السلام عليكم

يا شباب والله اني متوهق

فتحت مؤسسة مقاولات وخسرت عليها للحين فوق 40 الف ريال ما بين رسوم سجلات تجارية واشتراكات وتصاديق وشهادات ورخص واستئجار مكتب وتأثيثه المهم للحين ما بدأت بالنشاط فعليا وانا ناوي انشاء الله على خدمات عامة (نظافة - صيانة - ادارة وتشغيل )

المهم الحين انا مطفر وافكر لو قدمت على مناقصة ورست علي بمبلغ قليل ما عندي حق الضمان البنكي وانتم عارفين صندوق المؤية والبنوك ما تعطي قروض للمؤسسة إلا بشروط اقلها ان يكون عمر المؤسسة فوق سنتين

الزبدة انا عندي الحين فرصة اخيرة وهي تأشيرتين او ثلاث قلت ابيعها على العمال اللي بستقدمهم وبنفس الوقت اشغلهم معي اذا وصلو ومع الايام اذا اشتغلت برجع لهم قيمة الفيزا اللي بعتها عليهم يعني تصير كأني متسلفها منهم وبكذا نضمن عدم الدخول في الحرام والتحايل على الانظمة والكلام هذا كله

بس الحين ابي اعرف الله لا يهينكم

وين افضل تأشيرة من ناحية السعر لمهنة عامل نظافة ، الاغلى في السعر يعني

يالربع لا تبخلون بالردود

تحياتي

اعتقد
ابو يمن يدفع حد 10
هذا ماسمعت وبالتوفيق لك يارب

وهل التحايل على النظام حلال

الله يكتبلك اللي فيه الخير ان شاء الله

طيب ممكن دلني عليهم عندي فيزا بيعرضها اخوي عليهم

من ناحية النظافة عندك الفلبيين واندونيسيا وسيرلانكا

اما الاسعار ماعندي علم فيها

ابد حبه حبه لا تكبر اللقمه تغص وبيع التأشيرات والله مافيه بركه ودايم اذا العامل شرا التاشيره منك يكون متمرد .. لكن انت باي منطقه ؟؟ وراح أقولك وجهت نظري ووش اللي ممكن تستفيد منه اكثر من المناقصات