الى كل خبراء المقابلات الشخصيه ابغى مساعدتكم
كان عندي مقابله من يومين وسالني اساله وقالي جاوبي عليها في البيت على راحتك انا جاوبت عليها بس مافي غنى عن ارئكم

سؤال الاول
اذا جاك عميل معصب ويبي يشوف المدير ايش تعمل معاه؟
سؤال الثاني
اذا سالك عميل عن منتج وانت ماتعرف ايش تسوي؟
سؤال الثالث
اذا عميل اخذ قرض وهرب وانا الي معطيته القرض ايش اعمل؟

طبعا في سؤال طويل عن مقاولين شوارع مادري من وين جايب هالاسئله فياليت تعطوني ارئكم؟

ماحد يعرف بليززززززززززززززز ساعدوني

اول شي شيرين تأكدي من الشركه او الجهه الي سوت المقابله لان فيه شركاتوهميه ومستغله حتى سمعت بسالفه بنك يستغل البنات عشان يكسب زباين بطريقه مادري وش هي وراجعي قسم الفساد والجريمه على ماظن فيه مواضيع من هالقبيل
ثانيا : اسألتك والله تخلي الواحد يشك في الي مسوي المقابله سؤاله الاول زي الي يقول هديه وطبطبي عليه لين يهداء ؟
والثاني زي الي يقول زحلقي العميل بأي طريقه عشان تنصرف عليه ؟؟
والثالث مادري وش يبي يعني هل تلاحقينه بالشوارع ؟
اختي مابي اقطع رزقك بس لو تتابعين المواضيع الي هناك شي يخوف وعاد انتي ابخص وان شاء الله ماعليك خوف
تقبلي مروري

سؤال الاول
اذا جاك عميل معصب ويبي يشوف المدير ايش تعمل معاه؟
امتص غضبه واحاول اهدئيه واعرف مشكلته
سؤال الثاني
اذا سالك عميل عن منتج وانت ماتعرف ايش تسوي؟
اقول انتظر واسأل اى واحد قديم يعرف اكثر مني
اذا عميل اخذ قرض وهرب وانا الي معطيته القرض ايش اعمل؟
من الاساس مااعطيه قرض الا وانا اخذ كافه الضمانات عليه

يعطيكم الف عافيه كل شخص رد والله يرزقكم المراتب العليا
انا ماحكون تسويق انا شغلي بيكون خدمة عملاء ولحد الان ماوفقت لان للحين ماقالو لي عن راتب ولاشي
واكيد بكون حريصه

سؤال الاول
اذا جاك عميل معصب ويبي يشوف المدير ايش تعمل معاه؟
اقوله بس .. ابشر طال عمرك انت اجلس والحين اشوف لك المدير
سؤال الثاني
اذا سالك عميل عن منتج وانت ماتعرف ايش تسوي؟
اقولهـ انتظر لحظه واسال اقرب موظف يعرف ..
او اراجع اقرب كتيب بختص بالمنتجات واسعارها
سؤال الثالث
اذا عميل اخذ قرض وهرب وانا الي معطيته القرض ايش اعمل؟
كيف ياخذ قرض ويهرب ؟! ماتجي ابدا
لان القرض مو سالفه يجي واحد وتعطونه بدون ضمانات واستقطاع شهري من الراتب
يعني مافي شي اسمه هرب !!