرجات هي اللي تحدد اقدميتك بين زملائك

يعني مثلا انت لو جبت الاول بالدوره وجات ترقيات على دفعتك انت اول من يترقى هذي نقطه مهمه احرص عليها

وبالنسبه للبزوطه كلنا نبزوط هههههههههه

اهم شي بالدووره ماتسوي مشكله مع احد زملائك وتوصل ادارة المركز او اي مشكله كبيره تسبب لك ضرر .. لانها تنحفظ في ملفك العسكري وتجلس لك عقده

بالنسبه لاختبار السباحه والغوص .. لازم تكون تعرف تسبح واذا غرقت اعتبر نفسك مانقبلت
اهم شي سباحة عاديه وسباحة الظهر والغوص امره بسيط كله بمعدات .. وحاول تتدرب عند اي احد وتعرف مسمياتها قبل تختبر

اخواني هذا اللي خطر على بالي حاليا

واي استفسار او مساعده اكتب استفسارك وان شاء الله افيدك باللي اعرف

بالتوفيق لكم جميعا

الله يوفقك ويسهل امرك ويجزاك خير

بس عندي سؤال / اول موعد هل هو مطابقة بيانات فقط .؟

ماشاء الله تبارك الله / فعلا أنت الشخص اللي نطمح ان يكون معنا في هالوقت ..


ياليت يالغالي تفيدنا بخصوص ، فني صيانة طائرات الدفاع المدني لأني مقدم بالدبلوم وانقبلت قبول مبدئي والأسبوع الجاي موعدي ،

ثاني شئ .. انا طولي بالضبط 167 ونص .. هل فيه تجاوز علما بأن الوظيفه راح تكون فني



ثالث شئ ، اختبار اللياقه { وما ادراك ما اللياقه } كيف كانت هل في جري او تمارين عضلات او ايش بالضبط



رابع شئ والأخير / كم تتوقع رواتب فني برتبه وكيل رقيب






تسلم ومعليش لو كثرت عليك الأسئله

طيب يا الغالي بما انك جيت المنتدى بنكثر عليك اسأله

لانه فرصه انك تكون معنا وبسألك


انا وزني نحيف مره . طويل مره ونحيف مره > تقول عمود كهرب

تتوقع امشي في حساب الطول الوزن هل هم متشددين . وكيف اختبار الغوص . لاني مقدم على تخصص غوص ؟

انا الحمد لله اعرف اسبح وعندي شهاجة غوص واعرف كل شئ بالغوص بس مشكلتي السباحه على الظهر ما اعرف


طيب مستشفى قوى الامن انا اللي احدده ولا لا

وبالنسبه للمقابلة الشخصية متى راح تكون ؟؟

بيض الله وجهك ما قصرت يا الغالي والله يوفقك


انت كانت دورتك وين ؟ لاني بسألك عن واحد في دورة المدينة المنورة ؟