السلام عليكم ورحمه الله وبركاته

يا شباب انا توني متخرج من الثانويه بنسبه 92 وقدر الله وما شاء والقدرات جايب 60

ولا انقبلت ولا في جامعه والله اني مقهور قاعد في البيت ..

ما ادري هل اقدر اروح اقدم ع الكليه التقنيه في الطائف او الرياض .. بملفي ويقبلوني

علما الدراسه بدأت هذا الأسبوع

الي عنده علم ولا شي يفيدنا تكفـوون ..

ياابو عتب
انا نسبتي التراكمي بالثانوية
87
والقدرات والتحصيلي كلها 60
وقدمت في الجامعات وماقبلتني
لكن قدمت في الكلية التقنية بمكة
والحمد لله انقبلت
الله يوفقك
لكن على مااعتقد التسجيل انتهى
الله يوفقك ويوفقك الجميع

يانااس التقنيه غير معترف فيها في وزارة التعليم العالي

ادخلو جامعه والا كليه ولو بواسطه والا معهد الادااااره من افضل الدراساات بالمملكه
والله يوفقكم مابيكم تطيحون بنفس غلطتي

نصيحة :
لا توهقون أعماركم وتسجلون فيها والله انها ضياع المستقبل من جد....

نصيحتي اختك فالله خلك على الثانويه افضل لك لان سواء انقبلت بكليه المجتمع او كليه التقنيه بتجلس بالبيت ولا راح تلقى لك وظيفه ولا باب بيفتح بوجهك والكل باب بطقه يقول لك يعني انت خريج ثانوي بتقول لالا مااخذ كليه بيقولون لك مساويه لثانويه مثل كثير من قبلك على نفس الحال اذا تبي نصيحتي عيد القدرات السنه الجايه وجيب نسبه ويحق لك تعيد القدرات 3 مرات ولما تجيب معدل ادخل جامعه او كليه لا تقل عن بكالريوس .. اذا تعبت على الاقل وسهرت لك مستقبل حتى لما تقدم بوظائف حكوميه يكون لك منصب ودرجه علميه واذا قدمت على وظائف بقطاع خاص يصير لك مرتبه ومكافأه اكثر من الغير بسبب بكالريوس الذي تحمله وربي يسر لي ولك ولجميع المسلمين والمسلمات ويرزقني الوظيفه خريجه كليه مجتمع منذ 4 سنوات

لا تورط نفسك وتدخل التقنية ، آلاف المتخرجين وعاطلين عن العمل ، واللي متخرج من التقنية وبيكمل دراسته مافي غير بالرياض وبنسب وشروط عالية ، يعني لا تعتمد على هالشئ ، غير أنك بتدرس ثلاثة سنوات في التقنية دبلوم مع التطبيقي وبعد ثلاثة سنوات عشان تاخذ بكالوريوس في الرياض ، هذا لو فرضنا وإنقبلت بالرياض

ومثل ما قال أحد الأخوان التعليم العالي لا يعترف بالمؤسسة إطلاقا ولا بشهاداتها

مالك إلا أنك ترجع للجامعة ، قدم على دراسة بدون مكافئة ، أو حتى لو إنتساب وأدرس أول سنة وجيب معدل وحول إنتظام

مالك إلا البكالوريوس ، وأتركك من الدبلوم ، ألحين البكالوريوس يالله يالله يحصلو وظائف


بالتوفيق للجميع

انا خريج كليه تقنيه وعاااااااطل نصيحه لوجه الله لا تدخل التقنيه عيد اختبارك في القدرات السنه الجايه وجيب نسبه طيبه عشان تدخل الجامعه نصيحه لوجه الله لا تدخل كليه التقنيه

مشي حالك الحين في أي وظيفة ولا قعدة البيت

وعيد اختبار القدرات

وانتظر السنة الجاية وقدم في الجامعات ,,,

وانتبــه تقدم على الكليات التقنية ..

والله شوف عزيزي عندكـ كليات افضل من التقنية ونسبتكـ مرة حلوة ماشاء الله كثير

كلية الجبيل عندكـ (قدرات 65 وتحصيلي مدري كم)
وكلية البترول عندكـ (بس اعتقد يطلبون قدرات وتحصيلي)
عندك جامعة الباحة
جامعة الملك عبدالعزيز

هذه كلها حلوة وفي غيرها لاتدخل التقنية اذا ماكنت بتشد حيلك
اما لو بتشد حيلك وتتوقع لو دخلتها معدلك ماينزل عن 4 توكل على الله وادخلها
وترا التقنية مطلوبة في ارامكو وسابك وتقدر تكمل بكلية المدربين التقنيين بالرياض
بس مثل ماقلتلك معدلك لاينزل عن 4 وبالتوفيق لكـ

انا متخرج من التقنية لي خمس سنوات وجالس بالبيت

لا تورط نفسكـ....