السلام عليكم ورحمة الله وبركاته

اخواني اعضاء المنتدى الاعزاء

اعتقد اني ثقلت عليكم كل يوم جاي معي بفكرة بس انها ماتكون موفقة

موضوعي اليووم غريب جدا لكم لكن راح اقلكم ايش صا رمعي

في احد الايام وانا تجول في منتدى عقاري نزلت موضوع عن كيفية الاستثمار الزراعي في السودان فبعد يومين حصلت رسالة خاصة وفتحتها ووجدتها من شخص سوداني اي انه مهندس زراعي ومستشار زراعي فقال لي انا عندي الارض اللي تبيها وهي بجنب نهر النيل ومساحتها 125 فدان قالي وش تحب تزرعها قلت ابغى ازرعها شعير قال لي حلو وخاصة ان السودان ارض خصبة للزراعة وقال انا راح اساعدك في السودان واقدر اجيب لك الاوراق الخاصة بالاستثمار
من الحكوومة السودانية واخلصها لك هعشان تبدا المشرووع
المهم الرجال قال لي
انت تقدر تاخد قرض من البنك الزراعي السعودي وتبدا فيه مشرووعك بالسودان
قال اذا حبيت انا راح اجيب لك الاوراق اللازمة عشان تقدمها للبنك ودراسة الجدوى كمان

طب ياخواني هل البنك يعطي قرووض للاستثمار الزراعي في الخارج وياليت تعطوني موقع البنك الزراعي السعودي

على فكرة الشخص السوداني ذا طلع معرووف عندي وتكلمنا كثير حيث ان اهله كانو جيران لنا قبل 15 سنة وسبحان الله كانت صدفة حلووة

اخوي قبل ما تقدم على اي امر عليك باستشارة الملحق التجاري بسفارة المملكة بالسودان

ويكون في علمك كثير من السعوديين للأسف دخلوا في مشاريع استثمار زراعي في السودان ما نابهم إلا الديون وقليل منهم اللي نجحوا ويبي لك تسأل اي احد بالسفارة او سبق له الإستثمار في السودان

اهم شي طبيعة القوانين وكذلك الضرائب انتبه للموضوع هذا لا يتحمل المشروع ديون وبعدها تسحب منك ألأراضي ويبقى عليك الدين

انتبه انتبه انتبه من هذا الموضوع

اولا استشر ناس لهم باع في هذا المجال

مع اني اشوف لو تستثمر في السعودية اوفر لك وأضمن لك وآمن لك وقريب منك بدل هالمشوار وش الي بيوديك للسودان خاصه مع الاحداث الاخيرة وضعف الامن

عندك الجنوب بصفة عامة اراضيها زراعية

اعرف شخصين واحد جاه سوداني وشرح له وقال له الكلام المعسل وراح واستثمر وحصل قيود بعد مابدى العمل ومشاكل مالها اول ولا تالي وسكر مزرعته وجاء للسعودية ولعن اليوم الى راح فيه للسودان وكل كلامه انهم حرامية الخ

والشخص الثاني راح للسودان لان عنده شركة مقاولات وعنده معدات ومشارك مع عدة شركات في بناء مطار اتوقع مطار الخرطوم قبل اربع سنوات او خمس
وكل فتره يروح يرجع للسعودية ويجلس اسبوعين وبعده يروح يشوف معداته والعمل
وهو يروح ويرجع جت له فكرة انه يسوى مزرعة اغنام خصوصا ان العلف متوفر
وفعلا عمل مزرعة مواشي وماشية مليوم بالمية الرجال الان يفكر يتكرت المقاولات ويبيع على قطر والكويت ومرتاح للاخر ويبيع للسعودية مذبوح

فما تدري يا اخي السودان حظ يمكن تظبط معك ويمكن تخيب
ولكن هنا وادي الدواسر يذكر لي شخص من منطقة وادي الدواسر يقول عندنا مزارع وماء متوفر بكل مكان وشرح لي ان فيه مزارع للايجار مع معداتها بسعر 50 الف مزارع رودس
يعني خلك هنا احسن وبالتوفيق

أنا من رأيي إنوا التخطيط الصحيح هو سبب النجاح - طبعاً بعد توفق الله - يعني بالله كيف المقيمين عندنا نجحوا في التجارة وكمان المستثمرين الأجانب وإحنا بس نحبط في بعض ما راح تنجح حتى لو واحد حط موضوع إنوا بيسوي شيء هنا يحصل المحبطين .
خطط تمام وسوي دراسة جدوى ممتازة وتوكل على الله . فيه تجار يستثمروا موا في السودان يستثمروا في أثيوبيا والصومال وهي أقل من الناحية الأمنية من السودان وكمان الإمكانات عندهم أقل من السودان .
إذا لك تجارب في التجارة توكل على الله أما لو كانت أول تجربة خليها شوي وجرب أي شيء هنا وأصبر كم سنة وتعلم البيع والشراء وبعدين سوي المزرعة حق السودان .

موفق بإذن الله ... لك مني أجمل تحية .