السلام عليكم ورحمة الله وبركاته
تحية طيبة اخواني

انا اشتغل في شركة ومبتلى بالاجانب انا و الي معاي احنا اثنين فقط

في مشكلة ملازمة لي وهي : اني مجتهد في العمل والله ان شغلتي جديدة عليه
وابغا اتعلمها يوم تعلمتها الاجانب ما يخلوني امسك شغل اذا جيت امسك شغل
يصرفني الرئيس روح جيب الشيئ الفلاني ارجع اشوف اجنبي ماخذ شغلي
المهم انا قررت اتعلم رسوم هندسية لانه الاجانب الي معنا معهم شهادة رابع
او خامس او سادس ولا يعرفون الاتجاهات ولا اي شيئ
ثلاثة شهور بعدين عرفت للرسوم اعرف امدد ابياب وين يروح وين يجي
المشكلة انهم سكرو عليه هذا الباب
انا استلم راتب زين وحمد الله عليه بس ابغا انتج ابغا تطوير وظيفي ابغا اصير شيئ
قررت اني اروح شركة ثانية هل تفكيري سليم او اني استمر
لي في الشركة اربع سنوات

المشكلة الثانية : في اجنبي غلط عليه انا مزحت معاه مزح خفيف طلع سكين
قالي بيذبحني انا فكرته يمزح بس الرجال كررها مرة ثانية في موقع ثاني

المشكلة الثالثة : انا شفت الاجانب الي معنا يسوون خمير و اعرف مكان الي يخبونه فيه
انا خايف اعلم عليهم و الشركة تتخذ ضدي اجراء وش اسوي هم في يوم من الايام شربوا
و تهاوشوا كل واحد سيح دم الثاني

المشكلة الرابعة : حسد العمال الاجانب يقولون لي ليش بس احنا الي عندنا سعوديين ليش
الشركة الي جنبنا ماعندهم احنا ما نحتاج سعودي ليش جاي

اي والله ليش جاي انا جاي اكل لقمة حلال عندي زوجة وولد وين اروح
اروح الفلبين اشتغل
والله انا اشك لو صار العكس واحنا اشتغلنا في بلدهم كان اذبحونا وقطعونا تقطيع
في بلدنا و يحسدون كيف بلدهم