ممكن طريقة مجربة للحصول على 5 تأشيرات

دغيلب · #1 (**permalink**) 29-09-2010, 03:11 AM

يا اهل الخبرة او الموظفين في مكتب العمل تكفون ساعدونا
انا وصلت لاخر المشوار قبل استقدام العمالة
المؤسسة مقاولات والنشاط مقاولات عامة / تأسيس منشأة
والحين ودي احصل على عدد 5 تأشيرات عمالة او على الاقل 3
سألت قالو لي سجل جنسيات مختلفة اضمن من انك تسجلهم من جنسية واحدة كلهم
ايش رايكم اسجلهم من جنسية واحدة او اشكل جنسيات
المهن يقولك لازم تتوافق مع النشاط يعني عامل بناء سباك نجار مبلط ...... إلخ

المزآآآجي · #2 (**permalink**) 02-10-2010, 04:03 PM

اللي اعرفه يالغالي انك ماتقدر تستقدم أول مره عند التاأسيس الا عاملين فقط

وبعدها لازم تقدم مره ثانيه وممكن تحصل على 3 او 5 حسب طبيعة النشاط والعمل وومكن يطلبوا اوراق اثبات عمل مثل عقود او مشاريع او فسوح بناء

وبالنسبه للجنسيات لو تخليهم من جنسيتين مختلفتين يكون أفضل

هذا اللي اعرفه ... بالتوفيق

نيولوك · #3 (**permalink**) 02-10-2010, 04:25 PM

خلهم جنسيات مختلفة افضل لايتعاونوا ضدك بعدين لاصار شي

السـفير · #4 (**permalink**) 02-10-2010, 04:25 PM

الي اعرفه ان بداية المؤسسه ما يعطون الا اثنين فقط

زاد الشقى · #5 (**permalink**) 02-10-2010, 09:05 PM

اولا اطلب خمسه يعطونك اثنين او ثلاثه وبعد فتره تجيب لهم رخص بناء وتعمل توسيع نشاط

ويعطونك وعلى هالموال لحد ماتطلع لو تبي 15

وبالتوفيق

مخاوي العبرة · #6 (**permalink**) 02-10-2010, 11:18 PM

الحقيقة ان الاجانب مالين البلد وبعدين اعرف ناس نشاطهم مقاولات

كل ما عليه يمسك عمارة ويتصل على الاعمال بالجوال ويتفق معهم بالباطن ولما ينتهي بقبض الفلوس
ويعطيهم المقسوم بلا كفالة بلا هم مكتب العمل علما بان نصف الاجانب الا عندنا بدون اقامات والدليل روح للغرابي زينت السيارات وتشوف بعينك بس لازم يكون معك ددسن حوض عشان تشيل الا تبي من العمالة السايبة وترى العين غافله عنك يعني اشتغل وانت مرتاح
والله قهر لما الواحد يمشي نظامي بمكتب العمل وارواقه سليمه ويبي يستقدم عمالة على كفالته يعقدونه فما عنده حل الا الطريقة الا قلتلك والله الموفق

مسافرقهر · #7 (**permalink**) 03-10-2010, 12:23 AM

لية ماتدور نقل كفالة

قاصر الشر · #8 (**permalink**) 04-10-2010, 02:37 AM

اولا انت من اي منطقة.؟؟؟لان كل منطقة يختلف عن المنطقة الثانية

ثاني شي الباكستاني والهندي يعطونك وحدة فقط ....وباقي الجنسيات يعطوك ثلاثة

بعد كذا تسوي فسح ....وتقدر تستقدم عمالة بالمتر اظن كل الف متر يعطونك عامل واحد

سهم العنا · #9 (**permalink**) 04-10-2010, 05:50 AM

كم عدد العمالة المستحقة لأنشطة مثل المقاولات مطعم ورشة ؟

بالنسبة للمقاولات فقد تم تحديد عدد ثلاث تأشيرات كتأسيس. وبالنسبة للمطعم والورشة لاتقل عن تأشيرتان وتحدد حسب حاجة المنشأة

يا اخوي ما ازيد على الاخوان اعطوك المفيد

وفي بلدنا هذا كل شئ بالواسطه انا اعرف واحد حصل واحد ودفعله فلوس وطلعله 50 تاشيرة على مؤسسة

مقاولات