..
السلام عليكم ورحمة الله وبركاته ..
والصلاة والسلام على اشرف الانبياء والمرسلين .. سيدنا محمد وعلى اله وصحبه اجمعين ..
/
كل عام وأرض الحرمين ..
وأرض .. العطاء بخير ..
وكل عام .. وقلوبنا الوفاء .. وأرواحنا الولاء ..
بمناسبة اليوم الوطني للملكة العربيه السعوديه ..
اهدي هذا النبص الى مقام سيدي / خادم الحرمين الشريفين الملك عبدالله بن عبدالعزيز ال سعود
(حفظه الله ورعاه ) .. والى أرض الحرمين وشعبها الوفي ..
..
آملا من الله أن يكون هذا النص قد أوصل جزء بسيط من ما في القلب .. من صدق وحب ..
/
..
..
ياقلب يامـزن القوافـي يابـروق وياغمـام
اليوم غالي فـي عيـون المملكـه واجيالهـا
عيد الوطن عيد الولا عيد المحبـه والسـلام
للديره اللي مالحق ضيـم الزمـان رْ جالهـا
اطلقت مهره باذن ربي مـا يلاحقهـا مـلام
حبل الرسن في كف شاعرهـا وهـو خيالهـا
لاجيت اغنيها غلا رفرف وسط قلبـي حمـام
وان جيت اغنيها شموخ ارقا لروس جبالهـا
ياديرة الإسـلام والتوحيـد والبيـت الحـرام
ياقبلـة وجيـه العبـاد المومنـه وآمالـهـا
انتي منار الحق فـي وقـتٍ تغشـاه الظـلام
يوم البشر فـي جهلهـا معتصمـه بجهالهـا
منك نبي الله ظهر للناس والشـرع استقـام
ياشجرة الدين الحنيـف اللـي يظـل ظْلالهـا
واليوم في عز ورخا وبظـل عاليـن المقـام
نقول عاشت مملكـة عبـدالله وعشنـا لهـا
ولراس ابو متعب تحايا روس شعبٍ ماتضـام
من حبـه ان ميـل عقالـه ميلـت بعقالهـا
ولقلبه الصادق سلامٍ ما انذكـر قبلـه سـلام
اطهر ملك لاطهر بلد تزهى له ويزهـى لهـا
خادم بيوت الله وحاميها الإمـام ابـن الإمـام
نجل الذي عانق جنـوب المملكـه بشمالهـا
عبدالعزيز أعز واكرم من تعـز بْـه الكـرام
جاهد على اعظم مملكه بين الشعوب ونالهـا
عسـاه للفـردوس يارحمـن يـارب الانـام
يحشر مـع خيـر العبـاد وينـزل بمنزالهـا
ياسيدي في صدري لعيد الوطن نفحـة خـزام
أحيـت معاليـق المشاعـر وانتثـر همالهـا
للديره اللـي للمعالـي فـي تـدرج وانتظـام
حكومه وشعـب وطمـوحٍ عانقتْـه اشبالهـا
كفوفها مدت عطا واحسان وأصـدق احتـرام
وقلوبنـا صـدق المحبـه والـولا مدهالهـا
ياكم قلط زوار بيت الله علـى طيـب وسنـام
وياكم ديار ن ردت اجـواء الفـرح لاطفالهـا
وقبل الختام وقبل لا المهره توصـل للمـرام
من دلة سمان الحكا ..عديـت لـك فنجالهـا
ياسيدي لي لابتن تفـداك فـي يـوم الزحـام
لا طوحت بنت الشلي يـوم القتـال بشالهـا
وليا ارتفع صوت العزاوي حن مثل حد الحسام
نقطـع رقـابٍ بالخيانـه كبلتهـا اغلالـهـا
اقولها باسمي وانا ملازم سادس وخذ زبد الكلام
قومٍ فعايلهـا تسابـق فـي اللـزوم أقوالهـا
سقم المعادي وايلة همدان درعـك والحـزام
لادق ناقوس الخطر تفـدي الوطـن بعيالهـا
وختامهـا ياسيـدي يانسـل وافيـن الذمـام
دامـت قيادتنـا ودام العـز فـال أبطالـهـا
22-09-2010, 11:50 PM
# تعالو ياحماة الوطن نهني حكومتنا باليوم الوطني ونجدد الولاء # نبغى 10 الالآف رد
العرض العادي
