بيع القهوة ...افكار وطرق التسويق؟

مسكوية · #1 (**permalink**) 28-09-2010, 06:26 PM

السلام عليكم ورحمة الله وبركاته

بنك التسليف يبي من يسلفهم عشان ينجزون معاملاتنا
ومع اني مقدمة عليهم منذو مبطي الا انهم ما ردوا علي
ولذلك قررت اني اطقطق لين يجي ردهم ويفتح الله علي

اسهل مشروع فكرت فيه ولا يكلف راس مال كثير هو بيع القهوة والشاي على المدارس
لكن فيه عقبة كؤود !
وهي كيف اسوق لفكرتي عندهم
وحده من الاخوات قالت روحي لهم واعرضي فكرتك
وفيه من قال لي كلميهم بالتلفون
طيب يا اخواني الكرام ماذا ترون انتم افضل طريقة
ماذا اقول لهم واعرض عليهم
هل اجلب معي عينات من البضاعة
وهلم جرا

لا تستصغرون اقل كلمة او معلومة يمكن استفيد منها
ياجعلكم في جنات النعيم

محمد الطميحي · #2 (**permalink**) 28-09-2010, 06:50 PM

وفقك الله

مسكوية · #3 (**permalink**) 28-09-2010, 08:39 PM

وياك يابو يحيى

الاخوان ببدأ ان شاء الله من بكرة
ولا استغني عن مشورتكم
والاخوات عطونا افكار وكلنا نستفيد ان شاء الله

هزاف · #4 (**permalink**) 28-09-2010, 09:41 PM

مو صعبه طال عمــرك ،

روحي أقرب مطبعه ، أو بالبيت عندك اذا عندك خبرة بسيطـه بالتصميم ، وسوي لك صفحه وإكتبي فيها إعلان ، ومري على كل مدرســه ،

ب اعطيك مثاال /

{ أخواتي أو أخواني ، يوجد لدينا أجود أنواع القهوه المحضـره منزليا ، ب أيدي سعوديه .. ولكم حرية الإختيار ، واذا كنتم تريدون تذوق عينه منها ، ب إمكاننا إرسال عينه مجانيه لكم .. وايضا يوجد لديّ تمر سكري وجميع الأنواع ، ويوجد لدينا معمول صنع منزلي ، ب ايدي سعوديه ماهره .. }

طبعاً إنتي صيغي الموضوع ب طريقتـــــــــك وإسلوبك ..وقولي إن الثلاجات موجوده عندك ، للقهوه والشاي .. وآخر الورقه حطي رقمك ل مدارس البنات ، ومدارس الأولاد حطي رقم محرم لك ..

وشوفي لك محرم أو شخص تثقين فيه .. يوزع على مدارس الأولاد ، وإنتي على مدارس البنات ،

طبعاً لا تختارين مدارس بعيده عن بيتك ، خلي المدرسه ب قد ماتقدرين قريبـه منك ، وشوفي لك مندوب يوصل طلباتك بالنسبــه .. على الطلب 5 ريال ، أو أكثر أو أقل .. على حسب السعر اللي ب تبيعين فيه ..

أو فكره ثانيـه وهي كروت ، مثل اللي في المحلات وكذا { أم فلان ل عمل القهوه والشاي وتوصيلها للمعلمين والمعلمات ، يوجد لدينا ثلاثجات لها ، وايضا يوجد لدينا تمر ومعمول ، للإستفسار 0555555 } نفس الموضوع بس على كرت .. وأنا أنصحك في الكروت ، لانها سهله وغير مكلفه .. وكل واحد ياخذ كرت ويحطه ب جيبه ، مايضيع ..

أتمنى أكون أفدتك ،

مسكوية · #5 (**permalink**) 29-09-2010, 12:26 AM

الله يطول بعمرك ويبارك فيك ما قصرت اخوي هزاف
فكرة الاعلان ما طرت على بالي اشكرك عليها

واذا فيه افكار ثانية عند الاخوان لا يبخلون علينا

السيد إيكو · #6 (**permalink**) 29-09-2010, 03:06 AM

[align=center]إذا بتقدرين تتواصلين مع محل طباعة وعندك سيولة يسوي لك ملصقات او ستيكرات
هالاستيكرات صغيرة يعني تقريبا 5 سم في 8 سم او اكبر او اقل مكتوب عليها اسمك التجاري ورقم جوالك او جوال المحرم وتلصقينها على الترامس ( الثلاجات ) حقت القهوة والشاهي إذا هي طريقتك او حسب ما فهمت عشان يكون لك سوق وشهرة بين المعلمات والمدارس ، ما ادري طرت هالفكرة في راسي
واتمنى لك التوفيق ؛؛[/align]

توتة توتة · #7 (**permalink**) 29-09-2010, 09:32 AM

https://www.btalah.com/showthread.*****..9+%CE%C7%D5%C9

الحاتميه · #8 (**permalink**) 29-09-2010, 11:36 AM

ماشاء الله فكره حلوه

ربي الرزاق · #9 (**permalink**) 29-09-2010, 04:39 PM

اقتباس:

المشاركة الأصلية كتبت بواسطة مسكوية

السلام عليكم ورحمة الله وبركاته

بنك التسليف يبي من يسلفهم عشان ينجزون معاملاتنا
ومع اني مقدمة عليهم منذو مبطي الا انهم ما ردوا علي
ولذلك قررت اني اطقطق لين يجي ردهم ويفتح الله علي

اسهل مشروع فكرت فيه ولا يكلف راس مال كثير هو بيع القهوة والشاي على المدارس
لكن فيه عقبة كؤود !
وهي كيف اسوق لفكرتي عندهم
وحده من الاخوات قالت روحي لهم واعرضي فكرتك
وفيه من قال لي كلميهم بالتلفون
طيب يا اخواني الكرام ماذا ترون انتم افضل طريقة
ماذا اقول لهم واعرض عليهم
هل اجلب معي عينات من البضاعة

وهلم جرا

لا تستصغرون اقل كلمة او معلومة يمكن استفيد منها
ياجعلكم في جنات النعيم

u u عطي القهوه والشاي الفراش يوديها المعلمات واكتبي اسمك ورقمك عشان يدقون عليك انك صادقه هم ماهو احد يلعب وخليها ضيافه لهم وياليت مع الحلى بسيط وفطاير بسيطه وبان الله تتوفقين وعطي بعد الفراش قهوه ضيافه عشان يرقيها فوق الله يوفقك الرزق الحلال من سعى له وعلم الله نيته ان شاء الله بيوفقه وعل نياتكم ترزقون