السلام عليكم
ياجماعة ضروري الله يرضى عليكم ابي اعرف وين مكان مركز خدمة المجتمع التابع لجامعة الامام اللي بالنفل ..
اليوم طلعت من الساعة 3:30 العصر ومارجعت الا 6:30 لمقر الجامعة اللي على طريق عثمان مخرج 7 اعتقد ودجت لحد مادخت في النهاية قالو الدبلومات مو عندنا بالنفل او بالملز اعطاني موظف رقم اتصلت عليه قالت الموظفة ماعرف شيء ولا عندي خبر قلت طيب رقم المركز قالت ماعرفه ؟؟بعدها رحت للنفل مخرج 6 دجت ليما تعبت ماحصلت شيء بعدها رحت للملز ودخت على بال ماحصلتها (انا معاي السواق وهو جديد يدربي راسه ) في النهاية قالو مو عندنا احنا عندنا دبلوم ست شهور بس لكن السنتين بالنفل ؟؟!! قلت توني جايه من هناك قالو هنا ؟!! طبعا انسو انهم يردون على تلفونات قلت اعطوني رقمهم المباشر ولا كروكي قالو مانعرفه ولا لنا علاقة فيهم اخر شيء قالت اذا تبين امورك تسلك خلي رجال يكلمهم الامام كذا تعاملهم مع الرجال اسهل واسرع ؟؟! قلت وش اسوي مامعاي الا السواق ومايعرف شيء والتسجيل بينتهي يوم الثلاثاء والمشكله اني حولت لهم المبلغ كامل يعني لو انتهى التسجيل راحت علي قروشي 5000 ريال اخذوها مقدما عن ترم واحد بس يعني الدبلوم كله 20000 ريال؟؟
---
ترا مدري وين احط الموضوع قلت يمكن هنا بس الله يرحم والديكم دلوني على المكان بسرعة

الله يجزاك الجنة ويرزقك من حيث لاتحتسب

وياك يارب .. موفقه اختي