قهر أذا واحد شاد حيله طول سنين وجايب كل قوووته عشان يجيب نسبه محترمه عشان يقدر يدخل الجامعه ويكمل حلمه .....
بس تندم لما تشووووف والووواقع غير بكثير !!!
والله والله يشباب إن كل يوم ودي أموووت قهر بسبب اللي شفته من ظلم وعدم تثمين القدرات اللي عندنا ويبووون من الشباب عباقره ومفكرين وهم اذا موووواساة وعدل مافيه
انا قصتي ... خريج السنه هذي 1431 وجايب نسبببببببه زي الحلاوه 99 %
وقدمت بكل الجامعات ولا قبلتني ولا جامعه تصووووورو وجايب تحصيلي 63 وقياس 59
مع العلم إني مقدم على كل الجامعات والبعثات بس مافي نصيب واخيراً قبلتني جامعة الحدود الشماليه
وفرحت يعلم الله من قلبي فرررحه ماتتصووورونها وسووويت الفحص ورحة يمهم بس اللي صدمني يووم جيتهم قالولي مافي غير حااااسباااات والله ياني أنغبنت ونقهرت قهررررر بس قلتلهم انا رغباتي اللي مسجلها هندسه وصيدله قاااالووولي هذا الموووجود بالله مووو شي يقهررر
وانا من سكان الحدود الشماليه بس الله لايوووووفق كل ظالم والله يلعن الواسطات وساعتها ...
حسبي الله ونعم الوكيل،،،

الله يعينك اى والله مشكلة انت ونسبتك وماتنقبل بس نفسى اعرف ليش القياس والقدرات سيئة عندك رغم انك متفوق ؟؟؟؟

الله كريم

ربي يعينك اخوي بصدق شي يقهر

[align=center]
استخير + اكثر من الاستغفار + الصدقه

بعد العسر يسر هذا وعد من عند الله

لاتيئس حاول اكثر من مره

واذا مو حاب القسم سجل بدوره الترم هذاعشان تنفعك وتستفيد من وقتك ..

والترم الثاني حول لقسم ثاني واذا ماقدرت عسى بالامر خيره

الله يسهل امرك ويشرح صدرك ويوفقك يارب


[/align]

< يردد الله حي .. الله حي .. الله حي ~


الله يعينك .. ~

__________________
سبحان الله وبحمده

اذا انت رجال وطالع من ظهر رجال لا تسكت عن حقك
و
روح لم حقوق الانسان او روح لم جريده الرياض

حبايبي الكرام .. بعيد عن كلمة واسطة وظلم وتدوين شكوى ..
(أخوي أنت عارف مسبقا .. أن شرط القبول في الجامعات السعودية ليس بالنسبة الثانوية فقط بل بالقياس والتحصيلي يعني لو تحسب نسبتك ربما لاتتجاوز 82 !!
فبلغة العقل هل هذه النسبة مؤهلة لدخول تخصص علمي مطلوب كالهندسة والصيدلة؟
نتكلم بلغة الواقع ولاتزعل وأنا أخوك :
حاليا وفي ظل غياب أسئلة الوزارة كما عُمل سابقا أصبح الطلاب يتخرجون بنسب عالية جدا بوجود التساهل لذا من المستحيل أن يُقبل جميع الطلاب في التخصصات العلمية ,, لهذا وجد إختبارات القياس والتحصيلي ..
أمامك خياران ...
الأول : الإنتظار للترم الثاني ربما يحالفك التوفيق إن شاء الله وتختار التخصص المناسب لك .. خاصة لايوجد طلاب متخرجين ..
2- دخول كلية علمية فترة مؤقتة ترم واحد وأهم شي يجوز لك التحويل لتخصصك المرغوب..
نصيحة من واقع مجرب:
أخي الكريم ليس المهم أن تدخل تخصص علمي يُناسب تقدير ونسبة مؤهلك الدراسي , بل الأهم أن تختار تخصص يُناسب (ميولك وقدراتك )
لذا مادمتً متفرغا حاليا أنصحك بتصفح الخطط الدراسية لكليتي الهندسة والصيدلة وإستشارة أصحاب التخصص للوصول لنقطة مهمة (هل هي تُناسب قدراتي العلمية والعقلية؟) لكي لا تضيع عليك السنوات .......
أتمنى وصلت فكرتي.. والله يوفقك

لآ أملك غير الدعاء لك /
ربي يفتح عليك ابواب رحمته ويوفقك ويرزقك من حيث لاتحتسب وييسر لك امورك وامورنا يااارب .