هل تفكيري صحيح لدي 500 وديوني 600

هواجس بدوي · #1 (**permalink**) 07-10-2010, 12:48 PM

السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
حقيقة أنا أثق في الله أولا ثم التفكير الجماعي وخاصة من خلال متابعتي يوجد هنا معرفات رائعة
بعضهم صغير في عمره ولكن نفكيره روووعة
وكثير منهم صاحب خبرة
مالكم في الطويلة
أنا عندي أرض بقيمة 500 الف
وعلي دين تقريبا ب 680 الف
جات في بالي خطتين لسداد ديوني وقيام مشاريعي :
الخطة الأولى:
آخذ قرض تضامن مع الزوجة ونتحصل على مبلغ 380 الف
وادخل في مشروع تقسيط ومن ارباحه اسدد
وبذلك اكون حافظت على الارض
او الخطة الثانية :
ابيع الارض وادخل مشروع تقسيط ب 500
وآخذ قرض 380 واسدد نصف ديوني
وبعد تدوير ال 500 لمدة ثلاث سنوات اسدد المتبقي
وش الراي يا الربع
ولو فيه خطة ثالثة ياليت تفيدوا اخوكم
معلومات أساسية :
إجمالي الديون :680 الف
علما بأني موظف براتب 13000
وزوجتي براتب 7400 (والله مدري عنها يمكن تقول لي ضف وجهك )
واملك قطعة ارض تسوى 500
يلا شغل مخك معي واسعى في حاجة أخوك

عاطل تجارة · #2 (**permalink**) 07-10-2010, 12:58 PM

من وجهة نظري أن الخطة الاولى هي الأنسب هذا في حال نجاح مشروعك

محمد الطميحي · #3 (**permalink**) 07-10-2010, 12:58 PM

مشروع التقسيط جميل جداً ولكن تحتاج إلى نفس ومتابعة
فإذا كنت تستطيع المغامرة
فأرى أنك تبيع الأرض أفضل - من وجهة نظري - والله يحفظك

خلف الكواليس · #4 (**permalink**) 07-10-2010, 01:38 PM

بيع الأرض وسدد ديونك كاملة

بعدين تقدر تبدأ بمشروع لأنه الراتب ما شاء الله زين وما يكون وقتها عندك ديون غير قرض 350 الف اللي بتاخذه من البنك يصير تقسمه تشتري قطعة أرض اخرى بقيمة 150 ألف حتى لو كانت بعيدة شوي لكن انساها وتشتغل 150 ألف الأخرى بمشروع تجاري

والله بوفقك اخوي

رايح ومديور · #5 (**permalink**) 07-10-2010, 02:06 PM

انتبه اخي العزيز::.......................................... ......>

بالتفريط في الأرض التي حصلت عليها ابداً لالالالالاتفعل مثل مافعل اصحاب الأسهم الذي اعطو انفسهم الثقه والتأمل بالأرباح الدائمة .
الصحيح لاتفكر بالتفريط في الأرض وانسها واغفل عنها وذا تقدر تحصل على مبلغ اخر وتحاول الآستثمار هذا عين العقل ولا الله يعينك اصبر والله مع الصابرين كلنا على هذا الحال وجاي فالأرض مثل الزوجه الحصول عليها صعب في زمانا هذا امسك قردك لايجيك اقرد منه .
فكر في اي مشروع صغير فالصغير بوكره يكبر انصحك ان تقوم بالزيارة الى اسواق بيع الجمله للفواكه والخضار كل يوم وتشاهد بس كيف يحرجون ويشترون ويبيعون مرة اخر
ورايح تحصل نفسك يوم من الأيام وانت تشاهدهم تشاركهم وتثابر بالمسابقة في الشراء بالجمله والبيع على الفور لأصحاب المحلات وغيرهم ..... ارجو اني افدتك بشيئ ولو بقليل وشكراً ..

han alRhel · #6 (**permalink**) 07-10-2010, 02:15 PM

^ ^ ^

أخوي الكريم عندي لك نصيحه

قبل لاتختار بينهم

أستخير .. وربي يكتب لك اللي فيه الخير

سعد العجمي · #7 (**permalink**) 07-10-2010, 02:32 PM

انا عندي لك شور غريب شوي لكنه مفيد

ليه ما ترهن الارض مقابل شراء بيت بحدود القيمة ويكون فيه محل او اثنين..وتعرض على الدائنين البيت على انك تسدد اقساطه... بهذه الطريقه تكون تخلصت من الدين وبدل أنك تدفعه نقدا تسدده أقساط وبعدها تقدر تاخذ قرض تتاجر فيه ويسدد لك الاقساط...الاهم ان ارضك ما بعتها ومع الوقت تحررها من الرهن....هذا طبعا اذا لقيت بيت بحدود 500 الف

معين · #8 (**permalink**) 07-10-2010, 02:56 PM

اقتباس:

المشاركة الأصلية كتبت بواسطة هواجس بدوي

السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
حقيقة أنا أثق في الله أولا ثم التفكير الجماعي وخاصة من خلال متابعتي يوجد هنا معرفات رائعة
بعضهم صغير في عمره ولكن نفكيره روووعة
وكثير منهم صاحب خبرة
مالكم في الطويلة

أنا عندي أرض بقيمة 500 الف
وعلي دين تقريبا ب 680 الف
جات في بالي خطتين لسداد ديوني وقيام مشاريعي :
الخطة الأولى:
آخذ قرض تضامن مع الزوجة ونتحصل على مبلغ 380 الف
وادخل في مشروع تقسيط ومن ارباحه اسدد
وبذلك اكون حافظت على الارض
او الخطة الثانية :

ابيع الارض وادخل مشروع تقسيط ب 500
وآخذ قرض 380 واسدد نصف ديوني
وبعد تدوير ال 500 لمدة ثلاث سنوات اسدد المتبقي
وش الراي يا الربع
ولو فيه خطة ثالثة ياليت تفيدوا اخوكم
معلومات أساسية :
إجمالي الديون :680 الف

علما بأني موظف براتب 13000
وزوجتي براتب 7400 (والله مدري عنها يمكن تقول لي ضف وجهك )

واملك قطعة ارض تسوى 500

يلا شغل مخك معي واسعى في حاجة أخوك

كلامك كله غير سليم

وقبل لا ادلي برأيي حبيت اسألك لو قرأت عن النموذج الرباعي للتدفقات النقديه للمؤلف روبرت تي . كيوساكي

بعد ما تجاوبني راح ابين لك خطأك في الموضوع كله وشانسب طريقه لك

اخوك ابولجين

أحساس راقي · #9 (**permalink**) 07-10-2010, 03:07 PM

اخوي هواجيس بدوي

لو توضح لك بس هواجيسك عشان اقدر اضبط الموضوع

عندك ارض سعرها 500 الف

وعندك دين ياساوي 680 الف ريال

بخصوص الدين هل هو بشكل اقساط , او ملزم به الان ,

اذا كان بنظام الاقساط انا اقترح عليك

يوجد مشروع تكلفته الاجماليه مابين 500 الى 550 الف

دخله الشهري مابين 9 الاف الى 12 الف شهري

نسبة ضمان رأس المال 100% بأذن الله

المشروع عقاري بناء 8 استرحات في احدى مدن المنطقة الشرقية .

دخل الاستراحة الواحده لايقل عن 1000 ريال شهري السعر المتعارف عليه الان من 1200 الى 1500 ريال

زمن انهاء المشروع يتراوح من 6 اشهر الى 10 اشهر .

المربح السنوي على اقل شي 96 الف ريال

المتوسط 110 الف ريال

زمن تسديد القرض خلال ستة سنوات تسدد الدين وتقدر تبيع الاستراحات بمبلغ لايقل عن 600 الف

والسلام عليكم