بسم الله الرحمن الرحيم
السلام عليكم ورحمة الله وبركاته 00 كيفكم ان شاء الله تمام اولا اتمنى من المراقبين مايحذفو موضوعي لاني للاسف ماراح اتكلم عن الاجانب ومضايقتهم لي في العمل--المضايقه والله جت من عيال ديرتي للاسف ((السعوديين)))وياكثر ماصحت ونحت عندكم هنا لان مالي بعد الله الا انتم وياكثر مواضيع هموم عذرى وبلاويها بدوامها00ثانيا سوري ع العنوان بس قلت يابنت مافيه الاهذا العنوان
وربي يابهذلوني وطلعو ريحتي ولعنبو دارهم كنهم يعطوني الراتب من جيوبهم--وبحاول اذكر مقتطقات من اول ماجيت الدوام الى يومي هذا وياريت تبردون قليبي بردوددكم الله يبردكم من ماء الجنه000

طبعا الوظيفه اول مادشيتها للحاجه الله لايحوجكم واللقمه الحلال اللي مالها مكان هالايام -- ويوم كنت مقدمه ع الوظيفه كانو باامس الحاجه لموظفه تشغل هذا القسم عشان كذا ع طول قبلوني وفي نفس اللحظه اللي وقع المدير ورقة قبلولي فيها كان مساعد المدير جايب وحده من جماعته عاد توهقو مايمديهم يلغون الطلبوالنذل مساعد المدير من كثر حقده علي وربي ماخلاني بحالي ومخلى طريقه لمضايقتي الا سواها وانا صابره واقول يابنت الحلال بتفرج بكره بس كل يوم تصير اسوى واسوى--والمدير بنفسه الله لايوفقه ولايفتحها بوجهه وظلمني الله ياجعلي اشوف حوبتي ماتعداه((واذا جيت ادافع عن نفسي مايعطوني فرصه))وقلبو الطاوله علي وخلو اللي مايعرفني عرفني من كثر ماقطعونياقسم برب البيت اني اروح الدوام والنفسيه زفت والصدر ضايق وبالليل الناس تنام وانا ابكي وادعي ربي انه يشغلهم بنفسهم عني لاني بروح ومدري ايش اللي بيصادفني من مشاكل وايش بيطلعون علي --ومدير الشوؤن حدث ولا حرج كل شوي داق علي خير وش يبي هذا لكن من حسن حضي اني ططلعت شريحه خاصه للعمل ومااستخدمت رقمي الاساسي لاناول ماداومت ع طول قالو عطينا رقمك وانا ماارتحت لهم قلت وش هوله الرقم اولا وظيفتي ماتستاهل انهم ياخذون رقمي ثانيا الدوام وفيه تلفون يعني حتى لو بغوني خارج وقت الدوام مو لازم يكون الو وبالدوام مثل ماقلت لكم الله يعز الحكومه وفرت التلفونات وقلت اذا اضطريتو واحتجتوني مسويه مهمه البنت قلت رقم ابويه خذوه يعني وسيله الاتصال بينا موجوده عاد قالو معقوله بنت ماعندها جوال قلت انا المهم بعد يومين الا اعطيهم هاك الرقم-- بس لان للاسف بنظرهم طلعت فاشله وماعطيتهم وجه قالو لازم نكنسلها دام ماتنفعنا لا وكله بكوم وواحد من المراقبين بكوم طبعا انا حتى يوم الجمعه دوام ويكون المستشفى شبه فاضي ((بمحافظه صعنونه انا)) عشان كذا قليل الناس في هااليوم والموظفين معدومين لا حراس امن ولا مراقبين الا اذا بغو شي او غلطه تجيبهم المهم هاك المراقب يتصل ويقوم يتغزل ومن هاالكلام ايش رايك نطلع نتمشى ومو ماكلك انا ايه هين بس بيناظر بخشتي هذا وانا اكرشهم اخل لو اعطيهم الريق الحلوالعاملات اللي انا مسئوله عنهم طبعا بنقاليات وربي صارت هن المسئولات عني وكل ماقلت سنعونهن ماحولي احد واذا مااشتغلن جات المصيبه علي انا __ لدرجه صرت اشك انهم هم اللي يحرضونهن علي لتطفيشي
ومن سوالفهم بعد الحلوه لي دايم يكتبون محاضر وانا مدري عنها لولا وكالة يقلون والجواسيس اللي تنقل الهرج ومن هذا القبيل ومره يقلون ماتداوم وتطلع بدري خير ان شاء الله هذا وابوي ولا اخوي برسم الخدمه يوديني ويجيبني

اما غيري وربي الدوام ساعتين ومع الباب ولا يجون ونيام بس مرضي عنهم ماشاء الله ومعطينهن الحريه وراتب اخر الشهر وهن مبسوطات ولا احد يقولهم ثلث الثلاثه كم؟؟؟ لنا الله بس عاد اخر سالفه صارت لي وهي اليوم اني قدمت ع اجازه اسبوع على بال مااستلم راتبي واشرد لابوها من وظيفه ماعاد اقدر استحمل الاذلال((بليز اللي بيقول مو مجبوره ماحد يدري عن ظروفي الا الله سبحانه وتعالى)) وادور لقمه الحلال اللي صارت حتى علي ثقيله استغفر الله العظيم 00المهم ع اساس يوم قدمتها ع المسؤوله علينا قالت خلاص مافيه مشكله ويوم بديت بيوم السبت الا يوم الاحد اللي الساعه 10 بالليل دازه مسج ((خطاب الاجازه رفض لعدم وجود رصيد.يرجى الحضور))لاياشيخه احلفي تيب افرضي اني مو بالديره مع اني قايله للها اني بسافر وشارحه لها ظرفي بس ع طول مساعد المدير الكلب قالها اجي للدوام((نسيت ايوه وعطوني انذار اذا غبت بدون انذار ع طول فصل )) حسبي الله عليكم حتى العيد ماعطتوني اجازه وكتبتو غياب باايام رمضان والعيد(( المهم وانا اوقع الانذار الا ومعاه ملف وحده وع اساس بيقدملها وظيفه وافهم يافهيم يعني بلا شك هذي البديله حقتي والله لايحللهم والله ياخذ حقي منهم

اما الاجنبي مديرنا والمسئول عنا(( المفروض طبعا مصري الجنسيه للامانه وربي ماجاء منه شي الا كل خير بس اللي يقهر ضعيف شخصيه وخبيل واذا قلت له شي ماعنده الا كلمتين ماشي اهم حاقه مش عايزين حد يشتكي)) تعبت من الكتابه ياحلوين وربي لو اقول الباقي من خبايا ماتصدقون بس ان شاء الله القى فرصه واكمل لكم

بس اللي حبيت اقوله ان مضايقتي جت من السعوديين مو الاجانب


وللحدددددددددددديث بقيه



سبحانك اللهم اني كنت من الظالمين

تكفووووووووووووووون يامشرفين لا تقلون المكان غيرمناسب لاني والله تعبت وانا اكتب بليززززززززززز