السلام عليكم ورحمة الله وبركاته
وصباح/مساء الخير عليكم جميعا
بداية اشكر ادارة المنتدى على هذا الصرح الرائع والمفيد لنا جميعا كعاطلين
انا عاطلة جديدة هذي السنة
وجا في راسي مشروع انا وأختي لكن .............
لا يوجد لدينا أي تمويل مادي ولا دراسة جدوى ولا من هالمواضيع
فقط يوجد لدينا المكان والفكرة وهي محل قرطاسية
طبعا حاجة المنطقة لوجود القرطاسية هو الذي حدنا للفكرة خصوصا بعد ماتشرشحنا أيام الدراسة
بالتنقل من منطقة لمنطقة علشان شي تافه
منطقتنا ناااااااااااائية وكرؤية للمشروع نجده ناجح 100% بإذن الله تعالى
بس حبيت أي احد يدخل يعطيني مشورته في التساؤلات التالية
- كيف أسوي دراسة جدوى لمثل هالمشروع.
- افضل الشركات اللي تقدر تدعمنا كبداية مشروع صغير أمثال عبد اللطيف جميل.
- بالنسبة للتراخيص وهالأشياء احنا حابين يكون المحل للبنات فقط .
- عندنا فكرة أخرى وهي وضع زاوية صغيرة في المحل لتصليح أجهزة الكومبيوتر وعمل الصيانة لها.
بليييييييييييييييييييييز أي احد يدخل يرد علينا الله يجزاه الجنة لو باقتراح بسيط أو معلومة سابقة من التساؤلات
اتمنى منكم ماتطنشون الموضوع الفكرة تحوس براسنا وشغل ماكو والحالة حالة والأخلاق تجارية

هذا مشروعي
ناوي ان شاء الله الفتره الجايه افتح قرطاسيـه

للأمانه ماني صاحب تجربـه
بس ماخليت احد ماسالته عن كلللش لين لقيت خوي لي فاتح مكتبه بشرق الرياض
وبشرح لتس ماجمعته من معلومات وطرق
المهم واتواعد انا وياه بمكتبته وجيته ومعي خياش اسألـه

ياطويلة العمر هو عنده 3 فتحات ويبيع قرطاسيه "دفاتر-اقلام-الخ.." وهدايا "العاب-وتغليف" وعنده آلتين تصوير
طبعاً مثلتس عارف اغلى مايكلف بالمكتبـه الآلات قالي خويي انهن على 60 الف وحولهن
قمط وجهي وبلمت لأن كل دراهمي 60 بشري بها آلة وحده وبكحل سلق
والله وينقز لي ذيبان بالمثل المصري " كشكشها ماتعرضهاش"

قلت شلون ؟
يقول تجيب عامل في البدايه من برى يعرف للآت التصوير وراتبه شهري 1500 وتقدم على عامل ويفضل يكون اندونيسي ولانيبالي
العامل + اللوحـه + رفوف من الحراج + طاوله حساب صغيره = تقريباً 15 الف
بضاعه بقيمة 25 الف آجار محل فتحتين بمكان مميز 15 الف لـ 6 شهور
المجموع 55 الف

عطاني خيارات يقول تروح للعجو حق آلات التصوير يعطيك آله ببلاش ولها عداد له نسبه من مبيعات التصوير
وصيانتها وجيبتها مجانـاً
واذا ماتبينهم يخاشرونتس بربح التصوير تاخذينها منهم تقسيط بحول الـ800 ريال بالشهر وصيانتها وجيبتها مجاناً
وقالي تقدر تروح لجرير يفتح لك حساب وتتقضين منه بضاعه بقيمة 30 الف بشرط تسددينها بعد 3 شهور كاش

هذي المعلومات اللي عندي وبانتظار اهل الخبره يعدلون ويفيدوننـا
ومن قدتس اول مشاركـه عندتس

وين أهل التجربه ... افيدونا هداكم الله

السلام عليكم ورحمة الله وبركاته


بالنسبة للمحل القرطاسيه حلو ويمشي واكثر ما يمشي فيه التصوير وخصوصا لو يكون فيه تصوير للكتب سريع مع الترجمه ومكائن التصوير من 4000 الى.................... مبالغ خياليه

لكن الة تصوير ب 4000 الاف ريال تكفي لمحل قرطاسيه او خدمة طالب متوسطه

---------------------------------------------------------

انا ما اعرف كثير لكن بعرض بعض الافكار الي عندي المختصه بالتصوير ان شاء الله يكون فيها فائده

ممكن استخدام جهاز كمبيوتر مع طابعة ابيض واسود أو ملونه مخصصه للعمل الثقيل مع جهاز ماسح ضوئي ( سكانر ) بنصف سعر الة التصوير واسرع واكثر قوة .واحترافيه

او استخدام كميرا الكمبيوتر العاديه مع برنامج مثل بوك برنت
وهذه الطريقه الاسرع والأرخص

لمعلومات اكثر ابحثي عن في اليوتيوب عن book scanner
او ابحثي في الجوجل
-------------------------------------------------------
المهم

فيه برنامج للتعرف الضوئي على الحروف OCR العربيه او الانجليزية وبلغات كثيره

اسمه
read iris

بهذا البرنامج يمكن تصوير الكتب او الوثائق واعادتها تيكست حروف مرة اخرى لعرضها على المترجم الالي من جوجل او غيره

لا اعرف اشرح لكن

كمبيوتر وطابعة وسكانر وبرنامج طباعة كتب وبرنامج تعرف ضوئي ومترجم جوجل

ممكن يكون عندك ترجمه سريعه لكتب او وثائق مع تصوير مع استعادة الصور والوثائق لمحارف

------------------------------------------

وشكرا

الله يوفقك

بالتوووووووفيق

ولازلنـا بحاجـه لأهل الخبره

وأخييييييييييييييييييييييييييييييييييييييييييييييي يييييييييييييييييييييييييييييرا احد عطاني وجه
مشكوووووور ياهامورنا على الإضافة الرائعة بس أنا ماعندي ولا فلس ياهامور الفلس
وبصراحة افدتني كثير بالنسبة للمكان محلول أمره بس القروض وهالأشياء مافكرت تاخذ من حقين المشاريع الصغيرة
احسه ازين خصوصا انو ماعندي احد بيكفلني اذا خسرت ........لاسمح الله خخخخخ
والشكر موصول لجبل شلمان
بالنسبة للبرنامج اللي ذكرته حلو بس أغلب اللي يحتاجونه عندنا هي آلات التصوير فقط بدون ترجمه لأني أشوف معاناتهم
غير انو البقالات اللي عندنا فيها آلات تصوير بس الورقة بريال شف النصب بس
ياليت أحد يفيدنا من اللي عنده قرطاسيات ولاتبخلون علينا بليييييييييييز
خلونا نسعود هالمحلات ونخليها مؤنث بعد نياهاهاها >>صارت شريرة

ابحثي عن لجان دعم المشاريع الصغيره عندكم..

ولا انتي باي منطقه واا احاول ابحثلك..

تقبلي احترامي..