اتفق مع الاخوان والاخوات

اتمنى لك التوفيق

زبدة كلام الزملاء هو الأتي:

مشكورين الله يعطيكم العافية
في كتاب قريته في النت اسمه التسويق دون استحياء يقول فيه اذا سوقت على مية ووافق على عرضك عشرة فانت ربحان
وانا ما عندي مانع اسوق على عشرة ويوافق واحد
لكن اخاف ان الواحد هذا ما يكون الا رقم عشرة !!
وانا نفسي قصير والمثبطين كثر
وبالنسبة اني اعرف مدرسة وادخل عن طريقها ممكن مدرسة او ثنتين
لكن مهيب معقوله ان كل مدرسة اعرف فيها معلمة
وحدة من زميلاتي مدرسة ويوم عرضت عليها المشروع قالت ان فيه عندنا وحدة متخصصه في تصنيع القهوة
ويعطونها ثلاثة الاف كل شهر
طيب انا لو بصلح لاي مدرسة ترمس قهوة بميتين وخمسين في الشهر الثلاثة الاف بتصلح لهم 12 ترمس !!
يعني انا اشوف ان هالسعر مناسب

انا اقول انهم ممكن خايفين
وممكن شبعانين قهوة!
وفي كل حال الله يفتحها في وجهي ووجيه الطيبين
والله ياهي انسدت نفسي بالحيل ومعنوياتي بالحضيض
الا وش رايكم اسويها بكرة والا انام احسن لي !

انتي حاولي تتعرفين على مدرسه ثقه وحليله
وكلميها قولي انك بتترزقين الله وبيك سبب
ابجيب قهوتي وخلي المدرسات يشربونها ويجربونها واذا مشي الحال ادلي اجيبها لكم برسوم كل شهر مبلغ معين
والله يسهل امورك يااارب

سجلت دخول علشان عيونك

اذا المدرسة حكومية غالبا فيها خالات هم يسوون القهوه

علشان كذا الحلا حبوه

واذا مدرسه اهلية فلا ترجين فيهم خير لان المعلمات فيها غالبا

ماديتهم ماهي قد كذا

ختي مسكاوية

شي طبيعي يرفضون القهوه اي شي غير معروف المصدر مرفوض عند الجميع

ولكن قبل ماتسوين القهوه روحي للمعلمات وسلمي عليهم وعرفي بنفسكي وعرضي خدماتكي عليهم وذا كان تعرفين معلمة في مدرسة ابدي منها وهي بدورها تعرف بكي وتزكيك وخلي اول قهوة مجاني للتجربه وحتى لواقتصر شغلك في البداية على مدرسة واحده حتي تشتهرين مافيه مشكلة

اي شغلة في البداية تكون صعبه وتركي عنك الحيا اشغل ليس عيب

اتمنى ان تستفيدي من نصائحي المتواضعه

طيب بما انك تستحين وما تقدرين تتكلمين


سوي اعلان مطبوع في مكتبه زينه ويكون شكله ملفت

ووزعيه في المدارس او دوريلك وحده مصريه توزعه وتسوق لك كبدايه واعطيها اجرتها واتوكلي على الله



الله يوفقك ويفتحها بوجهك ياااارب ^_^


امييييين

أي شيء مشروب خطير

يمكن فيه سحر


لازم تعلني لنفسك عن طريق وحدة



الله يوفقك

[align=center][/align]شوفي اختي لازم تحطين نفسك مكان الزبون
لو انتي جتك ترامس قهوة من مصدر مجهول ما أظن راح تثقين فيه-
لكن لو جت من طرف احد معروف وموثوق فيه راح ترتاحين له
انا هذي وجهة نظري -
ولو تشوفين الممرضات في المستوصفات ومدارس البنين لأن مدارس البنات غالبا ما يتفقن المدرسات مع المستخدمة لتصليح القهوة والفطور بمبلغ كل شهر-
وموفقة

طيب انا اقترح عليك اذا انتي تعرفين تطبخين وتعرفين لاانواع الاكل الشامي والاكلات الشعبيه
اكتبي بورقه قائمه الاكلات وبااسعارهم ورقم جوالك ودزيها على المدارس اتوقع انها بتنجح اكثر من القهوه والشاهي