السلام عليكم ورحمة الله وبركاته

كيف حالكم ايها القوم

اعلموا ياخوان انني لم اقف امامكم الا لحاجتي ويعلم الله انني استحي منكم >>> متأثر بالشحاتين اللي في المساجد

السالفة اعلاه ليس لها اي صلة بالموضوع



ياجماعة الخير من خلال مشاركتي المتوااضعة جدا في قسم المشاريع والافكار لاحظت شيئين :

الشي الاول من الاعضاء: كثرت الردود على غير سنع يعني واحد مسكين يبي مشروع وكاتب موضوع وقال خلني اروح ارقد وبكرة الصباح اشوف الردود ....والضعيف يدخل القسم يشوف الردود واصله صفحتين يقول بس الحين القى العلم وانتم عارفين ان العلم نور ويوم يفتح موضوعه يلقى الردود كلها شكرا لك وبالتوفيق وموفق لك مني اجمل تحية ...!!!!!! واللي يضحك اكثر يوم يكتب واحد انه ما يعرف شي عن الموضوع... طيب الله يرحم والديك دام ماعند خلفية ليش ترد؟؟ خلصت الحبر ...

امحق من صدمة نفسية عاد صاحب الموضوع يقول خلاص بطلت ماعاد ابي مشروع ....المفترض ان اللي ماعنده خلفية ما يرد


الشي الثاني من اصحاب المواضيع: يعني يجي واحد يقول افيدوني بمشروع وما يحدد كم المبلغ اللي معاه....والا يحدد المبلغ بس يترك المجال مفتوح للاراء ....وبعد يومين يجي يقول ان المشروع الفلاني ما يعجبني ....طيب ليه ماوضحت ميولاتك عشان ماتضيع وقتنا

وياخوان اللي مسنترين في هالقسم يدورون لقمة العيش ....سيروا علينا في واحة البطالة ...


والله يوفق الجميع والكل ويوفق القائمين والجالسين على هذا المنتدى

اخوكم ابو فجر