السلام عليكم ورحمة الله وبركاته

قبلوني في مشروع قلاب بس واجهتني اسئله ماعرفها الله يجزاكم خير ساعدوني

1-المنتج 2-السعر 3-البيع 4-شريحة الزبائن 5- السوق المستهدف 6- المنافسين

ماليه::
1-سيوله نقديه 2- ارباح وخسائر3- قيود محاسبه 4- اخرى اذكرها

فنيه:: يرجى الشرح

هل هناك نقاط اخرى ترغب في الاستشاره عنها ولم تذكر ضمن النقاط اعلاه؟؟

مااحد يقدر يفيدك في اي شي من اللي ذكرتــه ..


لان كل شي يختلف عن الثااني ، يعني إنت مقدم على مشروع قلاب حتى ماتعرف سعـره ؟؟؟ ولا تعرف اي شي ثاني عنه ؟؟؟؟؟؟


اللي ب اقوله لك ، هذي الاشياء تعتبـر دراسة جدوى .. ودراسة الجدوى اذا ماسويتهاا انت .. ماراح تنفعــك لو تيك جاهزه ، وحتى لو حصل ولقيت دراسة جدوى جاهزه .. وكتبتها ، تأكد مليون بالميه إنك اذا رحت لهم في المقابله ، ب تتوهق توهيقـه ماوراهااا .. لانك ماتعرف طبيعة المنطقه عندك .. ولا تعرف الاسعار ، ولا تعرف الشركات ولا تعررررررف ولا شي .. لان كل اللي تعرفه مجرد ارقام من الدراسه السابقه اللي نقلتها لهم ..


بالتووفيق ~

يا سلام نجاوب وين السؤال ايه مشروع قلاب

ان شاء الله تلقى الجواب من اصحاب التجربة

عادي عبيها انت بنفسك

اكتب اشياء بسيطة وتمشي ماعليك مايدققون ابد بس يبون يشوفون معلوماتك عن الشغله بشكل عام


مثلا
1-المنتج .. مياه صالحة للشرب ******** ماني عارف اذا هذا قصدك بالقلاب


2-السعر : سعرتنافسي ومقارب لسعر السوق = 50 ريال مثلاااا على حسب السعر المعروف

3-البيع : بارباح بسيطة تصل الى ........ 5 ريال مثلا

4-شريحة الزبائن ........... لاصحاب البيوت السكنية مثلااااااااا

5- السوق المستهدف ............ اكتب اسم الحي او المدينة او اي شئ

6- المنافسين ................. مؤسسات تجارية او بعض العمال الاجانب ... مثلاااااااااا

ماليه::
1-سيوله نقديه ........ 5 الاف مثلااااااااااا

2- ارباح وخسائر .................. الارباح الشهرية تصل الى 3 الاف ... احتمال الخسارة تصل الى الفين مثلا

3- قيود محاسبه .......... محاسبة اسبوعية ... مع الانتباه لعدم تعرض السيولة للنقص وعدم تعرض راس المال للتلف مثلا

4- اخرى اذكرها ........... اذكر اي شئ ناقص اي شئ عادي



ــــــــــــــ

زي ماقلت لك عبيها بنفسك ولاتتفلسف كثير ... اكتب اللي بخاطرك وتأكد ان نص الدراسة مابيطلعون عليه اهم شئ راس المال والسلعة وشريحة الزبائن والمنافسين بس

وش المشروع أصلاً ؟؟؟؟؟؟

مشروع قلاب اول مره اسمع بهالمشروع

عندنا القلاب يعني ......تريلا حقت الرمل

موفق بإذن الله ... لك مني أجمل تحية .