والله ونا اخوك النفسيه ذي عامه على اكثر الشعب السعودي مدري وش الهرجه
انا كنت شغال في احد المنتجعات السياحيه حارس امن سكرتي
واشوف تعامل الناس وربي اني اقدر احلف ان 80>بالميه نفسيه داخليه ضغوطات مدري وش الهرجه
وبعدين من ناحيتك تراى بس فترت البطاله وبعدين تنزاح تعتبر ذي شحنات ماتعتبر نفسيه
عندي عم متخرج له خمس سنوات السنتين الاولى معاناه والثلاث الثانيه نفسيه وشحنات شاده صح
اثرت عليه تئثير مو صاحي وذلحين نراجعبه مستشفى سليمان فقيه في جده
وحالته النفسيه متوتره مره
وكله بسبب البطاله البطاله البطاله البطاله البطاله
عمومن موفق وفالك الوفيق يارب
وحاول انك تندمج مع المجتمع اشتغل اي شغله حتى لو حارس امن املا فراغك لاتقعد مستسلم للبطاله والنفسيه والشحنات
خالط المجتمع

الله يعطيك العافية

أكيد العطاله والبطاله سبب وطريق للأمراض النفسيه

والحل : الدعاء في جوف الليل ( سهام الليل لا تخطئ )

والله تعالى يستحى من عبده إذا رفع يديه يناجيه

والإكثار من الإستغفار في كل وقت

\

الله يرزقني ويرزقك والجميع يااااااارب

ويغنينا بحلاله عن حرامه وبفضله عمن سواه

الله المستعان تعبنا من جلسة البيت والمسؤولين ماعندهم حل لنا
مافي شك جلسة البيت تغير النفسية بس لازم نكون مؤمنين بإن الامربيد الله وحده وليس عليناسوى بذل الاسباب
الله يكون بعون العاطلين ويرزقهم من واسع فضله
استغفرالله العظيم الذي لا اله الاهو الحي القيوم واتوب اليه

السلام عليكم

الظاهر هذي أول مشاركه في موضوعك << وش عنده

المهم .. وغير المهم مانبي .. أنا أعرفلك ناس نفس تخصصك بالضبط تصور كم قعدوا حتى يتوظفوا .. أنا أقلك .. سبع سنين وبالاخير توظفوا .. طبعا مااقول الكلام هذا أحطمك زياده .. لا لا .. بالعكس أحثك إنك تبدع في شي معين اللين يفرجها ربك .. مثلا .. إذا ماعندك شهادة حاسب icdl على سبيل المثال لا الحصر وش يمنع تاخذها وتزيد رصيد نقاطك .. تعلم شي جديد .. خذ دورات تطورك وتدعمك .. صدقني شهور قليله وتتغير 180 درجه باذن الله .. .. أما ناحية النفسيه وماالنفسيه .. هذي دواها موجود ومجرب ترى إنك تفوض أمرك لربك وتقوي أملك به وتعرف إنه ماراح يتخلى عنك .. بس المسأله مسألة وقت !! .. والرجل يبرز بصبره وقوة تحمله .. صدقني صبرك هذا راح يخدمك كثير بعدين .. المهم ما أطول الهذره لوني طولتها لكن تحملني شوي .. والله يوفقك دنيا وآخره