الي عنده أي إستفسار عن مستشفى الحرس الوطني

قست دنياه · #**181** (**permalink**) 27-12-2010, 11:50 PM

السلام عليكم ورحمه الله وبركاته
اولا حاب اشكرك على هالموضوع وتعاونك

انا حاب استفسر وانا اخوك وما ادري استفساري له علاقه بالموضوع ولا
الحين لو حاب اكون اخصائي مختبر وظابط بالحرس هل ذا الشي ممكن
ولو ممكن كيف؟
وهل المستشفى يبتعثني لو حاب اكمل مجاستير ودكتوراه
عذرا على الاطاله....................... وشكرا

الزيزفوني · #**182** (**permalink**) 28-12-2010, 12:55 AM

اقتباس:

المشاركة الأصلية كتبت بواسطة اخصائية مختبرات

السلام عليكم ورحمة الله وبركاته
لو سمحت انا عندي سؤال مهم انا قدمت على مستشفى الحرس بالرياض
اختبرت اختبار الانجليزي وعديته ودقوا علي عشان اختبار التخصص بما ان تخصصي طبي واختبرت يوم السبت وسويت كويس الحمد لله بس مادري متى يدقون علي مع العلم ان في القاعه بس انا وبنت نختبر نفس الاختبار تتوقع بتصير منافسة بيني وبينها ولا بياخذونا احنا الثنتين على فكرة رشحوني لوظيفة في مختبر العقم وهالبنت نفس الشي
تلفت اعصابي وانا انتظر مع ان ما صار لنا الا يومين انتظر اتصال عشان المقابلة تتوقع متى بيردون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والله ياختي المفترض أنك سئلتي هالاسئله وقت الامتحان لكن عموما راسليني عن طريق الخاص وأن شاء الله أشوف لك الموضوع ..

بالتوفيق

الزيزفوني · #**183** (**permalink**) 28-12-2010, 01:02 AM

اقتباس:

المشاركة الأصلية كتبت بواسطة الظل الشارد

السلام عليكم ورحمة الله وبركاته

قبل كل شي احب اشكرك اخوي على اهتمامك وسرعة ردك على الجميع وحبك للمساعده ولو بالتوجيه وكلك ذوق يعطيك العافيه

اخوي استفساري هل حملة الثانويه اذا معهم خبره سنتين هل يعاملون معاملة الدبلوم

من ناحية الوظيفه او الراتب لأن هذا الكلام قالته موظفه لي عندهم وما ادري عن صحته

بس عموما انا معي ثانويه وخبرة سنتين كسكرتيره ادارة عامه ولغتي جيده جدا

فلو عديت الامتحان بمعدل حلو ممكن يقبلوني لوظيفه اداريه براتب مثلا فوق ال 7000

مع البدلات طبعا ماني طماعه

لأن اعرف وحده معها دبلوم معهد الاداره سكرتاريه وبدون خبرة وتوظفت هناك براتب اجمالي 7200

مع العلم عدت الامتحان بمعدل 75 مع ان الحد الادنى مثل ماتعرف للدبلوم 45

فلو عديت انا الامتحان بمعدل فوق 45 ولو اني بإذن الله راح اجيب اكثر بس اقصد على اسوأ احتمال لو جبت اعلى من الحد الادنى للثانويه واللي هو 25

وفالحد الادنى للدبلوم واللي هو 45 فهل ينظرون لهالشيء وينظرون لخبرتي واعامل كالدبلوم مثلا ؟؟؟؟ <<<<<< ادوشتك

وكمان لو مشت الامور تمام وعديت الامتحان وجاء وقت الجد وجيت فالمقابله وسألوني عن الراتب المتوقع هل اقول مثلا بحدود ال 7000 والا اتملص من الاجابه وامدح رواتبهم او اقول فوق ال 5000

مع العلم المراسلة عندهم اللي ماعندها ولا خبره تاخذ 5000

فوش الدبره

انتظر ردك اخوي

ماأخفي عليك قريت ردك أكثر من مره عشان استوعب

مسئلة تعاملي معاملة الدبلوم فهذا غير صحيح ..لكن من ناحية الراتب ممكن راتبك يكون أكثر من موظف بمؤهل جامعي..مسمى الوظيفه له دور كبير في مسئلة الرواتب .

المشكله الحاليه لطالبي الوظائف هي الترشيح..سابقا كان يحق للجميع دخول أختبار اللغه..لكن في الوقت الحالي تقدمي أوراقك على مكتب التوظيف وأذا تم ترشيحك لوظيفه معينه عند ذلك يحدد لك موعد لأختبار اللغه ..فالمسئله صارت أصعب من قبل وهذي الطريقه يستفيد منها من يملك دورات رسميه في اللغه رغم أنه من الممكن يكون فيه ناس بدون دورات تدريبيه ويتفوقون عليهم في أختبار اللغه .

نصيحه لك في أي مقابله لاتذكري الراتب وحاولي تملصين من الأجابه بطريقه دبلوماسيه ولاتذكري رقم

الزيزفوني · #**184** (**permalink**) 28-12-2010, 01:05 AM

اقتباس:

المشاركة الأصلية كتبت بواسطة قست دنياه

السلام عليكم ورحمه الله وبركاته

اولا حاب اشكرك على هالموضوع وتعاونك

انا حاب استفسر وانا اخوك وما ادري استفساري له علاقه بالموضوع ولا
الحين لو حاب اكون اخصائي مختبر وظابط بالحرس هل ذا الشي ممكن
ولو ممكن كيف؟
وهل المستشفى يبتعثني لو حاب اكمل مجاستير ودكتوراه

عذرا على الاطاله....................... وشكرا

والله ياخوي هذي مسئله ماأفهم فيها صراحه لأنها ماتخصنا ولكن تخص كلية الملك خالد ورئاسة الحرس الوطني...لكن الي أقدر أفيدك فيه هو أنه الأبتعاث كثير جدآ وأنا مطلع على هالأمر بعضهم تخصصات طبيه والبعص تخصصات إداريه وعلميه ..أنصحك تزور كلية الملك خالد للحرس الوطني وتستفر منهم.

بالتوفيق

Noor the wourld · #**185** (**permalink**) 28-12-2010, 02:30 AM

يعطيك العافية أخي على الموضوع
وجزاك الله خير
انا عندي استفسار
انا أختبرت وعديت الاختبار بدرجة كويسة وعملت
المقابلة ومن 10شهور لاحس ولا خبر؟
وكل ماتصلت على اخصائيات التوظيف العذر لايوجد شاغر
سلامات مستشفى وش كبرة مافية شاغر اداري
هل هذا الكلام صحيح
اتمنى ماأزعجتك بسؤالي

الظل الشارد · #**186** (**permalink**) 28-12-2010, 04:45 AM

اقتباس:

المشاركة الأصلية كتبت بواسطة الزيزفوني

ماأخفي عليك قريت ردك أكثر من مره عشان استوعب

مسئلة تعاملي معاملة الدبلوم فهذا غير صحيح ..لكن من ناحية الراتب ممكن راتبك يكون أكثر من موظف بمؤهل جامعي..مسمى الوظيفه له دور كبير في مسئلة الرواتب .

المشكله الحاليه لطالبي الوظائف هي الترشيح..سابقا كان يحق للجميع دخول أختبار اللغه..لكن في الوقت الحالي تقدمي أوراقك على مكتب التوظيف وأذا تم ترشيحك لوظيفه معينه عند ذلك يحدد لك موعد لأختبار اللغه ..فالمسئله صارت أصعب من قبل وهذي الطريقه يستفيد منها من يملك دورات رسميه في اللغه رغم أنه من الممكن يكون فيه ناس بدون دورات تدريبيه ويتفوقون عليهم في أختبار اللغه .

نصيحه لك في أي مقابله لاتذكري الراتب وحاولي تملصين من الأجابه بطريقه دبلوماسيه ولاتذكري رقم

مااااااااااااااااااااااااااااااااااااااره شكرا اخوي على سرعة ردك

ااانا · #**187** (**permalink**) 28-12-2010, 11:18 AM

[align=center]السلام عليكم عندي استفسار كيف وضع الواسطه تلعب دور !
عندي شهاده صحيه مختبرات طبيه دبلوم + دورة حاسب الي ...
التقديم لازم عن طريق النت فقط ؟ وعندي استفسار بخصوص برنامج فنيي غرف التبرع الدم لازم بكالوريوس فقط او ينفع دبلوم لانه فيه تقديم
تحياتي لك[/align]

اخصائية مختبرات · #**188** (**permalink**) 28-12-2010, 04:53 PM

السلام عليكم ورحمة الله وبركاته
اختي (اانا) سوري على التطفل بس حبيت افيدك بنسخ لك الموجود في الموقع بالضبط
برنامج فنيي غرف التبرع الدم
سر الشئون الصحية بالحرس الوطني ممثلة في إدارة التدريب والتطوير الإعلان عن فتح باب القبول في برنامج (فنيي غرف التبرع بالدم) لخريجي وخريجات كليات العلوم. مدة البرنامج:

12 أشهر

بداية البرنامج:

1432/3/30هـ الموافق 5/3/2011م

شروط القبول:

سعودي/سعودية الجنسية.
شهادة البكالوريوس تخصص أحياء، أحياء دقيقة، الكيمياء الحيوية من كلية العلوم الصحية.
دبلوم تخصص علوم المختبرات الإكلينيكية من معهد معترف به.
حديث التخرج (لا تزيد مدة التخرج عن ثلاث سنوات).
أن لا يقل المعدل التراكمي عن (3 من 5).
اجتياز امتحان اللغة الانجليزية.
اجتياز الامتحان النظري.
اجتياز الفحص الطبي.
اجتياز المقابلة الشخصية.

المتطلبات:

صورة من إثبات الهوية مع الأصل للمطابقة.
صورة من شهادة البكالوريوس والسجل الأكاديمي مع الأصل للمطابقة.
موافقة خطية للإناث.
تعبئة استمارة الالتحاق بالبرنامج.

مميزات البرنامج:

مكافأة شهرية 2800 ريال أثناء فترة التدريب.
فرصة للتعيين بعد التخرج.

ويسعد إدارة التدريب والتطوير تسجيلكم في البرنامج وتعبئة نموذج طلب التدريب وإرساله عبر الفاكس رقم 96612520252+ تحويلة 43486. علماً بان استقبال الطلبات سوف يبدأ من يوم السبت 12/1/1432هـ الموافق 18/12/2010م إلى يوم السبت 4/2/1432هـ الموافق 8/1/2011م.

http://www.ngha.med.sa/Arabic/MediaCenter/News/Pages/2010-12-18_6.aspx
هذا الرابط واعتقد ان هذا اللي يناسبك لكن البرنامج الثاني مو طالبين دبلوم مختبرات وسجلي ولا تتأخرين والله يوفقك

الزيزفوني · #**189** (**permalink**) 29-12-2010, 11:31 AM

اقتباس:

المشاركة الأصلية كتبت بواسطة حلمي القمة

يعطيك العافية أخي على الموضوع
وجزاك الله خير
انا عندي استفسار
انا أختبرت وعديت الاختبار بدرجة كويسة وعملت
المقابلة ومن 10شهور لاحس ولا خبر؟
وكل ماتصلت على اخصائيات التوظيف العذر لايوجد شاغر
سلامات مستشفى وش كبرة مافية شاغر اداري
هل هذا الكلام صحيح
اتمنى ماأزعجتك بسؤالي

أولا إيش تخصصك وكم درجتك كانت في اختبار الانقلش؟

من ناحية الشواغر أنا بحكم عملي أشوف كل أسبوع متوظف عشرات الأجانب خصوصا فلبن ..والكثير منهم إداريين والقهر أنه وظايف سهله خريج الثانوي السعودي يقدر يقوم فيها..ولو تجي تاخذي لك لفه بالمستشفى راح تحسي أنك في مانيلا مو الرياض

عموما أجرائاتهم بطيئهم خصوصا الإداريين لذلك عليك بالصبر وتطوير نفسك وأن شاء الله يكتب لك ربك نصيب

خرريجة انجليزي · #**190** (**permalink**) 08-01-2011, 07:23 AM

انا اختبرت عندهم قبل شهر تقريبا وسوو لي مقابلة مبدئية بس حسيت انه بعض الاسئلة المفروض كنت اجاوب عليها بشكل ثاني
لما سألتني عن اقل راتب ؟ قلت مو اقل من اربعة او خمسه مع انه المفروض اكثر بس قلت بنفسي ماعندي خبره ولا شي واتشرط
وشلون سمعتي عننا؟ قلت صديقة لي تشتغل عندكم ماادري اي قسم بالضبط
وسألتني انتي راح تتحجبين والا تتنقبين ؟ وش دخل, ابتسمت لها ماادري صراحة يعتمد على طبيعة الشغل و مافكرت قالت علشان اعرف لاي الاقسام ارشحك لانه بعضهم يبونك تتعاملين مع اجانب ويشترطون تكونين محجبه
واخذت المسأله عناد قلت لا منقبه
على العموم اسألتهم تكلمي عن نفسك وفي اي حي ساكنه واقل راتب تتوقعينه وشلون سمعتي عننا ووش طموحك ومهارتك و تمانعين تشتغلين شفتات و تمانعين الاختلاط وبس
تقييم المقابلة المبدئية تعتمد على ايش بالضبط؟ اكيد مو بس على تحديد الوظيفه اللي ابيها لاني من دخلت وهي تكتب !!

الي عنده أي إستفسار عن مستشفى الحرس الوطني

إستفسارات ونتائج الوظائف المدنية

بسم الله الرحمن الرحيم أخوتي الكرام من باب حفظ حق من ساعدني في هذا الموقع أرغب في عرض مساعدتي على الأخوه الي يرغبون في العمل في مدينة الملك عبدالعزيز...

الي عنده أي إستفسار عن مستشفى الحرس الوطني

تسجيل الدخول

الي عنده أي إستفسار عن مستشفى الحرس الوطني

إستفسارات ونتائج الوظائف المدنية

بسم الله الرحمن الرحيم أخوتي الكرام من باب حفظ حق من ساعدني في هذا الموقع أرغب في عرض مساعدتي على الأخوه الي يرغبون في العمل في مدينة الملك عبدالعزيز...

الي عنده أي إستفسار عن مستشفى الحرس الوطني