نصيحة لا احد يكثر حلى لاطفاله

قاصر الشر · #1 (**permalink**) 30-09-2010, 04:23 AM

السلام عليكم ورحمة الله وبركاته

الاخوة المتزوجين والمتزوجات والمتزوجون والمتزوجوات >>>لا الاخيرة ما تجي

المهم ياجماعة الخير ....نصيحة لا احد يكثر للاطفال حلى ..ترى قسم بالله تنشطهم تحسون فيهم طاقة هائلة....

بنتي من الساعة 11 ونص الى الان وهي قاعدة تلعب معي....تحط غطوة امها على وجهي وتقعد تقولي ياجدة....وكل ماتطيح الغطوة تردها وعلى ذا الحال ....لنا الان قرابة 5 ساعات...حتى عشا ماتعشيت

المشكلة عجزت وانا اقولها انا بابا ....بس هي الله يصلحها عجبتها اللعبة....ومصرة اني انا جدتها!!!!

عاد سألت امها تقولي انها اكلتها حلاوة الساعة 9.....وطبعا الضحية دائما الاب.....

من امس الساعة 10 صباح الى الان مانمت.....ومدري متى بانام....

اصلا من يوم تشوف الطفل نشيط كانه مركب دينمو في ظهره اعرف انه مكثر حلى والله يعينك.......

دعواتكم لي بنوم هاني.....

فمان الله ..

مُحُمًدَ ! · #2 (**permalink**) 30-09-2010, 04:29 AM

نوم هني إنشــــاء والله يخلي لكـ بنيتك
أذكر أخوي كثر من حلويات
شدت معه لعب وكمل ثمانيه وثلاثين ساعه بدون نوم عمرهـ7سنوات
تقبلـ
مروريـ

ربي بشرني بالخير · #3 (**permalink**) 30-09-2010, 04:31 AM

وعليكم السلام ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
الله يخليي لك بنتكـ
ويصلحها ..آآآآمين

عبدالله الأحمد · #4 (**permalink**) 30-09-2010, 04:31 AM

اعطها لبن خلها تفكك

قاصر الشر · #5 (**permalink**) 30-09-2010, 04:33 AM

نسيت اقولكم ان الليبراليين والعلمانيين هم السبب

طبعا وكيل هالحلاوة علماني ومستوردها عشان يعطيها الاطفال عشان يسهرون وما يخلون ابائهم ينامون وطبعا تفوتنا صلاة الفجر ...ونتاخر عن عملنا وننفصل وتتشرد الاسرة ويصير الاب داشر وغرقان في السيل وبدون شنب ....يعني مين بيرضى يوظفه؟؟؟

قاتل الله كل بنقالي

مرعى وقلة صنعه · #6 (**permalink**) 30-09-2010, 05:13 AM

ههههههههههه
الله يسعدها ان شالله
وان شالله تخليك تنوم

كحل الورق · #7 (**permalink**) 30-09-2010, 05:21 AM

هههه الله يسعدهآ

مومشكله اهم شي ونآستهآ عآدي انت اسهر ^_^

راعي العليا20 · #8 (**permalink**) 30-09-2010, 05:37 AM

الله يخلي لك فجر

بس انتبه لنفسك لاني بديت اشك انك ماانت مطول في الحريه بيجي لك يوم ومابتشوف النور عشان كلامك

ههههههههههههههه

تحياتي

زيدان · #9 (**permalink**) 30-09-2010, 07:16 AM

اقتباس:

المشاركة الأصلية كتبت بواسطة حاكم بيزنطة

نسيت اقولكم ان الليبراليين والعلمانيين هم السبب

طبعا وكيل هالحلاوة علماني ومستوردها عشان يعطيها الاطفال عشان يسهرون وما يخلون ابائهم ينامون وطبعا تفوتنا صلاة الفجر ...ونتاخر عن عملنا وننفصل وتتشرد الاسرة ويصير الاب داشر وغرقان في السيل وبدون شنب ....يعني مين بيرضى يوظفه؟؟؟

قاتل الله كل بنقالي

يامسكينه يافجر والله ماالومك وهذا ابوك

والله شكلك انت اللي مخلص كرتون حلاوه مصاص

الله يحفظها ويحرسها ويحنن قلبها عليك

منّو · #10 (**permalink**) 30-09-2010, 10:29 AM

ياخي منت صاحي .. اذكر الله على بنتك .. من جد !!!
والله مسكينه هالـ فجر ,, لو تدري ان ابوهآ يسوّي تقارير يوميّة عن تحركآتهآ ,,
وخمبقتهآ <~

ماشاء الله تبارك الله ..الله يحفظها لكم .. ولسى ماتعلمت المشي والكلام ,, وش بتسوي ياحآكم وقتهآ ..