اخوي اولا حياك الله بيننا وتنور المنتدى
ثانياً ماقدر افيدك . بخصوص الاقسام الجامعيه الي ذكرتها ..
بس بخصوص الاكاديميه السعوديه للطيران اعرف واحد يدرس فيها في جده . من اخوياي وعلى ماقالي ان عملهم في ابراج الطيران توجيه الطائرات او شي زي كذا المهم اعتقد هذي مستقبلها طيب ومضمونه وظيفتها بس دراستها يبي لها جد واجتهاد وعدم غياب . هذا طبعا بخصوص الاكاديميه الي انا سمعت عنها مادري اذا هي نفسها الي تقصدها والا لا
واتمنى لك التوفيق ان شاء الله

جزاك الله خير بس ياليت تفيدني اكثر عن الاكاديميه هل اهي في الرياض ولا بس في جده ؟؟ سواء الدراسه او الوظائف ولك احترامي يالغالي

اخوي ، اولا دراستهم انجليزي في انجليزي اول سنه اعتقد تخصص انجليزي بحت ماتطلع من هالسنه الا وانت بلبل انجليزي
ثانياً : الرجال الي اعرفه داخل هالاكاديميه بفلوس يعني دراستها مدفوعه ..
ثالثاً : الغياب مره محدود الا بعذر لان اذكر خويي بغوا يفصلونه بسبب الغياب .. وهو قالي ماغاب كثير يعني يمكن كل الي غابه خمس ايام في الترم الواحد
والرجال هذا يدرس في جده عاد فيه كليات غير جده مادري ..
والله يوفقك ان شاء الله انصحك بشده تدخلها