انا من رايي انك تكلمين اي شخص من جماعتك يكون عاطل او من جيرانكم اهم شيء سعودي ( او اجنبي ملتزم وثقه ) لأن اغلب الاجانب ماعندهم لاذمه ولاضمير الا من رحم ربي ويمكن يلعب عليك ويبيع السياره ويقطع الاقامه ويرميها في وجهك عادي يسونها انا اقول شوفيلك عاطل على قد حاله واتفقي معه انه يوصل طلاب او مدرسات واللي يطلعه تخصمون منه قصد السياره والباقي بينكم بالنص او يكون له ثلث وانتي الثلثين هذا اكيد بعد ماتخصمون مصاريف السياره واقساطها بس ركزي لازم يكون واحد معرفه وثقه في نفس الوقت يعني ولد جيرانكم او من الاقارب لأنهم سهل مراقبتهم ومعرفة تواجدهم وعلاقاتهم ويكون حريص على اكل الحلال
موفقه بإذن الله ... لك مني أجمل تحية .

الله يجزاك كل خير ياخوي الهلالي وماقصرت على ردك ووقفتك
الله يرزقك من حيث لاتحتسب ..

لكن وش رايك فكرت أنقل كفالته على اسمي
واشتري سياره مستعمله نظيفه من وكالات السيارات
وكل موظفه يوصلها اكلمها واتفق معاها اول
ع السعر وبكذا اكون ان شااء الله ضامنه ويكون الباص بعد مايوصل منه
عند البيت ويجي ياخذه الصباح ..
وش راااااااااايكم باله شورور علي قلقااانه
وانااقول لو جلست اتخوف مو كسبانه شي
ولاراح أبدأ ..

انا اقترح عليك عشان يكون شغلك رسمي بعيد عن القلق لان في تدقيق علي سواقين والباصات لو تشوفين لك مكتب اجاره بسنه رخييص بحي يعني 6000 ولا حولها
وتسويه مكتب نقل طلاب وطالبات وتسوين رخصه تجاريه اتوقع شغلك نظامي وبدي بباص واحد وان شاء الله اسطول نقل مستقبلا لان الحاجه لسواقين ونقل مستمر هذه راي لااقل ولا اكثر ولك شور يعني سوي دراسة جدوي لهذا المشروع من جميع النواحي


وذاا كنتي بديتي مع سواق لازم يكون لك تواصل مباشر مع كل لي مسجلين معه يعني كل الطالبات ولمعلمات لانه لو باص يشيل 12 راكب
كل وحده 600 هذي 7200 شهري يعني 86400 في سنه من 12 راكب
لو قلتي راتب سواق 1500
18000 في سنه رواتب
ونقول مثلا هي ديزل فل 8 ريال كل يومين تعبين 120 ريال شهري ديزل 1440 سنوي
نقول تحطين علي جنب 5000 ريال اعطال تغير مويه وزيت الخ
61960 ريال ربح لك خلال لسنه لو طبقتي لكلام هذا علي كذا باص يعني جبتي باصين ولا ثلاث
بيزيد
هذا وانا ماعرف بشغله لكن تقدير مني قد اصيب وقد اخطي

[align=center]المشروع ممتاز جدا جدا
و الاخوان ما قصروا في الاراء و التوجيهات و الحسابات,,

بس يعتمد عليكـ انت ..؟؟
هل تحتاجي انكـ تخليه داخل المدينه او خارجها ..؟ فرق كبير على مستوى الدخل و الاهلاكـ

لو فرضا انكـ عملتي على داخل المدينه كم طالبة او معلمة حيكون ..؟؟
نفرض انه لديكـ 20 طالبة * متوسط اجر الطالبة (250 ) اذا كان في الحي نفسة
فتقريبا حيكون الدخل حول الـ5000ريال
و طبعا كل ما زاد العدد و اشتغل الباص زياده راح يكبر الدخل..
هذه فكرة حلوة للي يقدر يشغل الباص بطريقة ذكية

و الفكرة الاحلى موضوع النقل عبر المدن او الى القرى المجاورة
لو فرضنا على سبيل المثال انه طالبات في جامعة جدة و هم ساكنين في مكة
يعني النقل راح يكون من مكة الى جدة ..

طيب لو حسبنا متوسط النقل للطالبة كحد ادنى 850 ريال
و كان عندكـ مبدئيا 10 طالبات
فحيكون الدخل حدود 8500 ريال
و مصارفكـ 1500 سائق
500 صيانه ( شهري )
2500 قسط

يعني حيكون الصافي حدود 4000 ريال

طبعا القيمة تزيد بأزدياد المسافة و هذه امثلة و الواقع اكثر من ذلكـ[/align]

وهناك قرارات مغلوطة تقضي بعدم ملكية الباصات إلا لمن لديهم أولاد يفوقون العشرة

يوه وشهالقرارات اللي تحبط


وين مانجيبها تنعمي

بصراحة الموضوع رائع وجا بوقته


وجالسةابحث فيه مشكورة اختي


اي مستجدات عليك لاتنسين تفيدينا بتجربتك

يعطيك العافية

مافي جديد

موفقه بإذن الله ... لكي مني أجمل تحية .

بصراحه الوحده ماتطلع عن شور زوجها احسنها


لكن بما انك مصره بعطيك اشياء مهمه


حطي بحسابك شي مهم مررررررررررره مره مره
احنا مانتشائم بس ندرس الموضوع من كل جوانبه
لو لاقدر الله صار حادث
انتي ملزمه بالدفع الشهري **************** مهم جدا

يعني وشو تراااااااااااك خوفتني ؟
انا مااخوفك بس اقولك ابحثي عن السواق الراكد الهادي السواق اللي يحافظ على سيارتك


طيب كيف اتعامل مع الموضوع؟
خذي سياره مستعمله بتقسيط < ليه مستعمله عشان لو قدر الله صار شي يكون القسط قريب المدى وترتاحين منه
سويلها صيانه كامله ماتجي الفين ريال من كفرات زويوت وبواجي الخ.......
عطيها السواق قولي انا مالي شغل لا بنزين ولا صيانه ولا شي ابي كل شهر هالمبلغ
واذا انتي كريمه قولي بعد خمس سنوات السياره ملكك

ليه قلت لك تاخذين مبلغ شهري ؟
لانو ماتقدرين تسوين كنترول للمدخولات ممكن يجي اتصاالات بعد الدوام الدراسي ويوصل مشاوير وانتي ماتدرين عنه
والشغله الاهم انو مو كل شهر بيجيك من الطالبات والمعلمات فلوس
يعني في شهور مافي شي وراح تحطي من مالك الخاص تسديد السياره + راتب السواق
ريحي راسك قولي اوفر لك السياره وملغ شهري تعطيني كل شهر

وانتي الكسبانه ان شالله