شامل دورة الأمن العام من التسجيل للتخرج ...}

جايك جايك · #**231** (**permalink**) 28-01-2011, 06:12 AM

يعطيكم الف عافيه ومجهود يشكر عليه صاحبنا على تقديمه للموضوع واهنيك وياليت الي يحب يفدينا لايبخل والي ماعنده ينقطنا بسكوته

حلول عالم · #**232** (**permalink**) 28-01-2011, 07:44 AM

شـكرا لك وبارك الله فيك... لك مني أجمل تحية .

السرا · #**233** (**permalink**) 28-01-2011, 11:27 AM

هلالالالالالالا والله حمود
والله مجهودك من زمااااااااااان .. وحتى وانت وسط الدوره تدخل النت وتجاوب على الجميع .. عسى الله يوفقك يابو نيه وقلب ابيض

حمود .. لو سمحت عندي استفسار .. + رأيك وشورك
سمعت انه باول ايام الدوره .. يقولون من يعرف للحاسب الالي ؟
واللي يعرف . يخلونه على مكتب ويطقطق بالكمبيوتر ( يدخل بيانات وكذا ) .. ما يكرف بالميدان حيل مثل الباقي
الكلام صحيح او لا ؟
2- شرأيك . وهل تنصحني ؟ لانه في واحد من الشباب قال لا تقرب له ^_^ لانه تصير حساسيه بينك وبين خوياك انت مرتاح وهم يكرفون . وبكذا انت تضايق

وشاااااااااااااااااااااااااكر لك يالاجودي يا ولد الاجواد

ولدقصيمي · #**234** (**permalink**) 28-01-2011, 11:35 AM

شـكرا لك وبارك الله فيك... لك مني أجمل تحية .

❤»طبعى كذا«❤ · #**235** (**permalink**) 28-01-2011, 11:36 AM

الله يوفقكم

حموني السلمي · #**236** (**permalink**) 28-01-2011, 01:56 PM

اقتباس:

هلالالالالالالا والله حمود
والله مجهودك من زمااااااااااان .. وحتى وانت وسط الدوره تدخل النت وتجاوب على الجميع .. عسى الله يوفقك يابو نيه وقلب ابيض

تسلم يالغلا .

اقتباس:

حمود .. لو سمحت عندي استفسار .. + رأيك وشورك
سمعت انه باول ايام الدوره .. يقولون من يعرف للحاسب الالي ؟
واللي يعرف . يخلونه على مكتب ويطقطق بالكمبيوتر ( يدخل بيانات وكذا ) .. ما يكرف بالميدان حيل مثل الباقي
الكلام صحيح او لا ؟

حبيبي ذي اسمها ظابط صف وبصرآحه تعتمد عليك انت
وبحط لك تخصصات ظابط الصف في الدورة .

1- وكيل رقيب فصيل : وذي يعني تكون مسئول عن اخوياك المسئوليه التامه كأنك المدرب واذا انت مطنوخ رآح تخلي اخوياك يفلون ابو ابوها والمدربين تسلك لهم لكن بيجيك كلام من المدربين تهديد وتخويف يخليك تقول والله لألعن خير اخوياي ويجونك مدربين يعطونك من المزايا اللي تكون لظابط الصف وهي كلها خرطي .

2- عريف الفصيل : ذا تحت الوكيل رقيب طبعا مايثبت ولا يدخل الطابور طول الوقت واقف مع الوكيل رقيب وقت مايكون الوكيل رقيب مو فيه هو المسئول يرفع التكميل وكذا .

3- عريف النظافه : وذا يكون مسئول عن نظافة الفصيل .

4- رقيب السريه : ذا يحطونه ياخذ التكميل من الفصايل كلها ويكون مسئول عن كل السريه وهذا بصرآحه يفلها واذا كان كفووو السريه رآح يحبونه واذا كان رمه ويلعن خير الطلبه رآح يندق خشمه .

5- رقيب الصحه : وذا الوحيد اللي يطلع من المدينه ايام ال45 يودي الطلبه للمستشفى مع الاسعاف ويخلص اوراقهم ويتعشى برى ويتمشى ويجي اذا خلصوا بس هجوله مافي شي اسمه انا توني جاي مانمت البارح بنام الحين ماني نازل الحصه مافيه ينزل ولا دروا عنه .

6- الاعاشه : ذا يجلس في الميز بعد صلاة الظهر ماينزل الميدان يعني مايتصلب مع الشباب وبعد المغرب نفس الشي . وذا ماله لا مسؤوليه ولا فايده اللهم انه اذا كان ذيب عاد يقدر يجيب لاخوياهـ الدخان من عمال الميز ويضبط وضعهم بالشواحن والجوالات .

7- كاتب السريه : وذا اللي انت تسأل عنها وذي طبعا مالها دخل في الطلبه انت بس تجيك اوراق تدخلها في الكمبيوتر وبس وطبعا على حسب الرقيب المسؤول في السريه اذا كان رقيبكم طيب وحبوب بيقولك لاتنزل الا الحصه الرسميه بس وباقي الوقت انت في المكتب .

8- رقيب الخفارات : وذا يكون مسؤول يوزع الخفارات على الطلبه بجدول يومي كل يووم على فصيل تمر عليهم من اولهم الى اخرهم وكذا .

9- رقيب وعرفاء التوعيه : وذولا مسؤولين عن المسجد يعني بإختصار (( الهيئه )) ذولا اي شي يصير في المسجد يطلع صوت يطلع ازعاج يسجلون اسم اللي يتكلم ولا ينام في المسجد والله يعينه .

ذا اللي يحظرني حالياً واذا استجد في راسي شي قلت لك .

2- شرأيك . وهل تنصحني ؟ لانه في واحد من الشباب قال لا تقرب له ^_^ لانه تصير حساسيه بينك وبين خوياك انت مرتاح وهم يكرفون . وبكذا انت تضايق

والله شوف اذا انت من الناس اللي لسانك طووووووويل طول خط الرياض مكه وينقط عسل وتعرف تضبط وضعك مع المدربين والرقيب وتشبك معاهم زين لاتفوتك والله انك تفلها واخوياك ماراح يجيهم منك ضرر .. اهم شي اذا جو المدربين ولا الرقيب مسوين يمزحون معاك اش فيه عندكم في الفصيل في جوالات في مدري ايش قولي ابد ماعندنا ولا شي وفلها .

وشاااااااااااااااااااااااااكر لك يالاجودي يا ولد الاجواد

العفووو يالطيب ماسوينا الا الواجب .

حموني السلمي · #**237** (**permalink**) 28-01-2011, 02:05 PM

اقتباس:

صبآح / مسسآء الخير

صبآح النور .

اقتباس:

أخوي بس آبي أسالك سؤالين لآهنت .,

تفضل

اقتباس:

متى الموعد التقريبي لتخرجكم بإذن الله (بالتآريخ ) ؟

تقريباً نهاية شهر 4 او في بداية 5 ان شاء الله .

اقتباس:

وهل يتم خروجكم خآرج مدينة التدريب كآلعآدهـ يوم الأربعاء في آخر إسبوع لكم

ايه كل اسبوع نطلع ماعدا اذا كان التخرج مثلا يوم الاحد الجاي مانطلع الاربعاء والخميس والجمعه اللي قبلها .

وإذاكآن ممنوع الخروج هل يتم ألإذن بالخروج للطالب في آخر إسبوع له يوم الآربعاء قبل نهاية الدورة والسبب (زوآج أخوهـ ) , آو ممنوع ولآبد وجود وـآسطه ؟

يعني اذا كان محجوز شخص وزواج اخوه في الاسبوع اللي محجوز فيه عاتي المفروض انه جايب الكرت معاه حق الزواج لأي شي ومجرد مايدري انه محجوز يروح للرقيب حق السريه ويعطيه الكرت ويأجلون حجزهـ للأسبوع اللي بعدهـ واذا عنده واسطه يشيلون الحجز مره وحدهـ لأن اللي عنده ظهر ماينحجز ابد .

وجزـآك الله خير الجزآء

ومن يقول .

أأسرأأر مدينه · #**238** (**permalink**) 28-01-2011, 03:25 PM

طيب كم راتب الدوره

السرا · #**239** (**permalink**) 28-01-2011, 03:33 PM

طيب اخوي السلمي ... شلون اختار مثلا اكون مسؤول الاعاشه او النظافه او الصحه ؟
يصير فيها تنافس حيل .. او على طول ارفع يدي ويعطوني
لاني باختصار وبيني وبينك .. اللي تلعب به اكسبه ^_* .. وكرف الشمس وحرارة الرياض لازم نحتال عليه خخخخ

والله من كلامك .. حبيت بعض المهام والبعض الثاني كرهته ههههههه
وتحملنا يابعد قلبي انت كثرنا عليك لكن ما نملك غير الدعاء لك

والله ما شفت شخص مثلك يحب مساعدة الخير كذا
تأكد انه الله يفرجه عليك باذن الله وين ما تكون
<<-- كلام بخاطري عنك من زمان .. وقلته . وقسم بالله مو مجامله ولا معرفه بينا . المهم طيحت اللي بخاطري وخلاص ههههههههه

حموني السلمي · #**240** (**permalink**) 28-01-2011, 03:38 PM

اقتباس:

طيب اخوي السلمي ... شلون اختار مثلا اكون مسؤول الاعاشه او النظافه او الصحه ؟
يصير فيها تنافس حيل .. او على طول ارفع يدي ويعطوني

والله مو بكيف الواحد انا من الناس اللي كنت اتمنى عريف الصحه بس مدري كيف صار فيها غيري لكن ضبط مدربك حط عنده خبر قوله ابي اصيرر كذا كاتب السريه او اللي تبي وهو ان شاء الله بيسعى لك اذا شافك منضبط وخلك تمام معاه الين يحطك فيها .

اقتباس:

لاني باختصار وبيني وبينك .. اللي تلعب به اكسبه ^_* .. وكرف الشمس وحرارة الرياض لازم نحتال عليه خخخخ

حكمتك بطله اقوى شي بس اهم شي لاتبديها على اخوياك لكن اذا مافيها ضرر على اخوياك دوووس ومن له حيله فليحتال .

اقتباس:

والله من كلامك .. حبيت بعض المهام والبعض الثاني كرهته ههههههه
وتحملنا يابعد قلبي انت

كثرنا عليك لكن ما نملك غير الدعاء لك

يا بعد قلبي انت ماسويت شي كل السالفه كيبورد وحكاوي اعرفها وربي يوفقك على الدعوات الحلوه .

اقتباس:

والله ما شفت شخص مثلك يحب مساعدة الخير كذا

تأكد انه الله يفرجه عليك باذن الله وين ما تكون
<<-- كلام بخاطري عنك من زمان .. وقلته . وقسم بالله مو مجامله ولا معرفه بينا . المهم طيحت اللي بخاطري وخلاص ههههههههه

الله يسلمك وذي شهادة اعتز فيها وربي يوفقك واشوفك بعد التخرج زميل ان شاء الله .

وبكذا اخواني حان وقت التحضير اسمحولي وارجع لكم الاسبوع الجاي . ويمكن ارجع لكم بكره

الله واعلم تحيآتي ودعواتكم ماانحجز .

شامل دورة الأمن العام من التسجيل للتخرج ...}

إستفسارات ونتائج الوظائف العسكرية

السلام عليكم ورحمة الله وبركاته طبعاً كل سنه يسجلون مجموعة كبيره في الأمن العام ويجلسون في حوسه يبون المعلومات عنه عشان كذا حبيت اكتب ذا الموضوع شامل...

شامل دورة الأمن العام من التسجيل للتخرج ...}

تسجيل الدخول

شامل دورة الأمن العام من التسجيل للتخرج ...}

إستفسارات ونتائج الوظائف العسكرية

السلام عليكم ورحمة الله وبركاته طبعاً كل سنه يسجلون مجموعة كبيره في الأمن العام ويجلسون في حوسه يبون المعلومات عنه عشان كذا حبيت اكتب ذا الموضوع شامل...

شامل دورة الأمن العام من التسجيل للتخرج ...}