موفقه بإذن الله ... لك مني أجمل تحية .

أنا رأيي من رأي أخواني وأخواتي اللي سبقوني ..

ثقي بأن الله معاك وافعلي بالاسباب ،
وأوافق مارشيملو في هالنقطة .. لازم توزعينها على مدارس الأولاد والمستوصفات
لأن المدرسات غالبا ما يجيبون قهوتهم معاهم بحكم تجربتي أيام التطبيق ..

الله يوفقك ويبارك لك في فكرك ورزقك ..

انا رأيي من رأي الاخوات والأخوان

انتي لازم تروحي بنفسك للمدرسه
وتعرفيهم على نفسك وانك على استعداد تسوي لهم قهوتهم
كل صباح ...وشوفي كيف ردهم عليك..
اتوقع اذا شافوك وهم محتاجينك بيطلبون منك سواء القهوه او حلا
او اي شي يؤكل (تعرفين الحريم يحبون الاكل بالجمعات)

موفق بإذن الله ... لك مني أجمل تحية .

الاخوان والاخوات ماقصرووو في كلامهم وحماسهم لموضوعك

اتمنى انك تواصلين محاولاتك اليوم رفضوك وبكره نفس الشي لكن بعده راح يقبلون بيك

دعواتي لك بالنجاح ف مشرووعك الصغير

واتمنى من ربي انه يفتحها لك

والله يوفقك

وداعواتي لك

اخوك

هدووءءءء

ماشالله عليك

اهنيك على شجاعتك ومبادرتك لتنفيذ الفككرة اللي اعجبتك وناسبتك

ياليت تحاولين تقلبين على مدارس البنين

هم احوج لأن الفراشين عندهم اتوقع ما يضبطوا القهوة

وخلي اخوك يدبر اموره معهم

وخلينا نقرأ عن تجربته هو بالتسويق المباشر وعدم الاكتفاء بالتوصيل فقط ههه

الله يرزقك من اوسع ابوابه يارب

اختي بس فيه تعليق بسيط
فيه شي يسمى بالتسويق الداتا بالعربي قائمة تحتوي على اسماء وارقام وايميلات العملاء
يعني تكلمين كل مدرسة بالتلفون وتعرضين خدماتك اذا وافقو تروحين وتعرفينهم بنفسك
علشان يرتاحون لك ...
ما أعتقد احد يبي يشرب قهوة مايعرف من وين يمكن حاط فيها حاجه
وضحة الصورة

الله يبارك فيكم كل ابابيكم
والله ما قصرتوا يابعد كل المنتديات
صراحة كلامكم واقعي
والمفروض اني اروح للمدرسة بنفسي واكلمهم وجها لوجه
لكن يا حسافة القهوة

واليوم اخذت رقم المدرسة قلت ابعرف ويش اللي صار
وكلمت وحده من المدرسات وسالتها
قالت خذنا ورقة الدعاية وصورناها ووزعناها بينا
قلت ليش ما شربتوا القهوة
قالت :انا صايمين الله يتقبل
يعني حاولت تصرفني
بغيت اتهور واسألها : اجل افطرتوا على التمر والكيك
لكني مسكت نفسي في اللحظة الاخيرة

المبشر في الامر اني بديت ادور على طرق التسويق الناجح في النت
وبديت اتعلم
لقيت مدونة اسمها شبايك مختصة بهالشئ وممتازة جدا
ومواقع كثيرة مفيدة اتمنى استفيد منها

الشئ الثاني بديت اسوق القهوة المطحونة
يعني العوض ولا القطيعة
وعرضتها على وحده من جيراني وجتني طلبية محترمة
والحمدلله هذي فاتحة خير

يمكن احول المشروع الى مؤسسة (قهوة امي )لكل ما يختص بالقهوة


وانتظرونا