تحية طيبة اخواني

قبل اربع سنوات ونصف
في يوم من الايام اشتدت بي الحاجة الجيب فاضي و الحال تصعب يوم بعد يوم
دورت على وظيفة الابواب كلها مسكرة قدامي فكرت اسوي مشروع فلوس ماعندي
فكرت في طريقة قلت عندي سيارة ليش ما اترزق الله عليها خاصة ان منطقتي فيها
نقص في سيارات التكاسي وكنت اشوف الهنود مسكين الشغلة لا حسيب ولا رقيب
قلت الشغلة مافيها عيب بس المشكلة في المرور مخالفة وحطيت في راسي ان
النظام سايب الشغلة ولا يحاسب عليها لانه الهنود يتكسون بالسيارات العائلية
ولا حد جايب خبرهم لا مرور ولا كفيل عرفت الشغلة وقررت اخوض في المغامرة
كنت ما اعرف اماكن الركاب وكنت اضيع وقت بس ابغا اثبت لنفسي اني سويت الي عليه
والباقي على الله بعد كم يوم عرفت السر في الشغلة ان الركاب يتواجدون بشكل كبير
امام الشقق المفروشه بعدها قمت اطلع في اليوم 150 ريال و تعاقدت مع ناس
اتفاق شفوي اني اوصلهم للمؤسسة ويحاسبوني على كل يوم من 50 الى 100 ريال
احلوت الشغلة

هنا بداية القصة الجريمة

يوم من الايام ركبت هندي معاي صديق كيسا هي انا اعرف اشوية هندي
قال اتشا هي
قام يضحك قال تعرف هندي قلت له توره توره قال كويس
قلت له انت طالع وين قال انا طالع ادور على وظيفة قلت شلون كيف قال ادور على وظيفة
قلت له كيا كم كرتا هي هذي جملة هندية يعني وين تشتغل قال انا درايفر قلت له شلون سواق يعني
قال انا سواق خاص جيت من الهند كفلني سعودي وقالي روح دورلك على وظيفة
اهم شيئ انك تجيب لي 200 ريال في الشهر الهندي قالي الحين انا ادور على وظيفة
خابر لي شركة قلت له وكنت امزح معاه طيب كم الراتب الي تبيه
تتوقعون كم قال

قالي ابغا 3000 ريال اذا حصل اذا مافي حصل 2000 ريال مافي مشكل انا قلت له وش عندك شهادة
قال انا اشتغلت من قبل في محل كنت استلم 800 ريال بس الحين انا فيزا حره ادور على شركات
قلت له انت مجنون تحصل على 3000 السعودي مايحصلها كيف انت تحصلها
تدري ان اخوي يدور على وظيفة 2000 ريال ماحصل انت تجي من غير شهادات تبغا 3000 ريال

خلونا صريحين اذا مكتب العمل بيوقف العمالة باقي السعوديين الي مايفهمون
الي يكفلون مقابل 200 ريال
وش الحل معاهم متى يبوقفوا عن الشغله هذي

تدرون انا مستغرب بنغالي يجي ما عنده رخصة يجي فيزته سواق وهو ماعنده رخصة
ولا عمرة ساق سيارة و الاقرب من هذا انه يجي و يصير له في المملكة ثلاث سنوات ولا عنده رخصة
ليش ما يطلع رخصة اذا كان سواق

المفروض ان الدولة تجبرهم انهم يطلعون رخص كشرط من شروط استقدام السواقين علشان
يحدون من هذه المهزله