الي عنده أي إستفسار عن مستشفى الحرس الوطني

الزيزفوني · #**311** (**permalink**) 06-05-2011, 02:06 PM

اقتباس:

المشاركة الأصلية كتبت بواسطة الورده الحالمه

اخوي زيزفون كل ماكتب يطيرمادري وش الهرجه
المهم ابي اسالك >>> تحملها

مستشفى الحرس بالدمام كيف التوظيف فيه ؟ يفتحون ملفاتنا والا ناس وناس والا واسطات

المهم انا قدمت ع الموقع في اخر اعلان نزل بالجريده يمكن بشهر 11 وقعدت شهر انتظر محد دق علي دقيت عليهم واسال وش صار على اعلانكم قدمت محد دق علي متى الاختبار>>مستعجله

قالت اي اعلان ؟!! قلتلها الاعلان حقكم ماتدرون عن الاعلاناتها اللي تنزل

قالت يمكن برياض معليش ماعندنا خبر

قلتلها الزبده تخصصي دبلوم سكرتاريه طبيه ونسخ طبي وابي اتوظف متى تختبروني >>تكتب قصتها

قالت تغير نظامنا حاليا اذا نزلت وظائف ندق عليكم تجون تختبرون هاتي رقم طلبك ودقي اسالي عن الوظائف الشاغره المهم انتظر محد طق لي خبر وش يبون فيني اكيد الفلبينيات احسن مني عيون مسحبه وخشم افطس

رجعت كلمتهم قالت انتي فلانه ياسلام تتذكرني قلتلها اي وش صار قالت باقي مافي وظائف اذا بتنزل بدق عليك ان شاءلله

.
دقت علي صديقتي الاسبوع اللي راح وقالت اختباري السبت

قلتلها متى نزلت وظائف قالت مدري

قلت الله يوفقك يارب ورجعت ادق عليهم

نزلت وظائف عندكم اداريه شاغره؟؟
قالت ارسلي السي في حقك ع الايميل ذا طيب وموقعكم اللي رازينه

؟؟ >> يستهبلون علينا

قلتلها طيب ورسلته قالت حاليا مافي وظائف اذا بتنزل بكلمك

اخوي وين المصداقيه بهالمستشفى نفسي اعرف

؟ والوظائف ليه محد يدري عنها

؟؟
وبسالك عن صديقتي >>كثرت اسئله

المهم صديقتي اختبرت وربي دعيتلها ربي يسهل عليها
بس الاختبار موب سهل تقول

المهم جابت 48 وهي نفس تخصصي دبلوم سكرتاريه ونسخ
قالتلها ماعديتي وحددتلها اختبار بعد 3 اشهر

طيب موب تقولون ان الدبلوم اقل شئ 45 كيف ماعدت اتمنى توضحلي ؟؟

اهلين..الواسطات في كل مكان لكن انا اشوف الحرس اقل من غيره ..اعتقذ هي لما قالت لك ارسلي قصدها تبي تشوف مؤهلاتك مناسبه للشواغر وللا ....عموما مستشفى الحرس بالدمام هو اصغر مستشفى تبع الحرس..لذلك انصحك تقدمي على الاحساء او على الرياض اذا ماعندك مشكله تكون فرصك اقوى ..لأنه معاي وحده بالعمل قاعده تحاول تحصل شاغر بمستشفى الدمام صار لها ثلاث سنوات عشان تنقل هناك وماقدرت للحين .

بالنسبه لصاحبتك السكرتاريه وضعهم مختلف وغالبا يجب ان تكون لغتهم كويسه اكثر من الوظائف الثانيه ..بس مو صحيح انها ماعدت هي عدت ولكن ربما الشخص الي طالب سكرتيره طالب درجه عاليه ..مجرد توقع .

الله يوفقك انتي وصاحبتك

الزيزفوني · #**312** (**permalink**) 06-05-2011, 02:08 PM

اقتباس:

المشاركة الأصلية كتبت بواسطة Excellent

الله يجزاك خير عن التوبيك الرائع هذا
بسألك هل فيه مجال للتدريب عندكم قسم التغذية ( تغذيه عامة ) ، و كيف الاجراءات ؟ و الرسوم ؟ و كل شئ ..شكرا لك

والله ماعندي فكره لكن اذا انت مهتم سئلت لك او من الممكن تتصل بنفسك على 2520088 وتطلب من السنترال يحولك لقسم التدريب والتطوير ممكن يفيدونك .

بالتوفيق

إباء · #**313** (**permalink**) 06-05-2011, 05:01 PM

السلام عليكم اخوي
انا تخصصي IT لكن معدلي مو ذاك الزود وجبت في اختبار الانجلش 68 هل فرصتي بالوظيفة في قسم IT
قليلة وهل اذا توظفة على بوزشن ادمن ممكن بعد فترة احول لقسم IT
شكراً مقدماً.

الزيزفوني · #**314** (**permalink**) 07-05-2011, 04:34 PM

اقتباس:

المشاركة الأصلية كتبت بواسطة إباء

السلام عليكم اخوي
انا تخصصي IT لكن معدلي مو ذاك الزود وجبت في اختبار الانجلش 68 هل فرصتي بالوظيفة في قسم IT
قليلة وهل اذا توظفة على بوزشن ادمن ممكن بعد فترة احول لقسم IT
شكراً مقدماً.

لا مو قليله ان شاء الله خصوصا انهم محتاجين بنات خلال هالفتره .

لا مو ضروري تقدري وصعب يحتاج سالفه طويله ويستلزم موافقات كثيره .

لحظة صفا · #**315** (**permalink**) 07-05-2011, 10:12 PM

السلام عليكم ورحمة الله وبركاته

جزاك الله خير أخوي الزيزفوني على هالموضوع ، قرأته بالكامل واستفدت منه ، وشكرك علينا واجب

أخوي حابه أستشيرك في مسألة التقديم على وظيفة بالمستشفى
أنا عندي دبلوم علوم الحاسب الآلي تخصص تقنية برمجة تخرجت بنهاية عام 2007 وأخذت اختبار المؤسسة العامة للتدريب التقني والمهني

وحاليا ً أدرس بالجامعة العربية المفتوحة - كلية إدارة الأعمال - تخصص نظم إدارية
على نهاية هذي السنة أكون خلصت 33 ساعة = سنة + معادلة بعض المواد بشهادة الدبلوم

وحيرتي في إني أقدم بشهادة الدبلوم والا أني انتظر لين اتخرج وأقدم بشهادة البكالوريوس ؟؟
لأني خايفه أنهم يعتبرون شهادتي بالدبلوم قديمة وما يهتمون بتقديمي
وهل يعتبرون دراستي بالجامعة عائق أو دافع للقبول في حالة لو قدمت بشهادة الدبلوم وذكرت بسيرتي الذاتية إني أدرس بالجامعة بنظام تعليم مفتوح ؟؟
علما ً بأن دراستنا عن بعد ودوام جزئي ونظام مرن في الحضور يعني أقدر انسق وقت دراستي بحيث يتوافق مع الوظيفة لو رزقني ربي بها وأنا أطمح لهذا الشئ

وسؤال إضافي يهمني
هل من الممكن أن المستشفى يوظف المتدرب بالبرنامج الصيفي للمرحلة الجامعية إذا أثبت جدارته عندهم أثناء التدريب ؟؟

فأيش تنصحني به أخوي بحكم خبرتك بالمستشفى ؟؟

ويارب يرزقك خير الدنيا والآخرة على كل ماتقدمه من عون ومساعدة

ام نصر · #**316** (**permalink**) 08-05-2011, 01:27 AM

جزاك الله خير ..
انا عندي بكالريوس محاسبه بس لغتى الانجلش مو ذاك الزود ..
هل فيه عندهم اماكان شاغرة ..

ممرضة خاصه · #**317** (**permalink**) 09-05-2011, 05:56 PM

ماشالله

ربي يحفظك ويسعدك اخوي على هالاجابات الي تريحنا ,,

انا اليوم قدمت تمريض بالحرس ,, وقالو لي الاختبار يوم الاربعاء بعد يومين طبعا !

ابي اعرف الاختبار عن ايش تمريض عام ولا انجليزي زي اختبار باقي الاقسام

يعني بنت عمي تخصص ترجمة واليوم كان اختبارها فهل اختباري بيكون نفسه ولا بيكون عن قسم التمريض ؟؟

الزيزفوني · #**318** (**permalink**) 11-05-2011, 02:26 PM

اقتباس:

المشاركة الأصلية كتبت بواسطة لحظة صفا

السلام عليكم ورحمة الله وبركاته

جزاك الله خير أخوي الزيزفوني على هالموضوع ، قرأته بالكامل واستفدت منه ، وشكرك علينا واجب

أخوي حابه أستشيرك في مسألة التقديم على وظيفة بالمستشفى
أنا عندي دبلوم علوم الحاسب الآلي تخصص تقنية برمجة تخرجت بنهاية عام 2007 وأخذت اختبار المؤسسة العامة للتدريب التقني والمهني

وحاليا ً أدرس بالجامعة العربية المفتوحة - كلية إدارة الأعمال - تخصص نظم إدارية
على نهاية هذي السنة أكون خلصت 33 ساعة = سنة + معادلة بعض المواد بشهادة الدبلوم

وحيرتي في إني أقدم بشهادة الدبلوم والا أني انتظر لين اتخرج وأقدم بشهادة البكالوريوس ؟؟
لأني خايفه أنهم يعتبرون شهادتي بالدبلوم قديمة وما يهتمون بتقديمي
وهل يعتبرون دراستي بالجامعة عائق أو دافع للقبول في حالة لو قدمت بشهادة الدبلوم وذكرت بسيرتي الذاتية إني أدرس بالجامعة بنظام تعليم مفتوح ؟؟
علما ً بأن دراستنا عن بعد ودوام جزئي ونظام مرن في الحضور يعني أقدر انسق وقت دراستي بحيث يتوافق مع الوظيفة لو رزقني ربي بها وأنا أطمح لهذا الشئ

وسؤال إضافي يهمني
هل من الممكن أن المستشفى يوظف المتدرب بالبرنامج الصيفي للمرحلة الجامعية إذا أثبت جدارته عندهم أثناء التدريب ؟؟

فأيش تنصحني به أخوي بحكم خبرتك بالمستشفى ؟؟

ويارب يرزقك خير الدنيا والآخرة على كل ماتقدمه من عون ومساعدة

اولا انا لست بخبير أنا فقط عانيت سابقا زيكم مع المستشفى فحبيت اني افيدكم مثل مافادوني اخواني قبل في هالمنتدى.

ممكن تقدمي بالدبلوم وتنقبلي وممكن تقدمي بعد ماتخلصي الجامعه وماتنقبلي ..الارزاق بيد الله لذلك نصيحتي لك قدمي من الحين وجربي ممكن تحصل لك الوظيفه وان شاء الله تكون شهادة الجامعه خلال عملك تساعدك بالترقيات .حسب المدير او المديره الي انتي عندهم لكن حسب معرفتي بالجامعه العربي المحاظرات اغلبها مسائيه يعني فقط راح تحتاجي الاجازه وقت الاختبارات لذلك مااتوقع احد يمانع .

ايه ممكن يرشح المتدرب لوظيفه عندنا اذا كان بارز والاوقات هذي عندنا كثير متدربات وراح نختار منهم اذا فيه احد منهم متميز عن البقيه .

الزيزفوني · #**319** (**permalink**) 11-05-2011, 02:28 PM

اقتباس:

المشاركة الأصلية كتبت بواسطة ام نصر

جزاك الله خير ..
انا عندي بكالريوس محاسبه بس لغتى الانجلش مو ذاك الزود ..
هل فيه عندهم اماكان شاغرة ..

حاليا مطلوب كثير بنات في الماليه لكن مااعرف مقياس مو ذاك الزود ..لذلك قدمي عليهم وان شاء الله تترشحي للاختبار وبعدها للمقابله وبعدها تصيري زميلتنا .

بالتوفيق

الورده الحالمه · #**320** (**permalink**) 11-05-2011, 06:10 PM

اخوي زيزفوني مشكووور على الرد

و ابيك تستفسرلي اذا ماعليك امر

وظيفه السكرتاريه الطبيه والنسخ

كم رواتبهم ؟؟
وهل التوظيف بالحرس كله تعاقدات والا فيه توظيف حكومي؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الي عنده أي إستفسار عن مستشفى الحرس الوطني

إستفسارات ونتائج الوظائف المدنية

بسم الله الرحمن الرحيم أخوتي الكرام من باب حفظ حق من ساعدني في هذا الموقع أرغب في عرض مساعدتي على الأخوه الي يرغبون في العمل في مدينة الملك عبدالعزيز...

الي عنده أي إستفسار عن مستشفى الحرس الوطني

تسجيل الدخول

الي عنده أي إستفسار عن مستشفى الحرس الوطني

إستفسارات ونتائج الوظائف المدنية

بسم الله الرحمن الرحيم أخوتي الكرام من باب حفظ حق من ساعدني في هذا الموقع أرغب في عرض مساعدتي على الأخوه الي يرغبون في العمل في مدينة الملك عبدالعزيز...

الي عنده أي إستفسار عن مستشفى الحرس الوطني