بعد التحيه والسلام لاحظت الكثير يشكي من البطاله وقلة الوظايف
مهما كان سبب احتياجنا لها الوظيفه .
أكتبلكم بأول يوم درااسي ..وأن صاكه الدنيا فيني
أحس أني قطعة أثاث مو آدميه ..كل العالم مداومه ..وأنا بالبيت لاحس ولاخبر.
شهاده وعندي وخبره وعندي .ودورات وعندي وش يبون بعد؟؟؟
وين الوظااايف؟؟؟؟
اللي علينا سويناااه ..طيب وين نروح ...قسم بالله صابتني حاله نفسيه من جلسه البيت
تخيلوا خريجة لغه عربيه من عام 1424 ..
اخذت دبلوم حاسب سنتين ب22ألف والله العالم من وين جبت المبلغ ..شقي ابوي وتعب لين مادبره كان بأقساط وكان يقتصد بمصروف اخواني عشان يدرسني ..
متعشم اني بتوظف بسرعه وبعوض لكل..لكن ..عشم ابليس بالجنه
درست بعدها دورة معارف ب1000 ريال
و3 كورساتEnglish
ودرست سنتين مدارس حكوميه ..الله يعلم بحالي فيها شحططه وفوق هذا كله صابره من باب اتوظف وانسى هالمعاناااه ..
لكن المسأله طالت ..وتزوجت قبل سنه ..للاسف زوجي حالته الماديه جدا سيئه الراتب 2000 ريال
واجار البيت 17 الف في السنه
من غير مصاريف البيت والله يجي نص الشهر ماعندنا ريال واحد
وين نروووح نشحذ؟؟؟؟؟؟ولا نموت جوووع...
أشياء كثيره نفسي فيها مو ترف ولا كماليات لا والله أكل ملبس اصبر واكل تبن ولا اقول
لزوجي لني عارفه مامعه ..العين بصيره واليد قصيره ..
قضيت اشهر بعد ماتزوجت في بيت اهلي ,,لاننا وبصراحه ماحنا لاقين اللي يصرفنا في بيتنا مزنوقين بالاجار نسدده على دفعات8500 كل ست اشهر بالله من وين نجيبهااا ؟؟؟
شهاده وجبت
وخبره وجبت
دورات وأخذت .
ولاتهنيت لابزواج..
ومحرومه حتى من الاطفال لان الوضع والمصاريف ماتخارج أبد ..نجيب طفل ونظلمه ....
من غير اني انسااانه طموحه ومااحب ابقى عاطله ..كنت مميزه بفتره التدريس ..وكانوا المديرات المشرفات يثنون علي ..
نشيطه ..ومغرمه بالتدريس
لكن فعلا تجري الرياح بما لاتشتهي السفن
حتى المدارس الاهليه ..نافشه ريشها علينا ولا لقيت مدرسه تضفني .
وش المطلوووووووووووووووووووووووووووووووب اكثر من كذا وين أروووح ؟؟
مااخبي عليكم فعلا طلعت باحتفالات اليوم الوطني وشفت العالم مهيصه وناسه ورقص بس
والله والله والله العلي العظيم كانت خانقتني العبره واقول بنفسي
(كل عام وخيرك لغيرك يابلد)
أنا سعوديه للنخاااع
وأفدي ديرتي وترااابها بروحي ودمي..
أغار عليها ولا ارضى احد يمسها بسوء
والله يديمها علينا من نعم ..
بس حسيت اني ثابرت ..وتعبت ووطني ماجازاني ..ولا اعطاااني فرصه أقدم له ثمرررره تعبي وجهدي..وديرتي ولله الحمد موب عجزاانه ..نتبرع للعالم بالملاايين ..واحنا هنا نتمنى 500 بالشهر
وربي صرت اخاف على نفسي يجيني حاااله نفسيه ..
نص شعري شيب متحمله هموم اكبر من عمري ..
بذمتكم وين عاد اروووح ؟؟؟
الاحتياااج النفسي للوظيفه اقوى من الاحتياااج المااادي ..
مو حلو الواحد يلقى نفسه عاطل لاشغله ولامشغله ..يحسه زايد على وجه الارض ماله هدف
ولا له تقدير


فما بالكم أنا احتياااجي للوظيفه ...نفسي وماااادي ...

<<<<ماتقدر تكمل خانقتها العبره

(يااارب ضاااقت وعندك فرجهاااا )

[align=center]
لاحول ولا قوة الا بالله

اختي الكريمة

اجارك الله واعانك سبحانة

لاتيأسي من رحمة الله عز وجل ...لاوطن لا حكومة لا احد يقدر يفعل شي لكي الا ...الله عز وجل

عليكي بالاستغفار فوالله انه سلاح انا مجربة وانا عاطل بكالوريس علوم حاسبات وماني لاقي شي

ماعلي من احد ولا احد راح يهمني غير عبادتي واستغفاري لله سبحانه فهو يرزقني ويرزقك

قوله تعالى : فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا

فيه ثلاث مسائل :

الأولى : قوله تعالى : فقلت استغفروا ربكم أي سلوه المغفرة من ذنوبكم السالفة بإخلاص الإيمان .

إنه كان غفارا وهذا منه ترغيب في التوبة . وقد روى حذيفة بن اليمان عن النبي صلى الله عليه وسلم أنه قال : الاستغفار ممحاة للذنوب . وقال الفضيل : يقول العبد أستغفر الله ; وتفسيرها أقلني .

الثانية : قوله تعالى : يرسل السماء عليكم مدرارا أي يرسل ماء السماء ; ففيه إضمار . وقيل : السماء المطر ; أي يرسل المطر . قال الشاعر معاوية بن مالك :

لا حول ولا قوة الا بالله

لاتنسي الإستغفار أختي الفاضله

كما قال تعالى: ((فَقُلْتُ اسْتَغْفِرُوارَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))


وأسال الله العلي القدير أن يرزقكي من واسع فضلهـ

[align=center]
حسبي الله ونعم الوكيل

حالناً الوظيفي يتردى يوم عن يوم

أصبري وعليكِـ بكثرة الإستغفار والدعاء والناس نيام وإن شاء الله بتلاقي الفرج


[/align]

الحمدلله على كل حال
الصبر مفتاح الفرج
اقراي سورة البقرة كل يوم وستغفري
مافي شئ مستحيل بالدعاء
الله يوفقك انتي وزوجك
امين يارب

الحــــــــــــــــلم الصعب

ياقلبي لا يـــــــــــــــــــدخل اليـــــــــــــاس بقلبك
فالله سبحانه وتعالى عند حسن ظن عبده

والله يااختي
لو اتبعتي هذه الطرق لاستجاب الله دعائكي ورزقك من حيث لاتحتسبين
والله ياأخت حلم اني اقول هلاكلام عن تجربه والله والله

اول طريقه لابتعـــــــــــــــــــــــــــــــــــــــــاد عن الذنوب والمعاصي لان سبب في ذهاب النعم ووقدوم النقم يجب ان يكون لانسان على علاقه حسنه مع الرب سبحانه وان الله لا يغير مابقوم حتى يغيروا مابي انفسهم وهذا وعد رباني انه متى ابتعد لانسان عن الذنوب وغير من حاله فان الله يغير حاله الى لافضل ليس ماديا فقط بل من جميع النواحي النفسيه والروحانيه وغيره

ثاني طريقه الاستغفار ثم لاستغفار ثم لاستغفارر والله ياخت حلم انه اكبر مشرررووع تجاري مع الله سبحانه وتعالى لو على لاقل تستغفرين باليوم الف مرره بس
والله ماتحتاج شي نص ساعه بس ويمكن اقل

ثالث طريقه الدعـــــــــــــــــــــــــــــــــــــــــــاء والله ياأخت حلم ان دعاء عبـــــــــــــــــاده عظيمه قبل ان تكون وسيله لقضاء الحوائج
دعاء الله سبحانه بتضرع وتذلل بانه هو من قادر على قضاء الحوائج لاغيره سبحانه وتعالى
والله الذي قالفي محكم كتابه ادعوني استجب لكم
وهذا وعد رباني من الله ان مستجيب للدعاء
كيف لا
وهو من استجاب لزكرياء بن رزقه ولد برغم من كبر سنه
كيف لا
وهو من استجاب لاصحاب الكهف عندما تضرعوا اليه
كيف لا
وهو من استجاب ليونس في بطن الحوت
كيف لا
وهو من استجاب لام موسى عليه السلا م بان رد اليها ابنها وحماه من عذاب فرعون
وغيرره وغيرره

رابع طريقه صلاة الليل والدعاء بها واان من احب لاعمال الى الله كثرة السجود والصلاه

خامس طريقهبر الوالدين و لاحسااان الى الناس ومساعدتهم ورد السيئة بالحسنه والله لها مفعول عجيب

اعلمي ياختي متىمافعلتي هولاء الخمس الطرق والله والله والله واقولها وانا اجزم بان الله لن يخيب امللك وان سوف يرزقك من حيث لاتحتسبين

يارب فرج همها واسعدها سعادة لاتشقى بعدها ابد

الله يعينك

الله يفرجها عليكم من واسع ابوابه

لا تياسي اانا ولد وعاطل من 7 سنين وللحين ما توظفت كيف بتزوج ووووووووو وما املك حتى سياره وصابر
الشكوى لغير الله مذله ادعي ربك ولا تنتظري شي من احد اقصد من الدوله ...

الله يوفقك . وهذا انتي قلتيها (خيرنا لغيرنا)