01-10-2010, 10:45 AM
|
|
Guest
|
|
تاريخ التسجيل: Oct 2008
المشاركات: 302
معدل تقييم المستوى: 0
|
|
قيس العتيبي
لا تغلط غلطتي
انا فتحة محل ماكلفني ثلاثه الف مع الايجار بحي شعبي وكان الايجار الشهري 250 ريال وجلست فيه ثمان شهور
وفتحت محل خضار بجده وكلفني بحدود 20 الف ريال وما جلست فيه الا 28 يوم
الاول فتحته الايجار بسيط والتكلفه بسيطه ومشيت فيه ومشيت امور - لكن قلت خليني اشوف محل غير ودخله افضل مع ان هذا المحل لو جلست فيه اصبحت مليونير لكن الحمد لله وذا مقدر ومكتوب
رحت جده وتشاركة انا واخوي انا بالعمل وهو براس المال
استاجرنا محل في السنه 14 الف دفعنا سبعه الف مقدم
الرفوف او البسطه الداخليه للمحل يعني التخشيبه حطيتها المنيو المرايات احجام كبيره غير لوحة المحل
والكهربه والاناره والتصليح والمكيف كلفنا حدود السبعه الف ريال
بقيت ستة الف قضينا المقاضي مبدائي بالف وثمان ميه لازم نقلل عشان المحل في بدايته
مع مرورك الاسبوعين الاولين استهلاكنا المبلغ وماعاد نقدر نغطي المحل اصبح اخوي يدفع من جيبه عشان
نغطي الين قفلنا المحل ولا ازيدك من الشعر بيت . اخوي راح بعثه عسكريه فرنسا وانا طلعت الطايف
وانا مفلس وكل يوم اقول وكل شهر بروح اسحب البسطه حقي ولوحه والمكيف الين صارة سنه ورحت لادارة السوق بعد سنه قالو هات لي 600 ريال حق كهربه وتعال استلم حقك ولا بعد ناقصه وتركتها والحين ندمان
اللي ابي اوصل له
ترا محل خضار ما يكلف وحدود خمسه الي سته الف تفتح لك احسن محل
لكن انا بلاي في اخوي يبي المحل اخر كلام وديكورات فستهلك راس المال
فانت اذا حصلت المبلغ من باب رزق او هو عندك ذا المبلغ ونيتك بالخضار والفواكه شي جميل
بس امشي على خطه ونمط معين واعلم ان المبلغ ذا راح يفك لك ثلاثه محلات غير وكلامي على المنطقه الغربيه
شوي شوي البدايه والكميات تكون قليله مبدئيا الين تشوف وتدرس السوق
الكماليات حاجه حلوه بس شوف شي رخيص وطيب ومو تنط في الغالي مثل اخوي
يعني بدل المنيوم حط خشب المهم الترتيب والتنظيم والمعمله الطيبه للزبون الين تكسب زبائن
ولا تغامر ولا تجازف بالمبلغ كامل
فالخضار والفواكه سريعة التلف ولكن سريعة ايضا استرداد راس المال
على عجاله
ربي يرزقك ويوفقك
|
العرض العادي
