وعندي مشروع ثاني وش رايكم في السمك . يعني اجيب سمك طازج في سيارات حافظه من الشرقيه وافتح لي محل في الرياض مثلاا او المناطقه المجاوره اللرياض الرخص الأجار عندهم زي كذاا ..

هل بيمشي المشروع ولا بيخيس السمك ويخيسني معه .

ياليت احد يشور علينااا

السمك يمكن ينفعك اما البقاله خسارة بخسارة
لانو المواد الغذائيه لها تاريخ انتهاء
الموهيم
انا من وجهه نظري ماانصحك بالبقاله

مشروع السمك ممتاز بس يبيلك النوعيه الممتازه وتكون الاسعار مقبوله حتى تكسب الزباين
موفق بإذن الله ... لك مني أجمل تحية .

بالعكس السمك ممكن يعفن

لكن البقالة الي موادها الغذائية منتهيه

اصحاب الشركة المنتجه تجي وتبدل المواد الغذائية المنتهية

وانا عندي الان بقالة جديدة اشتريتها من واحد بــ60 الف قيمة البضاعة الي بالمحل

هو كان مقفلها 5 شهور والمنتجات كلها منتهية

وطبعا بما ان لي خبرة يعني بقالة أخرى

اشوف الشركات دايم تجي وتشوف التاريخ قبل كل شي

والي انتها تاريخه تاخذه وتبدله بتاريخ جديد

اتمنى اني افدتك من ناحية البقالة واذا تبي اي مساعده انا تحت امرك

على الخاص او على الايميل

مخالف

[align=center]
بسم الله الرحمن الرحيم

اخي العزيز اسمح لي بالمداخله البسيطه

البقاله مشروع ناجح بكل المقاييس ولاكن تحتاج للجهد
البقاله مصدر تموين المنازل وكل بيت لايتسغني عن البقاله وبضاعة البقاله مطلوبه بشكل يومي ليست كالسمك

انا انصحك بالبقاله واختر المكان المناسب ولايهمك شكل البقاله وديكوراتها ولاكن اهتم بالسكان والاحياء العامره
والا دور لك محل بين العماير وتعامل مع الشقق توصل لهم طلباتهم الى الشقه

[/align]

اهم شىء في البقاله
1- الموقع اذا كان في وسط حي كثر الحلويات حقت الاطفال والالعاب البسيطه اذا كان في محطه اهتم في بطاقات الشحن سوا وغيره
2- العامل الذي له خبره ويخاف الله
3- ايجار المحل يكون سعره معقول
4- ترتيب المحل من رفوف وثلاجات
...............
بنسبه لمشروع السمك غير مكلف من حيث التجهيزات
وعندك بعد مشروع المغاسل الملابس مشروع حلو
استخير الله ودرس المشروع الى تبيه وستشير اصحاب المحلات

يعطيكم الله العاافيه جميعاا ماقصرتو وبيض الله وجيهكم

اخواني ياليت تعلموني وش الشروط المطلوبه عشان افتح محل
هل السجل التجاري غيره شيئ والي يطلع سجل تجاري يتمرمط لين تطلع ريحهته وبعدها يعطونه

افيدوني جزاكم الله خير والله مدري كيف الطريقه ولا اعرف الشروط فتح المحل غير السجل التجاري. ياليت احد من الخبراء يشرح لي الطريقه من الألف الى الياء وش الشركات الي يتعامل معاهم

^^^^

اخوي عندك غالبية الشركات تبيعك بالاجل....


وحاول تفتح مخبز مع البقالة


وفقك الله

مشاريعك حلوه بتوفيق بس...
انا بعطيك نقطه مهمه الكل غايب عنها وخصوصا السعوديييين
البقاله النجار الحداد المغسله السمك البوفيهات دايم مشاريعهم فاشله فيها السعوديين عارف ليش ؟
لانو بعيد عن المحل مش جالس ع راس العامل , العمال حياكلوك لهم الف شي وشي وطرق واسالييب هالنقطه حطها ببالك قبل ماتضيع فلساتك المشاريع الناجحه صاحب المشروع يكون الاول ولاخير بالمحل يعني ع راس القايمه شوف الهنود الحضرمي اليمني يشتغلون بيدهم متواجدين 24س عشان كذا جالسين بشغلهم وماعليهم خساير اما انت بتتركهم وبتروح عليك العوض من بدري بقولك تذكرني بعدين وقول والله يغار عندها حق
افتح مشروعك بنفس مكانك انشالله لو مشروعك بياع بيض المهم انت بنفس المكان ع راس العمال كذا انا اقولك بإذن الله تعالى موفق وتوفيق من الله ولك الاختيار
اختك يغار