[align=center]السلام عليكم ورحمة الله وبركاته

اسف على التأخير بس والله ماطلعنا الا بعد الساعة وحده ومع ذلك ماكملنـآ الفحص

اولاً اقول لكم الكشف من اول شيء وصلت عند بوابة مدينة تدريب قوى الامن الساعه 6 ونص والموعد 7 ونص

المهم ركبونا باص وحضرو وانطلقو بنا إلى المركز الصحي

يوم وصلنا عطونا اوراق نعبيها هل فيك امراض او شيء وقال لنا عسكري حبيب والله ضليمته شينه حطو كل شيء لا لا لا علشان مايرجعونكم إذا كشفوك في الفحص ولا امش

المهم انتضرنا تقريباً حول نص ساعه لين فتحو الباب ثم دخلنا صالة انتضار وقالو فصخو الجزم اكرمكم الله وارفعو الصراويل لحد الركبة واجلسو

المهم جلسنا ننتضر لين الساعة 10 ماجو الدكاترة طال عمرهم

المهم اول شيء فحص الطول والوزن ثم الضغط وهذي سهالات الحمد لله

ثم عاد الاسنان طبيب سعودي بيض الله وجهه اجودي بس يشوف اسنانك الامامية كويسة ولا لا

ثم طبيب الاف والاذن والحنجرة برضو سريع سريع يشوف ويوقع لك

ثم الطبيب النفسي ماسألني على طول وقع وقال الله يوفقك والعيد عليك مبارك

ثم عاد العيون والله يوم جلست احاول اناظر ماقدر ياهي بعيييييدة الله يرجهم بس علشان الحمد لله ضبطت معي على انها تسألني اقول يمين يسار وانا ما ادري وش السالفة على ان نضري كويس بس يمشونك بعدين عطتني ورقة فحص عمى الالوان رقمين بس وقالت امش

المهم رجعنا للقاعة وجلسنا ننتضر حول ساعه همن قالو تعالو الباطنية ويحط السماعة على بطنك شوي ويقول امشي

بعدين رحنا للأشعة وشيعونــآ وقالو انتظرو إلى الساعة 1 وربع ثم قالو لنا خلاص امشو المختبر مافيه اليوم والجراحة برضو


يعني باقي لنا المختبر والجراحة هذي يقولون بنرسل لكم رسآلة موعد جديد




المهم الخبر الثاني يقولون ان الدورة ان شاء الله بشهر 11 او 12 بالكثـير


الخبر الثالث يقولون التقديم القادم بإذن الله بشهر 1


ولاتنسوني من الدعاء الله يوفقكـم ترى ماباقي الا الاشياء اللي خايف منها اللي هي الدم والجراحة [/align]

يعطيك العافية
الله يوفقك

يعطيك الف عافيه على ها الخبر بالتوفيق

الله يوفقك ياغالي

ماقصرت

اووف يعني ماهي في يوم واحد

والله بلشه
انا عندي جامعه اذا غبت سته ايام بيظفروني مع الباب
لاحول لاوقوة الابالله

أنــت مقدم على أي قطـاع .؟

السلام عليكم ورحمة الله وبركاته
اخ ولليد وين سويت الكشف الطبي بأي مدينه وهل هم متشددين على النظر لان موعدي يوم الاثنين بجدة وخايف شوي من النظر ارجو الرد ولك مني خالص الشكر والتقدير