رأيكم بمحل إطارات الصور - المشاركة للجميع

مخباي فاضي · #1 (**permalink**) 23-09-2010, 01:00 PM

السلام عليكم

أنا شبه محترف بالفوتوشوب - ومحب للصور والتصوير

1- هل تؤيدون أفتح محل يُعنى بالصور وإطاراتها ؟

2- وهل يكون على شكل محل أو كشك في أحد الأسواق ؟

علما بأنه ممكن يكون عندي تنوع في النشاط كطباعة الصور الخاصة على التيشيرتات

مهاجرقريبا · #2 (**permalink**) 23-09-2010, 01:33 PM

عليكم السلام ورحمة الله وبركاته

جميل جدا اخوي والله يوفقك.. هذا الشي طالما انك محترف فيه وصاحب المهنه نفسها راح تنجح بأذن الله وبالعكس شي حلو , انك تستغل احترافيتك وكذلك الكتابة على التشيرتات خذلك تشيرتات من مصانع سادة ويكون جودتها حلوه واطبع عليها شعارات صور .. وسوي لك متجر الكتروني عشان تتواصل فيه مع الي خارج المدينة كطلب وشحن له.. حتى فيه برنامج تحطه للزائر يصمم شعاره زي ما يبي,,

الاهم اخوي الغالي تبعد عن اي شي محرم .. وبالتوفيق ان شاء الله

ارسلت لك مثال على الخاص ولو انك تكتفي بالبداية كمتجر الكتروني افضل .. وتنشره بين اقاربك ومعارفك واعلانات بالنت ...

وهنا شرح للمتاجر الالكترونية

https://www.btalah.com/t118394.html

سعووووودي · #3 (**permalink**) 23-09-2010, 04:48 PM

وعليكم السلام ورحمة الله وبركاته

الله يوفقك

وانا مع اخوي مهاجر قريبا في كل اللي قاله

وممكن تدور على المدارس بالذات مدارس البنات تعرض عليهم خدماتك بالطباعة على التيشرتات في المواسم الخاصة بالمدارس

مثل اليوم الوطني وحفلات التخرج وبداية العام الدراسي

هبشه · #4 (**permalink**) 24-09-2010, 01:25 AM

فكره حلوه وأؤيدك عليها ,, ولازم يكون فيه إبداع وأفكار متجدده دائما
و بالتوفيييق

مخباي فاضي · #5 (**permalink**) 01-10-2010, 11:18 AM

للرفع - أرجو التفاعل يا شباب

الغرق في النور · #6 (**permalink**) 01-10-2010, 11:43 AM

أنا عكس الاعضاء اللي سبقوني في المشاركة

لا أؤيد الفكرة

هل الدخل يغطي التكاليف؟

كم نسبة الذين يحاتجون الصور؟
كم نسبة الذين يشترون الاطارات؟

أغلب الناس الذين يريدون التصوير للذكرى يذهبون للمحلات التصوير المشهورة

انا معك في استئجار محل كشك في مجمع

واستخدام طباعة الصور على التي شيرتات والاكواب ... الخ

وتضع في المحل اكسسوارات وهدايا واكسسوارات الجوالات يعني نشاطين او ثلاثة يساعدون في تسديد الاجار والمواد الاساسية وزيادة الربح

صمايل صمايل · #7 (**permalink**) 01-10-2010, 01:27 PM

مشروع عال العال

بس طريقة التسويق يبي لها تأني شوي

- طباعة على التي شيرتات والأطقم الموحدة
وهذي تقدر تلف على المؤسسات والشركات الصغيرة والمتوسطة وتعطيهم
عروض لعمل هذا الشي .......لأطقمهم الموحدة ...مناسباتهم السنوية

- الطباعة على الكاسات الزجاجية والأكواب الخزفية
وهذي نفس الشي للمؤسسات والأندية الصغيرة والجمعيات الخيرية
يبي لك تبحث عن أفضل أسعار الكاسات اللي في السوق ....فيه أسعار من 0.25 هلله إلى ريال ..... تعمل كذا نموذج وتلف الشركات

وفيه آفكار ثانيه بعد ....

وهذا المشروع تقدر تبتدي فيه من البيت
يعني غرفه في البيت هي المكتب ....وتعمل نماذج والمطلوب انك تتعب في البداية
وتلف على الشركات والمؤسسات .......وأهم شي لا تيأس من البداية
وروح على طول إطلب مقابلة المدير .....أهم شي لا تطيح بيد أجنبي " ما هوب ذم في الأجانب لا والله " بس إطلب المدير السعودي وإشرح له طريقة العمل والعروض تبعك وإترك انطباع جيد عنده وياريت تترك له هدية بسيطه عبارة عن كوب مثلاً وعليه علامتك " الشعار الخاص فيك واللي راح تعتمده " ........ومعاه الكرت الشخصي

اترك له مجال انه يفكر وإطلب منه انه يسأل في السوق

إذا تلف باليوم على ثلاث شركات مثلاً ........راح تغطي المنطقة كلها اللي ساكن فيها في شهر أو شهرين مع متابعة اللي رحت لهم قبل ........

إفترض انك تعاقدت مع شركتين أو أكثر ........ خير ونعمه ومنها البداية

بس أهم شي انك تكون جاد في هذا العمل ....يتطلب جهد ....والنجاح فيه
بتوفيق الله .......

بالنسبة للكشك أو المحل ...هذي خطوة لاحقة اذا بديت مع الشركات أو المؤسسات
علشان يكون لك مقر

والله يوفقك ان شاء الله

وأي استفسار ان شاء الله نقدر نفيدك

ultan$ · #8 (**permalink**) 01-10-2010, 03:57 PM

والله نفس الشئ أنا مهووس بالصور وعندي بعض الصور للأصحاب بالطلعات شئ ولله الحمد يثنون علية ولي صور للطبيعة أغلبها يمدحونه من حولي لاكن عملي ومسئولياتي تحد من خروجي.

الله يوفقك اخوي,,,