بسم الله الرحمن الرحيم


السلام عليكم ورحمة الله وبركاته


اخواني الافاضل مساكم الله بالخير ..



اليوم الساعه 8 الصباح رحت لمعهد التقني السعودي لخدمة البترول ..


جيت عند البوابه وسألت الامن الاختبار متى بالنسبه لي يا اخوان جتني الرساله ناقصه { بعض من النص مفقود } وحركت من الرياض امس السبت احسب الاختبار السبت الي امس واتصلت وانا بالطريق على المعهد وقال لي الاختبار بكرا الموهم سألت حق الامن وقال لي الاختبار 1431/10/25 يوم الاثنين يعني .. ذا الي وصلني مع العلم فيه ناس على ماضن يوم 26 .. الوكاد انه ماقصر قال لي دقيقه واعطاني بطاقه فيستور { زائر } واخذ اثباتي ودخلت على المعهد .. مع التوصيف الي اعطاني ياه دخلت على المكتب على ماضن انه مدير .. الموهم سلمت عليه وكان عنده طالب مثلي مع ولي امره يتناقشون مع الي اسمه حازم وبعدها جلسني على طاولة مثل طاولة الاجتماعات << ماعليش جايبها بالتفصيل >> وقعدت اسأله وطولت اسألتي معه قلت له اعتبرني اخوك وعلمني المعهد بيضمن مستقبلي ؟ قال اي وانت اصلا اول ماتنقبل تتعاقد معك شركة وعدد لي 12 شركة متعاقدين معها منهم ارامكو وشيفورن .. مدرسين الرياضيات عندهم هم نفسهم حقين ارامكو الدراسه في المعهد من الساعه 7 صباح الى الساعة 3 العصر .. طبعا في السنه الاولى الساعات الدراسيه للمادة تكون بين خمس واربعين دقيقه وخمسين دقيقة .. وفي السنه الثانيه بتكون ساعتين الفرق بين السنه الاولى والسنة الثانية ان الثاني الحصص العمليه فيها بزياده الي هي التدرب على الاعمال وبعد السنة الثانيه يتخرج الطالب معه دبلوم nvq L2 وذا دبلوم عالي واذا يبي يكمل nvq L3 يقول لي تدرس عندهم او نرسلك برا في جامعات عالميه ومدة دراستها سنه



واي معلومه بغيتوها علموني وافيدكم فيها اذا استفسرت انا عنها قبل طبعا الرواتب بعد التخرج سألته يقول والله ماعندي خلفيه ارسلني لمكتب مدير في مبنى ثاني بس انا كنت مستعجل ومارحت







افيدوني .. انتم سمعتو كلامي عن هالمعهد .. ونتايج معهد الادارة للتوظيفه بتطلع هالاسبوع اذا انقبلت في الاختبار بختبر الاختبارين كلها حقت الاداره وحقت البترول .. واذا الله قدر ونجحت فيهن وين اروح موظف على المرتبه الرابعه بمسمى كاتب ولا اروح لـ المعد السعودي لخدمة البترول ؟؟



احترامي ~ مـآزن العتيبي

اخوي الله يوفقك
انا أخوي كان في المعهد السنه الماضية وحسب كلامه تم توفير السكن و النقل من السكن للمعهد بالباص والمكافئة 1500 ريال شهرياً وكان يدرس معهم طلاب من أرامكوا اما بالنسبة للتعاقد فإن الشركات الكبيرة التي عليها الكلام مثل شيفرون و هاليبيرتون وغيرها فهي تجي ثاني اسبوع او ثالث اسبوع من الدراسة وتختار الطلاب الممتازين او حسب الواسطات اما الطلاب الباقين فيخيرونهم إجباري بين عدد من الشركات الصغيرة مثل الرشيد والدريس والقحطاني وغيرها ومن لم يختار أي شركة لعدم رضاه بها فإنه يطوى قيده ويفصل وحسب إفادة أخوي ان رواتبهم بعد التخرج الأساسي 2400 ريال ومع البدلات حوالي 4000 ريال .
هذا ما عندي والله يوفقكم جميعاً