تسجيل الدخول
|
|||||||
تأسس الموقع عام
2006
Site was established in 2006
|
|||||||
| موضوع مغلق |
|
|
LinkBack | أدوات الموضوع | انواع عرض الموضوع |
16-09-2007, 12:21 AM
|
|||
|
|||
|
شاب عاطل يدور وظيفه...مضحكه محزنه
قصيده رائعه كتبها أحد الشباب مضحكه محزنه أعجبتني فنقلتها وش عاد يا دار ٍ بها صار ( ***** ) *** و في مكتب التوظيف سوسن و ميسون ! مديرهم مدحت و نائبْته نسرين *** و على الرسبشن حمّص و فول و زيتون ! كل ما اتصلت اسمع ( ألو مرحبا مين ؟ *** بدّك وظيفه ؟ .. مين دلّك على هون ؟ ) اقول انا لي اتصل صار شهرين *** و انتوا وعدتوني متى بس توفون ؟ اسمي ( مواطن ) ( جامعي ) طيب و زين *** كني ابخطب عندكم و اتّغلون ! عندي شهاده طايحه بجبدي سنين *** عشش عليها شي له ستة عيون !! لو للشهاده لسان قالت ( على وين *** ناوي توديني .. تلف فيني الكون ؟ ) من كثر ما صورتها غارق بدين *** للهندي راعي المطبعه صرت مديون لا ليلي ليل ولا نهاري نوى يبين *** دقيت راسي لين ما صرت مينون ! مطلوب خبره عالأقل في مجالين *** ولا تجينا بواسطه و سير مدهون ! ولا انثبر في بيتك .. افرك بكفين *** يومك يشابه امسك و عيش مغبون تعدادنا ويّاهم اربع ملايين *** و اهل البلد للحين ما صاروا مليون !! ويلاه من باكر اذا وضعنا الحين *** و احنا اقل من الربع حالنا شجون ! و اللي ابتسم له حظه والله مسكين *** حصّل وظيفه .. بس في وين .. تدرون ؟ ساكن في راس الخيمه حطوه في العين *** و اللي سكن في الذيد في السلع مدفون ! يشوف اهله بس في الأسبوع يومين *** و اذا حسبتوا الدرب كم ساعه .. تبكون يعني في كل احواله ذاق الأمرين *** شغّال محزون و بلا شغل محزون و الأجبني اللي راتبه فوق عشرين *** فله و سياره و تذاكر .. و طاعون عنده بدل كل شي عالراتب ألفين *** حتى بدل معجون اسنان و صابون ! و من بعد ما يجمع من بلادي فلسين *** و يربّي من القعده على الكرسي بطون و يصير في بلاده غني و عنده برجين *** يرحل و هو جاحد .. و كم مثله ملعون ! و حتى الجماعه قوم مدحت و نسرين *** مردّهم لبلادهم لو يطولون يرضون بشوية دراهم .. و شفتين *** صبح و عصر .. لو حتى في الليل يرضون بس لو سمعتوا همسهم بينهم بين *** وسط القهاوي يلعنون و يسبون ! لا تحسبوني عنصري .. كلنا طين *** و الخل لو عاتب محبينه يمون داري و انا اولى بها من الغريبين *** ما يوصلون لحبها لو يموتون و ( الأقربون أولى ) .. كلام ٍ من الدين *** ما جبته من شعري مع الهام و ظنون ولد البلد ما يبغي لبلاده الشين *** بالروح بالدم يفتديها ولا يخون لكن سؤاله يوم قلتوا له ( ***** ) *** يا كيف بيد الغرب توظيفه يكون ؟؟!! شعارهم معروف ( راجعنا بعدين ) *** و باين من التأجيل .. انهم يخافون اذا معك خبره .. يا اهلين و سهلين *** و اذا شهاده بس .. عنك يصدون ما عندنا شاغر .. و بطلنا تعيين *** ولو تحرق الهاتف ترى ما يردون ! من وين اجيب الخبره ؟ من وين من وين ؟ *** دام الوظيفه عند سوسن و ميسون ! عندي بمطبخ بيتنا خبره سنتين ! *** تنفع اذا صاروا المطاعم يوطنون ؟؟! ولا اهاجر و آخذ الخبره في الصين ؟ *** صح العيون صغار .. لكن يقدْرون سؤال يا دار ٍ ..صراحه بترضين ؟ *** اني اسافر و اطلب الغرب لي عون ؟ و سؤال يا ناس ٍ على الراس و العين *** صدق الوظايف واسطه و سير مدهون ؟ اما الجواب الشافي يجيني الحين *** او هاتوا تأشيره .. اذا كنتوا ترضون منــــــــقول والله مانرضى ياولد البلد الله يرزقه ويسعده رائع |
|
16-09-2007, 12:40 AM
|
||||
|
||||
|
صح لسانك |
|
16-09-2007, 12:51 AM
|
|||
|
|||
|
صح لسانه ولسانك |
|
16-09-2007, 06:06 AM
|
||||
|
||||
|
|
|
16-09-2007, 06:30 AM
|
||||
|
||||
|
روووووووعة بصراحة روعة...ياربي عن قريب جدا مدحت وميسون يرجعون لبلادهم.. والله ذبحون حارمينا من الوظائف ومستحلينها.. ويحتقرونا.. ويقولون عنا ناس فاضين.. |
|
16-09-2007, 06:31 AM
|
||||
|
||||
|
وجزاك الله خير |
|
16-09-2007, 10:52 AM
|
|||
|
|||
|
|
|
16-09-2007, 10:54 AM
|
|||
|
|||
|
|
|
16-09-2007, 10:56 AM
|
|||
|
|||
|
|
|
16-09-2007, 10:59 AM
|
|||
|
|||
|
|
| موضوع مغلق |
|
(( لا تنسى ذكر الله )) |
|
|
| أدوات الموضوع | |
| انواع عرض الموضوع | |
|
|
((أنتواشعب تافه
العرض العادي
