سبق وان قريت عن ماكينة خياطة تشبك في الكمبيوتر للخياطه مدري للتطريز

وهي حلوه فيها تصاميم وتقدرين تبتكرين تصاميم وتضيفينها لها

المشروع حلو ولا بأس فيه لكن يحتاج تسويق وعندي لك طريقة

انك تبدين اول شي بالعائلة الكريمة يعني اخواتك خالاتك بناتك اذا كنتي متزوجة يعني قريباتك

واذا قدرتي تخيطين لهم شيء راقي ومميز راح يسون لك دعاية

وتعرفين الحريم كثيرات هرج وفستان فلانه وفستان علانه

وركزي اول شيء على الجودة مو على السعر حتى تاخذين سمعه كويسه

ومع الوقت راح تتوسعين على مستوى الحي ومن ثم على مستوى المنطقة

اول شيء شوفي اسعار مكائن الخياطه والاغراض وسجلي في الورقة

وبعدين ادخلي مواقع حقين التأشيرات تحصلين كثيرات يبون يشتغلون في السعودية من الجنسيات العربية

جيبيها بتأشيرة خادمة بس بشرط تكون لها خبرة في خياطة او انك تشوفين لك من الموجودات هنا

وبعد ماتتفقين مع الخياطة انتي تبدين تجهزين لك غرفة في البيت مخصصه وتشترين الاغراض

اما بخصوص راس المال المطلوب بالتحديد هذا يترتب على كم ماكينة بتشترين وايضا بكم راح

تجيبين الخياطة وانتي بعد ماتتطلعين على الاسعار واسعار التأشيرات يتحدد راس مال المشروع

وانصحك في البداية تكتفين بماكينة وحده وتبدين انتي تخيطين اذا عندك خبرة وتشترين لوازم الخياطة عند الطلب وماراح تكلفك واجد

والله يوفقك والله الخبره في المجال راح يفيدونك باذن الله