السلام عليكم ورحمته الله وبركاته

اخواني اخواتي حبيت استفسر عن مستشفى الدكتور سليمان الحبيب بالرياض

كيف الدوام يعني دوام او دوامين وكم ساعات العمل

والرواتب كم للجامعيين يعني تسوى ولا لا وهل توجد زيادات


ارجو الافاده وشكرا لكم

اهلين اختي انا بصراحه توظفت في مستشفى الحبيب ثلاثة ايام كنت اخذ دوره عندهم لكن ماكملت معهم لاسباب خاصة فيني ...

بالنسبة للدوام على حسب القسم الي انتي فيه انا اذكر انا ايام الدوره الي عندهم كان معنا بنات فكان يقولون ان البنات دوامهم سته ساعات اتوقع قسم معين لكن اذا كان في الاستقبال اكيد راح يكون دوامين او دوام على حسب القسم الي انتي فيه يعني مو شرط ..

بالنسبة للرواتب الشباب اول راتب لهم تقريبا اربعه الاف وميتين ريال بس كمستقبل تقدرين تطورين نفسك ..

انا بصراحه طلعت منه لاسباب مايصلح اني اقولها هناا ..

اتمنى لك التوفييق يارب ..

مشكوووووووووور اخوي مزيون الرياض على المعلومات


ياليت اللي عنده معلومات اكثر يفيدنا عن المقابله وهل يوجد امتحان

الله يعطيكم العافية

امس سويت مقابلة عندهم اسئلة عادية

قالي عرفي عن نفسك

وايش الشهدات الي حاصله عليها

وهل تعرفي انقليش وبس

وهل عندك مشكلة با الاختلاط

ثم عطاني ورقة وعطيها الموظف خالد

بس انا ماسئلتهم عن نوع الوظيفة ولا الراتب ولا كيف الدوام فاتتني هاذي الاسئلة

إذا رحتي لهم ياليت تستفسري اكثر