المشاركة الأصلية كتبت بواسطة الدبدوب الحكيم

اسعد الله صباحكم حبايبي انا وعدتكم وان شاء الله اني مااخلفت بوعدي وجيت
المهم انا والله واصل البارح الليل وعيوني طلعت وتعبان مره ولا كان ودي ادخل من الليل واقولكم اخر الاخبار لاكن تخبرون اشلون يصير السواق بعد السفر وخصوصا ان السياره مافيها مثبت سرعه وياعيني المهم ماراح اطول عليكم
بصراحه كان احلى مكان دخلته بحياتي اسوي فيه مقابله شخصيه بصراحه قمة الذوق والاحترام والتقدير من الجميع والشاي والقهوه رايحه جايه وازيدكم من الشعر بيت البوفيه المفتوح اللي يبسط الواحد ... هههههههه
المهم دخلونا اول شي حضرونا وبعدين جلسونا وجابوا لنا اوراق وطلع الموضوع فيه اختبار مكون من عشرين سؤال كلها انقلش وطبعا كان الاختبار عن الشير بوينت كله وكلها اختيار متعدد والمهم من هذا كله انها اسئله عامه جدا جدا يعني اللي عمره بس شاف شاشة الشير بوينت راح يبدع في الحل مو بس يجيبها صح المهم انا حليت والمجموعه اللي معاي والله ماكنت عارف وش الهرجه ربكم يسرها وانتهى الحل ادونا تقريبا نص ساعه وبعدين طلعونا برا وجلسوا ينادونا واحد واحد للمقابلات الشخصيه ....
انا لما دخلت لقيت اوراقي اللي ارسلتها ليهم بالفاكس اول موجوده معاهم وموزعه بينهم المهم جلست كان اللي موجود للمقابله تقريبا خمسه اوستة اشخاص فيه منهم الظاهر 2 كويتين والباقي سعوديين على مااعتقد ...
المهم اول شي قالولي تتكلم انجليزي قلت يعني مش مره
بدوا يتكلموا معاي انجليزي وكنت اجاوب مره انجليزي ولو دخلت فيها كم كلمه عربي عادي مافي مشكله عندهم اهم شي تكون منطلق في الكلام وماتتردد وتكون عيونك لهم لاتنزل عينك على الطاوله ..
حبايبي الاسئله كانت تكلم عن نفسك ,, وش كان مشروع تخرجك ,,, كلمنا عن مشروع تخرجك ,,,, وكل شوي يستلمك فيهم واحد يسالك اسئله جدا عاديه وبسيطه جدا بس والله اهم شي الانجليزي .
المهم حبايبي في الاخير قالي واحد كويتي الظاهر كلمه عرفت اني ماني مقبول منها
قالي اخ علي
قلتله نعم
قال انت وصلك ايميل صح
قلتله ايه
قال قريته زين
قلت اية
قال وقريت ان مهم جدا اجادة اللغة الانجليزيه صح
قلت ايه
قال ربنا يوفقك
قلت جزاك الله خير
سالتهم باقي شي تاني
قالولي لاخلاص الله وياك
وضربت الباب وطلعت والمهم من هذا كله انه طلعت برا وتهاوشت ويا اخوي لاني كنت مره متوتر من كلمة الاخير هذا الله يسامحه بس وييسر لي ولكم الخير وين ماكان ..
هذا كل شي حبايبي وربي يوفقني واياكم .