السلام عليكم ورحمه الله وبركاته

ما ادري كيف ابدى موضوعي..

انا مصابه بمرض التصلب اللويحي او كما يسمونه التصلب المتعدد ms
من سنتين

ادرس بجامعه الامام وتعبت فيها كثير
اسباب كثيره..
عندي عدم التوازن بالمشي
اذا بذلت مجهود كبير ما اشوف زين
هذا يسبب لي مشاكل بالجامعه

قاعتي بالدور الثالث
ولا فيه مصعد
اوصل القاعه متاخره واذا وصلت ماعاد اشوف اي شئ ويحسب لي غياب

و هالشئ يسبب ضعف في معدلي

اكلم الاخصائيه بمرضي تقول جيبي تقرير طبي
والمستشفى ممرمطيني على ما يعطوني
وبالموت اعطوني التقرير

عندي نسيان واحيانا تتصلب يدي ولا اعرف اكتب زين
وفوق هذا مافيه تعامل

ادري طولت بس انا مقهوره من جامعتي الي هي الامام محمد (الاسلاميه)

الي ابيه( ابي احد الله لا يهينه يساعدني انقل لجامعه الملك سعود)

لانها اولا مسويه اعلان خاص لصاحبات هذا المرض
موفرين سبل الراحه
سياره جولف تنقلني الى مبناي
يعطوني وقت اضافي في الاختبارات
اعانه للطالبات

الشئ الثاني قريبه من بيتنا مو زي الامام نص ساعه على ما اوصلها

التقارير معي

انا مابي اجلس ببيتنا بسبب الاعاقات الي يصعبونها علي!!
انا وحده طموحه جدا ابي اكمل
بس ابي توفير سبل الراحه

المرض ربي ابتلاني فيه مو بيدي!!

معدلي 3 من 5
رحت لجامعه الملك سعود على اساس النقل
كل شئ اوكي المعدل حقي تمام
الملفات كامله
بس بسبب ان قسمي انجليزي يشوفون درجه شهاده الثانوي لازم تكون 90
وانا 78
يعني 12 درجه بس
قلت لهم انا مرضت يومي بالثانوي وهذا الي اثر على درجاتي
بس رفضوا قبول طلب تحويلي بسبب هالشئ



احس طولت بالكلام
بس احس اني متلخبطه ارجوا انكم تعذروني
بس تكفون الي بيده ان يقدر يساعدني الله يجزاه خير

ومشكورين مقدما

ربي يشفيكي ويعينكـ ع هالحياة


وأن شاء الله تلاقين حل جذري للمشكلتكـ


أختكـــــــي غنووووجة

الله يرزقك اختي ويشفيك
هونيها وان شاء الله تهون
ويجيك الفرج

اميييييييييين

يسلموووووو

غنج التوت و حي السفارات

مو معقوله

محد يقدر يساعدني بهالشئ

وربي وربي تعبت

ليش طموحي كله يروح ويتدمر عشان اعاقات تمنعني!!!!

طالبتكم وطالبه الي له يد ويقدر ينقلني.. ينقلني جزاه الله خير

( من فرج عن عبد كربه من كرب الدنيا فرج الله له كربا من كرب يوم القيامه)

يرحم والدين الي يقدر يساعدني

الله يشفيكي ياااااااااااااااااارب

ويحقق امانيكي

اميييييين

يسلمووو كثييير على المرور

الله يعينك يارذاذ ويصبرك ..

انصحك تحملي واصبر .. وبنفس الوقت لاتسكتين وحاولي بأي طريقة تساعدي نفسك ..

وإذا تشوفي إن جامعة الملك سعود فيها فايده اتمنى انك ماتفوتي الفرصة فيها ..

لأنه من جد افضل جامعة للمعاقين .. لأني انا براا الرياض وأمنيتي في الحياة اني ادرس بجامعة الملك سعود ..

لأنها هي الجامعة اللي راح تساعدني على الحياه .. بس ايش نعمل دام اعاقتي مأثرة علي في الحياة ..

انا بجامعة الجوف ( أفشل جامعة في العالم ) مافيها نظام + ظلم + مباني ضيقة ومستأجرة من مدارس بنات والقاعات بعيدة عن بعض وبعض الاحيان نوقف ونعاني من تعب شديد خاصة ً المعاقين ..

ورغم ذلك صابرين ومتحملين وإن شاء الله يجي اليوم اللي انقل منها واكمل دراستي في جامعة الملك سعود أظنها الحل الأمثل للطلبة المعاقين ..

لكن صبر جميل والله يعين ويصبرنا ..

اعتذر على الاطالة .. ويارب يشفيك ويعافيك ..

^^^

اميييييين
الله ييسر امورك ويسهل عليك بس اذا تبي جامعه الامام محمد تدرس فيها قول لي لا يردك الا لسانك

................

بعدين الظاهر محد يبي الخير ابد

شكلي بسحب ملفي واجلس ببيتنا

ضاعت حياتي بسبب مرضي والحين بيضيع مستقبلي

حسبي الله ونعم الوكيل