بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته

أرسلي أحد الاعضاء على الخاص طريقه الفحص الطبي قلت يا رال خلينا اسوي موضوع افيد كل المتقدمين

هذا ما حصل معي بالتفصيل الممل

صليت الظهر ودقيت على واحد من العيال قلت خاوني المدينة محمول مكفول وأستاذن من العمل وردلي خبر العصر أنه بيروح معي

بدايه النصب قلتله أيش رايك نطلع على سيارتك صلينا المغرب وطلعنا على المدينه وصلنا تقريباُ الساعه 11 أستاجرنا الساعه 6 الصباح نزلت وأشرت وقفلي رجال شايب قلت ابي مستشفى الامن العام المهم وداني لما وصلنا عند مبنى في شارع الملك عبدالعزيز قال هذي المستشفى وشكلهم نقلوها قلتله والحل قال أنزل هينا

قلتله والله ما انزل وتهاوشنا شويه المهم دقينا على الشرطه ( 9 9 9 ) كلمهم صاحب التكسي قالو المستشفى نقلو بعد رمضان وصفوله المستشفى الجديد ورحنا لهم

يعني المستشفى نقلوها بعد رمضان أول ما رحت للمستشفى الى في حريم واقفين حسبتهم يكشفون معنا نادونا تحت بالسامي وكل واحد ينادونا يدخل في الغرفه ويعطونه ورقه حطيتها كلها خطأ وطلبو صوره شخصيه ودبسوها قالو روح ونادي عليك بعد نص ساعه طلعونا فوق وأعطو كل واحد ورقه الكشف طبعاُ المستشفى متساهلين دخلوني لعياده قاسو الطول وختم على 3 خنات سليم قالو روح للعياده الثانيه إذن وأنف وحنجره وانا خايف من الاذن لان إذني اليسراء ما اسمع فيها دخلت عند الاذن وسلمت عليه دخل حاجه في إذني اليمين ثمن دخلها في إذني اليسار
ثم قال روح سوي عمليه رقع إذن وتعال قلت ليه إذني أيش فيها قال إذنك الطبله مشقوقه قلتله أنت الي شقيتها بالحديده الي دخلتها وأطلع وأروح لنقيب قلت الدكتور شق إذني ويقول إذنك مشقوقه قال أنا مالي شغل رحت الف وأعيط في المستشفى ولقيت ولد سعودي قالي فيه مشرف سعودي في الدور الثالث مرة طيب وعطاني أسمه ورحت لدور الثالث ولقيت المشرف قلته أنا من طرف حق الشعات أخذت معه 5 دقايق شرحتله الوضع كله وأرسل واحد فلبيني معي نزلنا وقفت أنا عند حق الاذاني وختملي سليم قالي يلا فصخ حق الاذاني يكشف على الاذاني والجراحه
قلت ياشيخ خاف الله أفصخ مررة واحده قلتله أحلف أنك ما تعلم أحد

المهم حصل الي حصل وختملي سليم ورحت لدكتور العيون وسليم ورحت لدكتور الاسنان وسليم ورحت لكتور الشعات الله يوفقه أبن حلال وشيعني وقالو سليم ورحت للمختبر وحللت بول وانتم بكرامه وسحبو دم والنتايج تاخذها من وقتها يعني بعد ربع ساعه المهم باقي النفسيه

قالو ترحون مستشفى الصحه النفسيه وتكشفون هناك مستشفى النفسيه تبعد عن مستشفى قوى الامن 30 كيلو

لقيت واحد من المتقدمين وركبت معه ورحنا للنفسيه وقعدنا ساعه كامله وحنا ننتظر المهم دخلت عليه وقالي أنت معك نفسيه قلت لا قال سليم

المهم قالو لنا أنتظر الرسايل تجيكم

وفي أمان الله

وعليكم السلام ورحمة الله وبركاته

ربي يوفقكـ وتنال ماتتمنى ويوفق كل عاطل ويرزقه ما يتمنى
امين يارب العالمين

موفقين لكل خير ،،،


محبكم بو تسنيم

الله يوفقك ان شاء الله عقبال مايدقون عليك بأذن الله

والف الف مليون مبروووووووووك

تستاهل الخير والله حلمي فديت قلبك

< جآري انتظار امن الملطعات


اخوك : دمع عاطل

انت تتكلم عن المنشئات ولا وش ؟؟

وبعدين يوم يفصخونك يقولون لك تعمل برمه ولا

خخخخخخخخخخخخخخخخخخخخخخخخخخخخخخخخخخخخخخخخخخخخخخخ

حلمي انت متى رحت المستشفى لني انا رحت ولقيت حقين المنشات ههههههههه
مساكين راصينهم تقول بقر ههههه<<<<< امزح

والله انا خلاصت كشف طبي في نص ساعه وانتم مساكين جالسين هههههههههههههههه
<<اكيد تقول كشف اية كسف تبع السفارات

ههههههههه
انت سحبو منك دم وبول ههههههههههه<<<<<< انا على طول حطلي سليم

انا فيني لقافه راحت للعريف حق امن المنشأت وجبتله النفسية
في الاسئلة وفي اخر شي قلتله سلام قلي وين قلت انا مني في المنشأت حسيت انه يب يكفخني

هههههههههه
المهم قلتله كم عدد طالبين يقول 35 الف

الله يرجك والله انهم مافي احد فيكم وسيم وربي ريحت الدخان تشمها من اول المستشفى هههههههههه