^^^^^^^^^^^^^^^^^^^^^^^^^^^^^^^^^^^^^^^^
بسم الله الرحمن الرحيم
السلام عليكم ورحمة الله وبركاته
معانات كل عاطل

أربع سنين وخمسة شهور وثلاث أيام طيش
أعيش وسط المجتمع مدري وشنهي خانتي
أسعى وراء فرصة عمل لكن يالأيام ويش
حدّك على تطنيشي وعذابي وإهانتي
فالصبح من بعد السهر أفطر على تونة وعيش
وفالليل أعد نجوم همّي في سما ديّانتي
مدري وش آسوي ووين آروح مدري كيف أعيش
وأنا ما عندي غير ثوبي في دروف خزانتي


باقي على الطول المناسب لك ثنينه سانتي
يعني ثنينه سانتي فالطول بتهز إلك جيش
وألا تبا تنقص على مر السنين أمانتي
شهادتي شابت وأنا على وشك والوضع شيش
وأبا آتزوج وآتذرّى في ذرى حصانتي
باطير فالدنيا ولكن كيف أطير بدون ريش
نتّف جناحي وقتي وضاعت كذا مكانتي

ياليتني لاعب كره يا ناس مثل أحمد خريش
في كل "قول" ألفين، وألف ريال فالبلانتي
ما كان هذا حالي المُزري، ولا بأقول ليش
وأكثر ما أفكر فيه كيف أبحترف في "نانتي"
أرزاق والدنيا حظوظ نعيش وألا ما نعيش
ورزقي على ضمانة الله ما هي بضمانتي
يالله يا ربي وظيفة لو تجي ف"أبو عريش"
وألاّ تزوّدني على طولي ثنينه سانتي !
























[motr]أقراو القران فأنه يأتي يوم القيامة شفيع لكم[/motr]