وه بث وه توظفت اخيرا

نهرالوطن · #1 (**permalink**) 29-09-2010, 11:55 PM

السلام عليكم ورحمة الله وبركاته

باختصار انا توظفت الحمدلله الذي اكرمني وفضلني على كثير من خلقه حمداً يليق بجلاله وعظيم سلطانه

بس المضحك ان المكان كان كبير جدا وراقي وكنت اضيع مكتبي كل مره وادخل مكتب مو لي ولا أتوصل لمكتبي إلا بعد ربع ساعه ويكتب تأخر علي مليت ومأعرف للساعه والوقت ولا الأنظمه مليت ودي ابكي تعب ارهاق والمراقب يناديني انت دايم ضايع او متأخر

اشتقت للفراش الله لايعيده

وابشركم اول ماتعينت اعلنو زياده بالرواتب للجميع قلت انا راضي بالأول حلو الحمدلله ابشركم إن الأوضاع طيبه والخافي اعظم

والسلام عليكم ورحمة الله وبركاته

دعواتي للجميع بالتوظيف والسعاده دنيا واخره فديتكم انا عاطل 7سنوات وصبرت قلت ربي اعلم بحاجتي وبيرحم ضعفي واكيد مع الأيام بيجي الفرج وكل تأخيره فيها خيره

وهذا انا بوظيفه ومكان راقي جدا ومريح عليكم بالصبر والأحتساب والتفاؤل والأمل ودعاء الله اناء الليل واطراف النهار وايقنوا إن الفرج قادم قادم بإذن الله بس عليكم بالصبر

والحمدلله رب العالمين

واستغفر الله واتوب إليه

glamour · #2 (**permalink**) 30-09-2010, 01:33 AM

نهرالوطن · #3 (**permalink**) 30-09-2010, 08:08 AM

اقتباس:

المشاركة الأصلية كتبت بواسطة آَخَرَ الْعُنْقُودِ

يسعدك ربي ويفرح قلبك ويوفقك للخير وجزاك الله خير اسعدني حضورك واعذروني على التأخير اصلا انا صرت مشغول

واحد ماصدق يتوظف

راعي العليا20 · #4 (**permalink**) 30-09-2010, 01:36 AM

الف الف الف الف مبروك

والله اني فرحت لك ياحدسدس >>باقي مانسيت

خخخخخخخخخخخ

الله يسعدك ويوفقك في وظيفتك الجديده ومنها لاعلى المراتب ان شاء الله

تحياتي

نهرالوطن · #5 (**permalink**) 30-09-2010, 08:15 AM

اقتباس:

المشاركة الأصلية كتبت بواسطة 3lo0osh

الف الف الف الف مبروك

والله اني فرحت لك ياحدسدس >>باقي مانسيت

خخخخخخخخخخخ

الله يسعدك ويوفقك في وظيفتك الجديده ومنها لاعلى المراتب ان شاء الله

تحياتي

مشكور ياللعيب ههههههههههههههههههه بس اسمك صعب علي وماعندي وقت افكك رموزه اكتب عربي لو سمحت عشان انت عارف انا توظفت وماعندي وقت واحد ماصدق يتوظف واسمع من اليوم ورايح مافيه لعب

اصلا انا مشغول

وش رايك نجمع الشله ونلعب معهم ونعيد زمن البطاله والفضاوه

واتوقع اني مراح احدس صح عشاني مشغول

الله يوفقك والله اسعدني حضورك اصلا انا مسوي حفله بس خبز خباز حار وجبنه سايله وميرندا برتكان وشمعه بعد الراتب الأول راس خروف الراتب الثاني كرعانه ويديه التقاعد خروف كامل

فديتكم والله وحشتوني عساكم ماتشوفون وحش

أبو العيال · #6 (**permalink**) 30-09-2010, 01:39 AM

النص غير مكتمل 00

نساءالله لك والجميع التوفيق 0

نهرالوطن · #7 (**permalink**) 30-09-2010, 08:36 AM

اقتباس:

المشاركة الأصلية كتبت بواسطة أخو العيال

النص غير مكتمل 00

نسأل الله لك والجميع التوفيق 0

ههههههههههههه

تبي اكمل النص انا كنت جالس اقول لأخوي سبع سنين ماتوظفت وانت يالي كنت أشري لك سيكل توظفت قبلي وكبرت وانا باقي وقلت هذا عقاب من الله لي وتأديب كنت أضحك على واحد يوم كنت بالثانوي أنه توظف بعد 10 سنين وكنت واثق اني راح توظف بسرعه خلصت الجامعه ومشت السنين لقيت نفسي 7سنين عاطل وقمت أستغفر لذنبي واذكر ضحكي على زميلي واطلب من الجميع ان يأخذو العضه والعبره والله مأجلس في مجلس إلا أذكرهم اني كنت اضحك على واحد وربي بلاني فيما بلاه
المهم خلصت من كلامي مع اخوي وكنت حزين داخل القلب

واقول بقلبي ياربي ارفع عني البلاء والفاقه والحاجه دخلت غرفتي حزين

فجئه دق جوالي رفعت إلا اخوي يقول بكره تباشر العمل صحت وش وكيف ومن

على هالبشاره لك اول راتب من الفرحه سكر بوجهي قال إذا جيت اعلمك

وانتظرته وسبحان الله انا مغير رقم جوالي القديم واكتشفت ان الوظيفه فرج من الله وبشاره تدرون ليش

عشاني انا كنت مقدم على هذه الوظيفه من 3 سنوات واعتذرو ومشت الأيام وتغير رقمي ودقو على الرقم الأحتياط وهو رقم اخوي والحمدلله توظفت بالمكان الي كنت اريده سبحانه يرزق العبد من حيث لا يحتسب

ودام الوظيفه من مجهودي انا كنت متوقع اخوي ساعي لها اول مابشرني اثاريه فضل من الله وبيني وبينكم ودي اسحب مابي اعطيه الراتب الأول وبعد فيه زياده

وش اقوله اقوله اعطيك الراتب الأول بالتقسيط كل شهر شويه

اخو العيال وش رايك انت تعطيه الراتب الأول بدل مني فزعتك ياصقيقي انت كفو

الله يسعد قلبك اسعدتني وعقبال الجميع إن شاء الله

انشراح الفجر · #8 (**permalink**) 30-09-2010, 01:40 AM

ماشاء الله تبارك الله

الله يبارك لك اخوي

يمكن كافئك الله بهالوظيفة جزاء لعملك الطيب في التشجيع على حفظ سورة البقرة

الله يجزاك يزم القيامة بالفردوس الاعلى يارب العالمين

نهرالوطن · #9 (**permalink**) 30-09-2010, 08:43 AM

اقتباس:

المشاركة الأصلية كتبت بواسطة انشراح الفجر

ماشاء الله تبارك الله

الله يبارك لك اخوي

يمكن كافئك الله بهالوظيفة جزاء لعملك الطيب في التشجيع على حفظ سورة البقرة

الله يجزاك يزم القيامة بالفردوس الاعلى يارب العالمين

انشراح الله يشرح يصدرك وييسر امرك ويفرج همك ويسعدك دنيا واخره

سورة البقره بركه والقرآن جميعه بركه والأستغفار ومحاسبة النفس وفعل الخير كلها مفاتيح للرزق وبركه في العمر وخير في الدنيا والأخره

ولكن الحمدلله الذي ستر عيبي وقبحي واظهر جميلي ومحاسني حمدا يليق بجلال وجهه وعظيم سلطانه