انا انصحك تدخل كلية التقنيه اذا ماحصلت شي احسن منها بس قدم الاحسن
ومن ناحية اللي يقولون مالها مستقبل هذا الكلام غير صحيح
انا خريجة التقنيه وانعرض علي وظابف ببنك الرياض بلاداره اول ماتخرجت بس رفضت لان الدوام طويل من 8 الى 5 والمكان بعيد عن بيتي وانا متزوجه وقدمت بيتي عليهم واعرف 3 من دفعتي ماخذو شهرين وطلبوهم اول ماتوظفوا رواتبهم 3000 واذا ترسمو 5000 ومرتاحين لان احسلهم من جلسة البيت والله يوفقك

اتعجب من بعض الاشخاص .. يرد .. بشكل عام " اترك التقنيه " ابعد عنها
.. يالليت اللي يبي يذمها ..او يمدحها يرفق مع ردهـ .. معدله + تخصصه .. وبتتضح لنا خلفيه مبسطه عن الشخص

واللي تقول " ترجع المكافئات " يمكن هالشيء بـ كلية التقنيه لـ البنات ..
ياكثر اللي درسوا و سحبوا ملفاتهم ،، ولا طالبوهم بـ نص ريال ..
ولا ما فيه اي عقــــــــد .. بينك وبين المؤسسه العامه .. الا 1 اذا تخرجت من الدبلوم بمعدل فوق 4 .. وقدمت على البعثه .. بيسوون معك عقد .. بعد ما ترجع لازم تداوم عندهم اقل شي 6 شهور .. وبعدها يحق لك تنقل .. هذا العقد الوحييييييييييييييييييييييييييييييد

و بالنسبه لك اخوي صاحب الموضوع .. مثل ما قالوا الشباب التخصصات .المطلوبه ادخلها وشد حيلك .. لا تصير مثل الضحايا .. تخصص ضعيف و بعدين تطالب المجتمع بتوظيفك في تخصص فرصه الوظيفيه نادرهـ

السلام عليكم ورحمه الله وبركاته ....

اذا كنت بتدخل التقنية اقل شي لازم يكون معدلك بعد التخرج 3.75 (جيد جدا ) عشان تقدر تدخل كلية اعداد

المدربين وتقدر تطلع بعثة لكن كلية اعداد المدربين مافيها غير تخصصين حاسب والكترونيات على مااظن


اما لاقدر الله اذا ماقدرت تطلع بعثة وماقدرت تدخل كلية اعداد المدربين وبغيت تكمل بكالوريوس مافية

الابكالوريوس موازي بكلية التقنية بالرياض بمبلغ وقدرة حوالي 80 الف ريال ..


لكن نصيحة من اخو لاتدخل التقنية لعدة اسباب ....

1 - شهادة غير معترف فيها .
2- سنتين ونصف تروح من عمرك على الفاضي .

ادخل جامعه ازيالك .

السلام عليكم
أنا أخالف الغالبيه وراح أعطيك وجهة نظري
أنت إذا ما حصلت غير الكلية التقنية أدخلها وحاول تدرس كأنك طالب تبي تجيب معدل وبنفس الوقت
حاول تقدم على الجامعات الحكومية مو تسمع كلام الاعضاء وتنتظر تختبر قدرات السنة الجاية
طيب يمكن ما تجيب معدل في القدرات ووتورط لا هو أنت اللي درست بالكلية التقنية ولا انقبلت بالجامعات الأخرى كذا ضاع من عمرك سنة وراح تظطر تدخل الكلية التقنية بعد هالسنة اللي قضيتها عاطل وسنتين ونصف الكلية صارت ثلاث سنوات ونصف باقي شوي وتصير بكالوريوس
لكن نصيحة أخ أكبر لأخيه الأصغر الحياة فرصة أنت أدخل أي كلية في الأول وإذا ضمنت إنك مقبول يمكنك تقدم على الجامعات الاخرى ولا تنسى تطور نفسك تختبر قدرات مره مرتين تدخل معهد انجليزي من مكافأة الكلية وفي الختام أسألك العلي القدير أن يوفقك في مسيرتك الدراسية

لا تدخل التقنيه

ادخل جامعه او انتساب

[align=center] لا لا لا لا لا للتقنيه

هذا انا تخرجت منها وعلى الفاضي

احس أنها مضيعت وقت

عادي روح اي كليه أو جامعه

مافي مشكله تنتظر سنه وبعدين تسجل ولاتروح منك 3 سنين

ادعيلي بالتوفيق [/align]

السلام عليكم ورحمة الله
اخوك عبدالمجيد من المدينة.من قرية تبعد عنها بـــ80ك
(اذا كان عندك استعداد انك جيب معدل 4من5 ادخل كلية التقنية ) اناخريج 1431هـ
والمعدل3.75 بس ضيعت نفسي قلت مابي غير ارامكو او الكهربة البعثات تركته لو قدمت فية قبلتني بس الجاي افضل باذن الله
لو تكرمتم الي عندة خبرعن تكميل اوالبعثات ارجومنة المراسلة على(abdal087@hotmail.com)
نت مافية كل جمعة اطلع المدينة

توكل على الله سو زي ماقلك الاخ الفاضل ادرس وقدم الاتجلس فاضي (رزقك المكتوب والله تاخذة من فم الاسد)
تــــــــــــــــــــــــــــوكـــــــــــــــــــ ــــــــــــــــــــــــــــــــــــــــــل عــــــــــــــــــــــــلـــــــــــــــى الــــــــــلــــــــــــــه

اخ خ خ خ خ خ خ خ خ خ لو يرجع بي الزمان كان ما دخلت ها الكلية والي يقول اكترونيات ومعدلات عالية اقول استريح الله يخليك يا كثرهم اكترونيات في الاخير عسكرية عريف ومعدلات عالية وجالسين با السنة با السنتين اذا بتدخل الكلية اعرف انك مجهول وحياتك تدمرت لو يرجع بي الزمان دخلت الجامعة لو بفلوس انشاء الله قسم لغة عربية على الاقل تتخرج معاك بكالوريوس ما تدور غير وظيفة احنا محتارين لا وظيفة ولا تكملة دراسة ؟؟؟؟؟؟؟ شوف لك معهد لغة انجليزية والترم الثاني قدم على الجامعة والله يوفقك