سلام عليكم
ياشباب انا طايح بمشكلة كبيرة والله يعلم فيها وابغى حل تكفوون
فتح تقديم بشركة الكهربا قبل فتره ورحت سلمت ملفي مناوله
واتصلو علي بعد فتره قالو ان اوراقك كلها سليمه وان شاء الله رح تنقبل معانا
بس سجل في الموقع حق الشركه عشان تعطينا رقم الطلب
وانا مسجل بالموقع من سنه تقريبا ودخلت عليه لقيت مكتوب نعتذر عن قبول طلبك
وسويت تعديل للبيانات وارسلت الطلب مره ثانيه واخذت رقم الطلب واعطيته الشركه
اتصلو علي بعدها بيوم قالو رقم الطلب خطأ تأكد منه
هذي القصه والمشكله بإختصار
( ان رقم طلبي مايطلع بقاعدة البيانات عند ادارة التوظيف .. ولا استطيع عمل طلب جديد بالموقع لان رقم الهويه مسجل في قاعدة البيانات والشركه تقول مانقدر نسوي شي ولا نقدر نفيدك ولا نقدر نقبلك عندنا الا اذا كان لك رقم طلب في قاعدة البيانات )
يوم قلت وش هالحل قالو راسل ادارة الموقع
وراسلت الموقع لكن لا يوجد رد والوظيفه بتروح علي
تكفون الي يقدر يساعدني او يعطيني اي حل يوصلني لادارة الموقع
او رقم لهم لاني عجزت ماقدرت اوصل لهممم لا بالتلفون ولا بالايميل